មហាជនចាប់អារម្មណ៍ថា កីឡាករប្រដាល់ជប៉ុនសង្ហា Kota Miura មានមុខស្រដៀងតារាកូរ៉េល្បីម្នាក់
កីឡាករប្រដាល់ជនជាតិជប៉ុន Kota Miura ដែលត្រូវជាកូនប្រុសបង្កើតរបស់កីឡាករបាល់ទាត់ដ៏ល្បី Kazu Miura កំពុងផ្ទុះការចាប់អារម្មណ៍ខ្លាំងពាសពេញបណ្ដាញសង្គមក្នុងរយៈពេលប៉ុន្មានថ្ងៃនេះ ដោយសារតែរូបសម្រស់យ៉ាងស្រស់សង្ហាមិនធម្មតារបស់លោក។
កំលោះអ្នកប្រដាល់រូបស្រស់វ័យត្រឹម ១៩ ឆ្នាំរូបនេះ ត្រូវបានឱ្យដឹងថា បានហ្វឹកហាត់ក្នុងវិស័យប្រដាល់នេះជាយូរមកហើយ ក្នុងនោះរូបគេ ក៏បានមកប្រឡូកលើសង្វៀនប្រកួតជាលើកដំបូងកាលពីថ្ងៃទី ៣១ ខែធ្នូ ឆ្នាំ ២០២២ កន្លងទៅនេះឯង។ ដោយសារតែការហ្វឹកហាត់មកជាយូរ ក៏ដូចជាការប្រឹងប្រែងយ៉ាងស្វិតស្វាញ កំលោះ Kota ក៏យកជ័យជម្នះបាននៅក្នុងការប្រកួតលើកទីមួយរបស់ខ្លួនតែម្តង លើសពីនេះទៅទៀត រូបគេក៏រឹតតែល្បីល្បាញនៅតាមបណ្តាញសង្គមថែមមួយកម្រិតទៀត ដោយសារតែសម្រស់ និង ស្នាមញញឹមដ៏គួរឱ្យទាក់ទាញ។
ជាមួយនឹងភាពល្បីល្បាញថ្មីៗនេះ មហាជនក៏ដូចជាអ្នកគាំទ្រជាច្រើនបានចាប់អារម្មណ៍ថា រូបសម្រស់របស់កីឡាករប្រដាល់ MMA វ័យក្មេងរូបនេះ គឺមានទម្រង់មុខរាយមន្តស្នេហ៍ខ្លាំង និងស្រដៀងគ្នានឹងតារាសម្ដែងល្បីប្រចាំប្រទេសកូរ៉េ Park Bo Gum។ មហាជនជាច្រើន គឺចាប់អារម្មណ៍ថា ទម្រង់មុខ ស្នាមញញឹម រួមទាំងភ្នែករបស់គាត់ គឺស្រដៀងគ្នាខ្លាំង៕
ប្រភព៖ Bongda24h
