ពីរោះម្យ៉ាង! ដឹងអត្ថន័យភាសាតាមតំបន់អ្នកខេត្តកំពតនិយាយហើយ ចង់ដាច់ចង្កេះ!
ស្ថិតនៅចម្ងាយប្រមាណ ១៤៧ គីឡូម៉ែត្រ ពីរាជធានីភ្នំពេញ ខេត្តកំពត មិនត្រឹមតែជាទឹកដីទេសចរណ៍ដ៏ពេញនិយមប៉ុណ្ណោះទេ តែថែមទាំងមានពាក្យក្នុងតំបន់ប្លែកៗ គួរឱ្យចាប់អារម្មណ៍ទៀតផង ដែលគេនិយមនិយាយ ស្ដាប់ទៅពីរោះម្យ៉ាង។
ជាក់ស្ដែង ពាក្យទាំងនោះ មានដូចជា៖
១. ម៉ូតូអូម ចង់សំដៅដល់ «ម៉ូតូឌុប»
២. ខ្លាំ ចង់សំដៅដល់ «ចានដែក»
៣. គឺ មិន គឺ ចង់សំដៅដល់ «ពិត ឬមិនពិត»
៤. ខែអូង ចង់សំដៅដល់ «ព្រះចន្ទ»
៥. ប៉ាហួក ចង់សំដៅដល់ «ប្រហុក»
៦. មិត ចង់សំដៅដល់ពាក្យ «រត់»
៧. ចឹងវ៉ិន ចង់សំដៅដល់ «អ៊ីចឹងសោះ»
៨. ឆ្ងឹត ចង់សំដៅដល់ «ឆ្ងៀម»
៩. គី ចង់សំដៅដល់ «កាពិ»
១០. ម៉ាញ៉ឹង ចង់សំដៅដល់ «ម៉ាយួរ»
១១. កាំបិតលៀម ចង់សំដៅដល់ «កាំបិទផ្គាក់»
យ៉ាងណាមិញ ចំពោះពាក្យទាំងនេះ ត្រូវបានគេនិយមនិយាយទៅតាមតំបន់នីមួយៗ នៅក្នុងភូមិសាស្ត្រខេត្តកំពត ដែលមកទល់ពេលនេះ សាយភាយដល់ខេត្ត-ក្រុងនានា និយមនិយាយលេងត្រាប់ត្រាម អ្នកមកពីខេត្តកំពត តាមរយៈការមកបំពេញកាតព្វកិច្ចការងារ ក៏ដូចជាមករស់នៅតាមតំបន់ណាមួយជាដើម៕
