លើកមុនទិញ Rolls Royce ជាង ១ លានដុល្លារ ឥលូវប្អូនស្រីថៅកែហង្សមាស ទិញ ១ គ្រឿងទៀត មានជិះមុនគេនៅខ្មែរ!
ប្រិយមិត្តប្រហែលជាចាំមិនទាន់ភ្លេចទេ កាលពីថ្ងៃទី ២៧ ខែកក្កដា ឆ្នាំ ២០២០ កន្លងទៅនេះ មានទិដ្ឋភាពមួយបានកើតឡើងនៅបរិវេណម្តុំផ្សារអូឡាំពិក បង្កឱ្យមានការភ្ញាក់ផ្អើលចាប់អារម្មណ៍យ៉ាងខ្លាំង ដោយរថយន្តប្រណីតពណ៌ខ្មៅរលើបរលោងមានតម្លៃជាង ១ លានដុល្លារ ត្រូវបានគេដឹកដល់មុខផ្ទះអ្នកទិញលើកម្រាលព្រំដ៏ក្រហមឆ្អិនឆ្អៅ ដែលម្ចាស់រថយន្តទើបនោះត្រូវបានគេស្គាល់ថាអ្នកស្រី អ៊ឹង សុខគីម ជាប្អូនស្រីរបស់ថៅកែហង្សមាស និង ជាម្ចាស់ហាងកាបូប KB ។
រំលងបានប៉ុន្មានខែបន្ទាប់ ពោលគឺនៅថ្ងៃទី ១២ ខែធ្នូ ឆ្នាំ ២០២០ កន្លងទៅនេះទៀត អ្នកស្រី អ៊ឹង សុខគីម និង ស្វាមីឈ្មោះ តាំង ហេងទ្រី បានទិញរថយន្តថ្មីសន្លាងថែមមួយគ្រឿងទៀត ជាម៉ាកល្បីនៅរបស់ប្រទេសអុីតាលីឈ្មោះ Maserati មានតម្លៃខ្ពស់កប់ក្តោង មិនចាញ់រថយន្តម៉ាក Rolls-Royce Black Badge Cullinan ពណ៌ខ្មៅ ១ គ្រឿងលើកមុនឡើយ ។
បើតាមទំព័រហ្វេសប៊ុកក្រុមហ៊ុនរថយន្ត Maserati Cambodia ដែលបានបង្ហោះកាលពីថ្ងៃទី ១២ ខែធ្នូ ឆ្នាំ ២០២០ កន្លងទៅនេះ បានឱ្យដឹងថា «សូមថ្លែងអំណរគុណយ៉ាងជ្រាលជ្រៅទៅដល់ម្ចាស់អាជីវកម្ម KB Online Shop ដែលបានក្លាយទៅជាអតិថិជនដំបូងគេរបស់ Maserati កម្ពុជា» ៕