វែកមុខបានហើយ ចោរប្លន់ហាងមាស បាញ់សម្លាប់មនុស្សផ្អើលស្រុកថៃ គឺជានាយកសាលា
កាលពីថ្ងៃទី ០៩ ខែមករា ឆ្នាំ ២០២០ មានហេតុការណ៍ផ្ទុះអាវុធមួយ ដោយការប្លន់មាសពីហាងមាសមួយកន្លែងស្ថិតនៅក្នុងផ្សារទំនើបមួយនៃ ខេត្តលពបុរី ប្រទេសថៃ ។
ហេតុការណ៍នេះ បានបណ្តាលឱ្យមានមនុស្សស្លាប់ចំនួន ៣ នាក់ដែលសុទ្ធសឹងតែជាបុគ្គលិកនៃហាងលក់មាសមួយកន្លែងនោះ ។ ក្រោយពីធ្វើសមកម្មភាពរួចខ្មាន់កាំភ្លើងបានគេចខ្លួនបាត់ជាមួយនឹងមាសដែលប្លន់បានពីហាងនោះ ។
មកទល់នឹងថ្ងៃនេះ អគ្គស្នងការនគរបាលជាតិថៃ លោក Chakthip Chaiyachinda បានចេញសេចក្តីថ្លែងការណ៍អំពីការកំណត់អត្តសញ្ញាណជនសង្ស័យ ដែលត្រូវបានគេស្គាល់ថាជានាយកសាលារៀនមួយកន្លែង វ័យ ៣០ ឆ្នាំជាងម្នាក់ ។
ក្រោយកំណត់មុខសញ្ញារួច តុលាការថៃបានចាត់ការតាមនិតិវិធីតាមចាប់ខ្លួនជនសង្ស័យឈ្មោះ Prasittichai Khaokaew ដែលមានតួនាទីជានាយកសាលាមួយ ដោយជនសង្ស័យបានសារភាពថា ខ្លួនពិតជាខ្មាន់កាំភ្លើងពិតប្រាកដមែន ។ លោក Chakthip Chaiyachinda បានបន្តថា លោកនឹងធ្វើសន្និសីតកាសែតច្បាស់លាស់សាជាថ្មីម្តងទៀត ក្រោយពេលដែលប្រមូលភ័ស្តុតាង និង ស៊ើបរឿងឱ្យកាន់តែច្បាស់ ៕
