រញ្ជួយដីនៅអាហ្វហ្គានីស្ថាន អ្នកស្ល-ា.-ប់កើនជិត ១ ពាន់នាក់ និង កំពុងមានមនុស្សបាត់ខ្លួនច្រើននាក់ទៀត

យោងតាមព័ត៌មាន CNA កាលពីថ្ងៃទី ២២ ខែមិថុនា ឆ្នាំ ២០២២ កន្លងទៅនេះ បានឱ្យដឹងថា ចំនួនអ្នកស្លាប់ដោយសារគ្រោះរញ្ជួយដីក្នុងកម្រិត ៦.១ រ៉ិចទ័រនៅឯអាហ្វហ្គានីស្ថាន បានកើនឡើងដល់ ១ ពាន់នាក់ហើយ និង មានអ្នករបួសជាង ៦០០ នាក់ ហើយចំនួនអ្នកស្លាប់គេរំពឹងថាអាចនឹងកើនឡើងបន្ថែមទៀត។

បុគ្គលិកសុខាភិបាលមួយរូបបានឱ្យដឹងថា ៖ «មានមនុស្សមួយចំនួននៅតែជាប់គាំងនៅក្រោមគំនរបាក់បែក នៅតំបន់ដាច់ស្រយាល ហើយលោកនឹងបន្តជួយសង្គ្រោះក្នុងស្ថានភាពដ៏លំបាកមួយដែលរួមមានភ្លៀងធ្លាក់ខ្លាំង និង ​ការរអិលបាក់ដីនៅភូមិជាច្រើនទៀត ដែលកំពុងស្ថិតនៅក្នុងតំបន់ភ្នំមួយចំនួនដែលមិនអាចចូលទៅដល់»។

ក្នុងនោះដែរ​ លោក Loretta Hieber Girardet មកពីការិយាល័យកាត់បន្ថយហានិភ័យគ្រោះមហន្តរាយរបស់អង្គការសហប្រជាជាតិ (United Nations’ disaster risk reduction) បានបញ្ចូនក្រុមគ្រូពេទ្យ រួមទាំងបានឱ្យដឹងដែរថា ៖ «លោកនឹងធ្វើការផ្តល់ជំនួយ និង ជួយសង្គ្រោះមនុស្សដែលជាប់គាំងនៅក្រោមគំនរបាក់បែកដែលប្រឈមមុខនូវគ្រោះធម្មជាតិដ៏អាក្រក់មួយនេះផងដែរ»៕

ប្រភព៖ CNA