ដូចរឿងព្រេងនិទាន! ទម្លាយទិដ្ឋភាពពិធីអភិសេកបុត្រី ស្តេចប៊្រុយណេ រយៈពេល ១០ ថ្ងៃ អធិកអធមអស្ចារ្យ
ព្រះរាជបុត្រីនៃព្រះចៅ ស៊ូតង់ ប្រទេសប៊្រុយណេ បានធ្វើការរៀបអភិសេកហើយ ក្នុងកម្មវិធីដ៏អធិកអធមរយៈពេល ១០ ថ្ងៃ នៅឯព្រះបរមរាជវាំង។
ព្រះនាង Fadzillah Lubabul ព្រះជន្ម ៣៦ ព្រះវស្សា ជាព្រះរាជបុត្រីព្រះមហាក្សត្ររបស់ប្រទេស ប្រុយណេ ព្រះចៅ Sultan Hassanal Bolkiah។ ព្រះនាង Fadzillah ជាបុត្រីទី ៩ ក្នុងចំណោមបុត្រទាំង ១២ ដែលជាប្រធានក្រុមកីឡាបាល់បោះជម្រើសជាតិ។
ព្រះរាជពិធីរៀបអភិសេករបស់ព្រះនាង គឺចាប់ប្រព្រឹត្តធ្វើឡើងនៅថ្ងៃទី ១៦ ខែមករា ឆ្នាំ ២០២២ កន្លងទៅ និងបានបញ្ចប់ព្រះរាជពិធីដ៏ឱឡារិកមួយនេះ នៅថ្ងៃទី ២៥ ខែមករា ឆ្នាំ ២០២២ នេះ។ ព្រះរាជពិធី បានប្រព្រឹត្តទៅនៅឯព្រះវិហារ Omar Ali Saifuddien។ រហូតមកដល់ថ្ងៃទី ២៤ ខែមករា ឆ្នាំ ២០២២ ព្រះរាជពិធីក៏បានបន្តតាមទំនៀមទម្លាប់ប្រពៃណីនៅឯសាលមួយកន្លែងក្នុងព្រះបរមរាជវាំង៕
ប្រភព៖ Daily Mail
