សូមប្រយ័ត្ន! មនុស្ស ៤ ក្រុមនេះ អាចមានគ្រោះថ្នាក់ខ្លាំង បើឆ្លងកូវីដបំប្លែងថ្មី «អូមីក្រុង»
មកទល់ពេលនេះ អង្គការសុខភាពពិភពលោក កំពុងព្រួយបារម្ភចំពោះ វីរុសកូវីដ-១៩ បំប្លែងខ្លួនថ្មី ប្រភេទ B.1.1.529 ឈ្មោះថា «អូមីក្រុង» ដោយពុំទាន់ដឹងថា វីរុសនេះ នឹងមានលទ្ធភាពក្នុងការចម្លង ឬ ឆ្លងទៅលើមនុស្សដែលធ្លាប់បានឆ្លងរួចទៅហើយឬអត់? ខណៈករណីឆ្លងវីរុសដំបូង បានកើតឡើងនៅថ្ងៃទី ៩ វិច្ឆិកា ឆ្នាំ ២០២១ នៅឯប្រទេសអាហ្រ្វិចខាងត្បូង ដែលបញ្ជាក់ដោយមន្ទីរពិសោធដំបូងគេ និង បានរាយការណ៍ដំបូង ទៅអង្គការសុខភាពពិភពលោក នៅថ្ងៃទី ២៤ វិច្ឆិកា ២០២១ កន្លងទៅនេះ។
ចំពោះបញ្ហានៃការឆ្លង កូវីដបំប្លែងថ្មីប្រភេទ «អូមីក្រុង» នេះ លោកស្រីវេជ្ជបណ្ឌិត Angelique Coetzee និង ជាប្រធានសមាគមវេជ្ជសាស្ត្រអាហ្វ្រិកខាងត្បូង (SAMA) បានបញ្ជាក់ឱ្យបានដឹងថា ថ្វីដ្បិតតែវីរុសប្រភេទថ្មីនេះរកឃើញថាមានលក្ខណៈមិនធម្មតាពិតមែន ប៉ុន្តែអាការបង្កររបស់វាមានលក្ខណៈស្រាលជាងវីរុសប្រភេទមុន ដែលលោកស្រីធ្លាប់ព្យាបាល ដោយសារអ្នកជំងឺដែលអ្នកស្រីបានជួបនោះ គឺមានអាការអស់កម្លាំង ឈឺសាច់ដុំ មានអារម្មណ៍មិនស្រួលខ្លួន ២ ទៅ ៣ ថ្ងៃ ក្អក ឡើងកម្ដៅ ជីពចរលោតញាប់ ខណៈគ្មានអ្នកឆ្លងណាមួយ បានបាត់បង់ក្លិន ឬ បាត់បង់រសជាតិនោះឡើយ។
យ៉ាងណាមិញ បើទោះជាបែបនេះក្ដី ប្រធានសមាគមវេជ្ជសាស្ត្រអាហ្វ្រិកខាងត្បូង (SAMA) ខាងលើ បានបង្ហាញពីការព្រួយបារម្ភចំពោះក្រុមមនុស្ស ៤ ប្រភេទ ដែលអាចឆ្លងវីរុសប្រភេទថ្មីនេះ បណ្ដាលឱ្យមានលក្ខណៈធ្ងន់ធ្ងរ ប្រសិនបើមិនទទួលបានថ្នាំបង្ការទាន់ពេលវេលា ដែលអ្នកទាំងនោះមានដូចជា ៖
១. មនុស្សចាស់មានជំងឺប្រចាំកាយ
២. អ្នកដែលមិនបានចាក់វ៉ាក់សាំងបង្កាជំងឺកូវីដ-១៩
៣. អ្នកមានជំងឺទឹកនោមផ្អែម
៤. និង អ្នកមានជំងឺបេះដូង ៕
ប្រភព ៖ New York Post
