(វីដេអូ) នេះហើយជីវិតមានន័យ! គូស្នេហ៍វ័យចាស់ កាន់ដៃគ្នា ទៅលេងរូបសំណាកនៅព្រះសីហនុ ផ្ទុះការសរសើរព្រាត
ថ្មីៗនេះ បងប្អូនអ្នកលេងបណ្ដាញសង្គម បាននាំគ្នាផ្ទុះការចាប់អារម្មណ៍ និង ស្ញើចសរសើរជាខ្លាំង ចំពោះសកម្មភាពលោកតា និង លោកយាយវ័យចំណាស់មួយគូ ដឹកដៃគ្នាដើរលេងកម្សាន្ត នៅទឹកដីខេត្តព្រះសីហនុ ធ្វើឱ្យមហាជនច្រណែន ចែករំលែកព្រោងព្រាត ពេញបណ្ដាញសង្គម។
ទាក់ទិនទៅនឹងសកម្មភាពរបស់លោកតាលោកយាយខាងលើ បើតាមវីដេអូបង្ហោះក្នុងបណ្ដាញសង្គម Tiktok តាមរយៈគណនីឈ្មោះ PHA បានបង្ហាញពីសកម្មភាពលោកតា ដឹកដៃលោកយាយ ទស្សនារូបសំណាកព្រះថោងតោងស្បៃនាងនាគ នៅទីតាំងខេត្តព្រះសីហនុ ដោយក្ដីស្រឡាញ់ និង ការយកចិត្តទុកដាក់បំផុត ព្រមទាំងថតរូបអនុស្សាវរីយ៍ជាមួយគ្នាយ៉ាងផ្អែមល្ហែមផងដែរ។
តាមរយៈសកម្មភាពមួយនេះ ជាគំរូដ៏ល្អប្រពៃបំផុត ដែលអ្នកមានជីវិតគូតែងតែប្រាថ្នាចង់បាន ជាពិសេសគឺការថែរក្សាក្ដីស្រឡាញ់ ព្រួយបារម្ភគ្នាទៅវិញទៅមក រហូតដល់វ័យចាស់ព្រឹទ្ធចាស់ព្រេងរៀងខ្លួន ដែលពាក្យខ្មែរយើងតែងពោលថា កាលវេលាតែងតែផ្លាស់ប្ដូរ តែក្ដីស្រឡាញ់ពិតពុំដែលប្រែប្រួលនោះឡើយ៕