ប្រមុខរដ្ឋាភិបាល រឹតបន្តឹងទ្វេដងចំពោះអ្នកចូលទឹកដីកម្ពុជា ដើម្បីទប់ស្កាត់ការនាំចូលវីរុសកូវីដ ១៩

ដើម្បីកាត់បន្ថយ និង ទប់ស្កាត់ការចម្លងវីរុសកូវីដ១៩ និងស្របតាមវិធានការនានារបស់បណ្តាប្រទេសអាស៊ាន រាជរដ្ឋាភិបាលកម្ពុជាបានសម្រេចដាក់វិធានការរឹតបន្តឹងជាបណ្តោះអាសន្នចំពោះការធ្វើដំណើរចូលក្នុងប្រទេសកម្ពុជា បន្ថែមពីលើវិធានការរបស់ក្រសួងសុខាភិបាល ។

វិធានការបន្ថែមទាំងនោះរួមមានដូចជា៖ ផ្អាកគោលការណ៍លើកលែងទិដ្ឋាការ និង ផ្តល់ទិដ្ឋាការទេសចរ, ជនបរទេសដែលមានបំណងធ្វើដំណើរចូលមកក្នុងប្រទេសកម្ពុជា ត្រូវមានវិញ្ញាបនប័ត្របញ្ជាក់សុខភាពមានសុពលភាពមិនលើសពី៧២ម៉ោង, មានធានារ៉ាប់រងដែលបញ្ជាក់ពីការរ៉ាប់រងសុខភាពចំនួនទឹកប្រាក់យ៉ាងតិច ៥ម៉ឺនដុល្លារ, មុនពេលចូលមកដល់កម្ពុជាត្រូវត្រួតពិនិត្យហានិភ័យសុខភាពដោយមន្រ្តីមានសមត្ថកិច្ច ព្រមទាំងត្រូវបានដាក់ឱ្យនៅដាច់ដោយឡែក ។

សូមបញ្ជាក់ថា វិធានការរឹតបន្តឹងបន្ថែមនេះនឹងត្រូវដាក់ឱ្យអនុវត្តចាប់ពីថ្ងៃទី៣០ ខែមីនា ឆ្នាំ២០២០ តទៅ ៕

សម្រាប់ព័ត៌មានលម្អិតសូមអាននៅក្នុងសេចក្តីប្រកាសរបស់ក្រសួងការបរទេស និង សហប្រតិបត្តិការអន្តរជាតិដូចខាងក្រោម៖