អស្ចារ្យណាស់ ទន្លេសេកុងមានប្រភេទត្រីកម្រ ១៥ ប្រភេទ ដែលមិនមាននៅកន្លែងផ្សេង

ទន្លេសេកុង ដែលផ្គត់ផ្គង់អាហារដល់មនុស្សសត្វនៅតាមដងទន្លេមេគង្គនោះ គឺជាកន្លែងពង-កូន ដ៏សំខាន់ ចំពោះត្រីជាច្រើនប្រភេទ ។ ដោយសារតែទន្លេនេះ បានហូរចុះប្រមាណជា ៥០០ គីឡូម៉ែត្រ ទន្លេសេកុងគឺជាតំបន់សម្បូរទៅដោយជីវចម្រុះលើសលប់ យ៉ាងហោចណាស់ ក៏មានត្រីចំនួន ១៥ ប្រភេទ ដែលមិនមានវត្តមាននៅកន្លែងណាផ្សេងទៀតឡើយ ។

អ្នកស្រាវជ្រាវក្នុងគម្រោងអច្ឆរិយភាពនៃទន្លេមេគង្គកំពុងតែតាមដានស្វែងយល់ពីថេរៈវេលានៃភាពខុសគ្នារវាងលំហូរទឹក និង ការផ្លាស់ទីរបស់ត្រីក្នុងទន្លេមេគង្គ ។ ការស្រាវជ្រាវមួយនេះនឹងអាចជួយយើងយល់កាន់តែច្បាស់ពីតួនាទីនៃបំរែបំរួលកម្ពស់ទឹក ដែលដើរតួនាទីជាសញ្ញាសម្រាប់ត្រីធ្វើការផ្លាស់ទីដើម្បីពង-កូន និង រកចំណី ។

តាមរយៈការយល់ដឹងពីទំនាក់ទំនងរវាងលំហូរទឹក និង ការផ្លាស់ទីរបស់ត្រីនៅជុំវិញទន្លេសេកុង យើងអាចការពារ និង ចាត់ទុកតំបន់មួយចំនួនជាអាទិភាព ដែលត្រីជាច្រើនប្រភេទត្រូវការក្នុងវដ្តជីវិតផ្សេងៗរបស់ពួកវា ៕

(ប្រភពៈ Wonders of the Mekong)