ស្វាមីគំរូ! ចប់ភារកិច្ចនៅក្រៅប្រទេស អ្នកឧកញ៉ា គិត ម៉េង ឆ្លៀតទិញសម្លៀកបំពាក់ផ្ទាល់ដៃផ្ញើភរិយា សមជាស្វាមីល្អ

មហាជននៅក្នុងបណ្ដាញសង្គម បាននាំគ្នាផ្ទុះការស្ងើចសរសើរ ក្រោយឃើញសកម្មភាព អ្នកឧកញ៉ា គិត ម៉េង មហាសេដ្ឋីលំដាប់នៅកម្ពុជា ឆ្លៀតពេលវេលារើសសម្លៀកបំពាក់ទិញផ្ញើជូនភរិយាជាទីស្រឡាញ់របស់លោក ក្រោយពេលទំនេរពីភារកិច្ចនៅក្រៅប្រទេស ជាទង្វើស្វាមីគំរូ គួរឱ្យស្ញប់ស្ញែងបំផុត។

រូបភាពសកម្មភាពបែបនេះ ត្រូវបានបង្ហោះដោយផេកមួយ មានឈ្មោះថា Modern & Classic Collection ព្រមទាំងបានបញ្ជាក់ឱ្យបានដឹងថា ៖ «ក្នុងពេលមានបេសកកម្មនៅក្រៅប្រទេស​ អ្នកឧកញ៉ា​ គិត​ ម៉េង បានឆ្លៀតចំណាយពេលសម្រាកដែលនៅសល់តិចតួចពីការងារ មករើស និង ទិញសម្លៀកបំពាក់ ជូនលោកជំទាវ​ ម៉ៅ ចំណាន​ ដោយផ្ទាល់ដៃ»។

ក្រោយឃើញបែបនេះ មហាជនខ្មែរបាននាំគ្នា ស្ញើចសរសើរព្រោងព្រាត ចំពោះទង្វើរបស់អ្នកឧកញ៉ា ដែលប្រកបទៅដោយការយកចិត្តទុកដាក់ចំពោះភរិយា ខណៈកន្លងមកលោកតែងជាមេគ្រួសារដ៏កក់ក្ដៅមួយរូប ផ្ដល់ភាពផ្អែមល្ហែម ដឹកនាំគ្រួសាររុងរឿងមួយ ប្រកបទៅដោយសុភមង្គល និង យកចិត្តទុកដាក់ចំពោះកូនៗជាទីស្រឡាញ់ ព្រមទាំងផ្ដល់តម្លៃដល់ភរិយារបស់លោកខ្លាំងបំផុត បង្ហាញពីគំរូដ៏ល្អប្រពៃ ទៅកាន់មហាជននៅក្នុងសង្គម៕