បុរសកំពូលសំណាង! មានប្រពន្ធ ៧ នាក់ កូន ២១ នាក់ មិនដែលឈ្លោះ រស់នៅជុំគ្នាយ៉ាងសុខសាន្ត

ពិតជារឿងដ៏គួរឱ្យចាប់អារម្មណ៍ជាខ្លាំង ដោយថ្មីៗនេះ សារព័ត៌មានក្នុងស្រុកមួយរបស់វៀតណាម មានឈ្មោះថា Eva.vn បានចេញផ្សាយពីបុរសជនជាតិភាគតិចស្ថិតនៅភាគខាងជើងនៃប្រទេសម្នាក់ ឈ្មោះថា Tho Mi Jie មានប្រពន្ធ ៧ នាក់ និង មានកូនសរុបចំនួន ២១ នាក់ ដោយរស់នៅជាមួយគ្នាយ៉ាងមានសេចក្ដីសុខសុភមង្គល។

សម្រាប់ប្រពន្ធទាំង ៧ របស់លោក Tho Mi Jie គឺជាមនុស្សដែលយល់គ្នាណាស់។ ក្នុងចំណោមប្រពន្ធទាំង ៧ នាក់ មានតែប្រពន្ធទី ៦ របស់លោកទេដែលចេញទៅក្រៅធ្វើការ រីឯប្រពន្ធឯទៀតនៅផ្ទះមើលថែកូន និង ធ្វើស្រែចម្ការ ចិញ្ចឹមសត្វ ជាដើម។

បើតាមសម្តីរបស់លោក Tho Mi Jie ដែលជាមេគ្រួសារបាននិយាយថា ៖ «ដ្បិតលោកមានជីវភាពមិនធូរធារដូចគេក្ដី ប្រពន្ធលោកទាំងអស់ស្រឡាញ់គ្នាណាស់ ហើយម្នាក់ៗក៏ស្រឡាញ់លោកខ្លាំងដែរដោយរាល់ថ្ងៃរស់នៅជាមួយគ្នាពុំដែលឈ្លោះប្រកែកគ្នាឡើយ។ លើសពីនោះ លោកក៏មិនខ្វល់នៅពាក្យដែលគេនិយាយថាលោកមានប្រពន្ធច្រើន មានកូនច្រើននោះដែរ សំខាន់លោកដឹងខ្លួនឯងលោកច្បាស់ថាគួរធ្វើខ្លួនបែបម៉េច»៕