ព្រឺសម្បុរ! ស្លាប់ហើយរស់ឡើងវិញ តែចេញចរិតប្លែក ចូលចិត្តលិទ្ធមាត់លិទ្ធ-ក រហូតអ្នកភូមិលែងហ៊ានរស់នៅជិត
ថ្មីៗនេះ រឿងរ៉ាវមួយនាខេត្តអ៊ុតថៃថានី ប្រទេសថៃ បានធ្វើឱ្យមានការចាប់អារម្មណ៍យ៉ាងខ្លាំងពីសំណាក់បណ្តាញសង្គម ដោយមាននារីម្នាក់ស្លាប់ហើយរស់ឡើងវិញ តែបែរមានចរិតប្លែក ចូលចិត្តលិទ្ធមាត់លិទ្ធ-ក បរិភោគស្លឹកឈើ ធ្វើឱ្យម្តាយភ័យនៅមិនសុខស្រែករកជំនួយ ព្រោះគិតថានាងខ្មោចចូល។
តាមម្តាយបានឱ្យដឹងថា កូនស្រីរបស់ខ្លួនសព្វថ្ងៃមានអាយុ ៤៤ ឆ្នាំហើយ ក្នុងនោះកាលពីអាយុ ១៨ ឆ្នាំគេបានបាត់បង់ជីវិតម្តងហើយ គឺដោយសារតែអាការណែនទ្រូងពិបាកដកដង្ហើម តែពិនិត្យមើលទៅគ្មានឃើញជំងឺអ្វីឡើយ។
ខ្លួនក៏បានរៀបចំពិធីបុណ្យសពឱ្យ តែកំពុងតែរៀបចំសុខៗនាងក៏ភ្ញាក់ដឹងខ្លួនមកវិញ ចាប់ពីពេលនោះមកនាងក៏ចាប់ផ្តើមមានចរិតប្លែកៗ ដូចជាខ្មោចចូល ដែលធ្វើឱ្យម្តាយភ័យខ្លាចជាខ្លាំង ជាពិសេសនោះ គឺនាងតែងតែឃ្លានចូលចិត្តបរិភោគស្លឹកឈើថែមទៀតផង។
ក្រោយមកទៀត ស្រ្តីជាម្តាយក៏បានទៅរកគ្រូមើល គេក៏ប្រាប់ថា កូនស្រីរូបនេះមានខ្មោចតាមជាប់ខ្លួន ហើយនៅផ្ទះដែលកំពុងស្នាក់នៅនោះ តាមពិតទៅគឺជាកន្លែងប៉ាឆាខ្មោចចាស់ វានឹងយកមនុស្សទៅម្នាក់ម្តងៗ។
ក្រោយពីនោះមិនបានប៉ុន្មាន ប្តីរបស់ស្រ្តីជាម្តាយរូបនេះក៏បានទៅចង-កស្លាប់ ហើយកូនប្រសាស្រីក៏ស្លាប់បាត់ទៀត ចុងក្រោយក៏ធ្លាក់មកដល់កូនស្រីនេះទៀត ហើយសូម្បីតែអ្នកជិតខាងក៏បានស្លាប់ទៅតាមគ្នាម្តងម្នាក់ៗ ស្ទើរអស់ផងដែរ។
យ៉ាងណាមិញ មកទល់សព្វថ្ងៃនេះ ស្រ្តីរូបនេះបានឱ្យដឹងថា មានតែផ្ទះខ្លួនប៉ុណ្ណោះដែលនៅទីនេះទាំងភ័យខ្លាច អ្នកផ្សេងៗគេនាំគ្នារត់ដូរទីតាំងអស់ហើយ ហើយខ្លួនពិតជាធ្វើអ្វីមិនបានឡើយ ក្រៅពីសុំឱ្យអ្នកចេះមន្តចេះវិជ្ជាមកជួយសង្គ្រោះនោះ៕
សូមទស្សនាវីដេអូខាងក្រោម៖