ខេត្តកំពត ជាខេត្តដ៏ពេញនិយមបំផុត សម្រាប់ភ្ញៀវទេសចរ តែងធ្វើដំណើរទៅលេងកម្សាន្តកម្រអាក់ខានណាស់ មិនថាថ្ងៃចុងសប្ដាហ៍ ឬ ថ្ងៃឈប់សម្រាកបុណ្យទាននោះទេ ដ្បិតអីទឹកដីដ៏សែនមនោរម្យមួយនេះ នៅមិនឆ្ងាយប៉ុន្មានពីរាជធានីភ្នំពេញឡើយ។
ជាក់ស្ដែងថ្មីៗនេះ មហាជននៅក្នុងបណ្ដាញសង្គម បាននាំគ្នាផ្ទុះការចាប់អារម្មណ៍ នូវរីសតលម្ហែមួយកន្លែង ស្ថិតក្នុងដែនដីដ៏មានសក្តានុពលខាងលើ ដែលនៅទីនោះមានឈ្មោះថា «បាលីវីឡា»។
«បាលីវីឡា» ជាវីឡាឯកជនដែលមានទេសភាពស្រស់ស្រាយខ្លាំង និង ជារីសតលម្ហែកាយ ដែលស្ថិតនៅក្បែរជើងភ្នំជាប់មាត់ទឹក សម្បូរទៅដោយប្លង់ថតរូបស្អាត ជាទីស័ក្តិសម និង ពេញនិយមសម្រាប់ដំណើរកម្សាន្តបែបជួបជុំមិត្តភក្តិ ជួបជុំលក្ខណៈគ្រួសារ និង បែបគូស្នេហ៍ ជាដើម។
អ្វីដែលកាន់តែពិសេសទៀតនោះ រីសតខាងលើ ត្រូវបានរៀបចំឡើងស្រស់ស្អាត ស្រដៀងនៅកោះបាលីផងដែល ដែលទីតាំងមួយនេះ សាងសង់ឡើងមានលក្ខណៈ Private ខ្លាំង មានទេសភាពធម្មជាតិពិតៗ ថែមទាំងមានអាងហែលទឹកលក្ខណៈឯកជនទៀតផង ធានាថាបានទៅសម្រាកលម្ហែហើយ ពិតមិនខុសបំណងឡើយ។
ដោយឡែក បើនិយាយពីតម្លៃវិញ Balivillaprivatepool មានតម្លៃ ២៥០$ ស្នាក់នៅបាន ពី ១២-១៥ នាក់ ខណៈ BaliBungalow មានតម្លៃ ៧០$ អាចស្នាក់នៅបានពី ២-៤ នាក់៕
រូបភាពដោយ ៖ Tourism Cambodia