បើនឹកឃើញដល់អាហារសម្រន់រសជាតិជូរហឹរៗនោះ បុកល្ហុងគឺពិតជាស័ក្តិសមយ៉ាងខ្លាំងចំពោះអ្នកដែលចូលចិត្តញុំាអាហារហឹរៗបែបនេះ ។ បុកល្ហុងអាចនឹងមានរសជាតិប្លែកៗគ្នាអាស្រ័យទៅលើទឹកដៃរបស់អ្នកបុក និង គ្រឿងផ្សំ ។ ថ្ងៃនេះ «ប្រជាប្រិយ» នឹងលើកយករូបមន្តបុកល្ហុងឆ្ងាញ់ជាប់មាត់មកបង្ហាញជូនដល់អ្នកទាំងអស់គ្នា ។
របៀបធ្វើបុកល្ហុងឆ្ងាញ់
+គ្រឿងផ្សំ ៖ ខ្ទឹមស ម្ទេស កាពិ ស្ករត្នោត ប៊ីចេង ទឹកត្រី ក្រូចឆ្មា ក្តាមប្រៃ ល្ហុង ការ៉ុតសាប់ ប៉េងប៉ោះ សណ្តែកគួ និង ត្រប់ស្រួយ ។
+វិធីធ្វើ ៖ បុកខ្ទឹមស និង ម្ទេសឲ្យរាងម៉ដ្ឋបន្តិច ដាក់ក្តាមប្រៃ ត្រប់ស្រួយ ប៉េងប៉ោះបុកបន្តិចទៀត ចាំដាក់ល្ហុង ការ៉ុត ក្រូចឆ្មា ដាក់ស្ករត្នោត កាពិ ប៊ីចេងបន្តិច ទឹកត្រីបន្តិច (អត់ដាក់ក៏បាន) រួចបុកញុំៗ ២ ទៅ ៣ ត្រឡប់ រួចភ្លក់មើលតាមចំណូលចិត្តជាការស្រេច ៕
ប្រភព៖ Infinite
