ស្ថិតនៅប៉ែកខាងត្បូងនៃប្រទេសកម្ពុជា ខេត្តកំពត ត្រូវបានគេស្គាល់ថាជាខេត្តដែលសម្បូរទៅដោយតំបន់ទេសចរណ៍ធម្មជាតិដ៏សម្បូរបែប មានទាំងតំបន់ភ្នំ តំបន់ទឹកប្រៃ តំបន់ទឹកសាប ប្រកបទៅដោយទស្សនីយភាពស្រស់ត្រកាល ទាក់ទាញភ្ញៀវទេសចរ ឱ្យចង់ទៅទស្សនាកម្សាន្តឥតជិនណាយ។
ទន្ទឹមនេះផងដែរ នៅភូមិសាស្ត្រខេត្តកំពតដ៏ពិសិដ្ឋខាងលើ ក៏នឹងមានរៀបចំពិធីប្រណាំងទូក (ង) ខ្នាតប្រពៃណី ស្ថិតលើដងព្រែក កំពង់បាយ (ព្រែកកំពត) នៅថ្ងៃទី ៦-៧ ខែវិច្ឆិកា ឆ្នាំ ២០២២ និង ពិធីបណ្តែតប្រទីប អកអំបុក សំពះព្រះខែ នៅ ថ្ងៃទី ៨ ខែវិច្ឆិកា ឆ្នាំ ២០២២ ខាងមុខនេះ ដើម្បីចូលរួមអបអរសាទរព្រះរាជពិធីបុណ្យអុំទូក បណ្ដែតប្រទីប អកអំបុក និង សំពះព្រះខែ។ នេះបើតាមការឱ្យដឹងពីរដ្ឋបាលខេត្តកំពត នៅថ្ងៃទី ៣០ ខែកញ្ញា ឆ្នាំ ២០២២។
អាស្រ័យហេតុនេះ ដើម្បីញ៉ាំងបរិយាកាសនៃកម្មវិធីខាងលើឱ្យកាន់តែមានភាពអធិកអធម និង សប្បាយរីករាយ រដ្ឋបាលខេត្តកំពត ក៏បានត្រៀមរៀបចំការសម្ដែងសិល្បៈ តន្ត្រីប្រពៃណី និង ការតាំងពិព័រណ៍ភូមិមួយ ផលិតផលមួយផងដែរ ដោយគោរពអញ្ជើញសាធារណជន និង បងប្អូនប្រជាពលរដ្ឋរស់នៅក្នុងខេត្ត និង ក្រៅខេត្ត ចូលរួមទស្សនាកម្សាន្តប្រកបដោយភាពសប្បាយរីករាយ៕
សូមអានសេចក្ដីលម្អិតនៅខាងក្រោម ៖