ស្រឡាញ់អាជីពផ្នួងពេក មុនស្ល-ា.-ប់ផ្តាំអ្នកផ្ទះថា បើខ្ញុំស្ល-ា.-ប់សូមធ្វើបុណ្យសពឱ្យដូចពិធីរៀបការ
កាលពីកន្លងទៅនេះ មានពីធីបុណ្យសពមួយបានធ្វើឱ្យភ្ញាក់ផ្អើលដល់មហាជននៅតាមបណ្តាញសង្គមហ្វេសប៊ុកជាខ្លាំង ព្រោះបើមើលមួយភ្លែតទៅមិនដឹងថាជាបុណ្យសពនោះទេ ពោលគឺមានការរៀបចំតុបតែងដូចជាពិធីមង្គលការទៅវិញ។
យ៉ាងណាមិញ តាមព័ត៌មានបានឱ្យដឹងថា ពិធីបុណ្យនេះបានធ្វើឡើងនៅខេត្តកាំផែងផេច ប្រទេសថៃ ដោយអ្នកស្លាប់មានអាយុ ៣០ ឆ្នាំ ជាអ្នកភ្នួងល្បីប្រចាំភូមិស្រុករបស់ខ្លួន បានស្លាប់ដោយសារតែគ្រោះថ្នាក់ចរាចរណ៍។
ដោយសារតែខ្លួនស្រឡាញ់អាជីពខាងផ្នួងនេះខ្លាំងពេក នៅពេលមុននឹងស្លាប់បុរសខាងលើក៏បានធ្លាប់និយាយលេងសើចជាមួយនឹងបងប្អូនរបស់ខ្លួន ក៏ដូចជាក្រុមផ្នួងថា បើសិនជាគេស្លាប់ ឱ្យធ្វើពិធីបុណ្យសពឱ្យដូចជាពិធីរៀបការ ដោយថែមឱ្យតែងរោងពណ៌ក្រហមសដែលខ្លួនចូលចិត្ត ព្រមទាំងឱ្យយកឈុតកូនក្រមុំ ៥ ឈុត ដែលគេស្រឡាញ់យកមកតាំងក្នុងរោងផង។ លើសពីនេះទៅទៀត គេក៏បានប្រាប់ពួកម៉ាកថា ហាមមិនឱ្យនាំគ្នាយំញែកកើតទុក្ខនោះទេ ឱ្យនាំគ្នារាំលេងឱ្យសប្បាយថែមទៀតផង។
យ៉ាងណាមិញ ខាងក្រុមគ្រួសារក៏បានចាត់តាមបំណងអ្នកស្លាប់នេះ ដោយបានរៀបចំពិធីបុណ្យសពដូចទៅនឹងពិធីរៀបការដូច្នោះឯង ដោយមានការយកឈុតកូនក្រមុំថៃ និងគ្រឿងតែងមុខមាត់ទៅតាំងនៅមុខមេរុ ថែមទាំងមានការតែងខ្លួនស្លៀកឈុតថៃដើម្បីហែសពឡើងមេរុ ហើយលើសពីនេះទៀត ហើយចុងក្រោយគេក៏បាននាំគ្នារាំបទដែលអ្នកស្លាប់មុខសពរបស់គេផងដែរ៕