Connect with us

ដឹងទេ

លែង​រអ៊ូ​អស់​លុយ​ថ្លៃ​ភ្លើង​ច្រើន​ ​!​ ​វិធី​ប្រើ​របស់​ ​១០​ ​យ៉ាង​ក្នុង​ផ្ទះ​ឱ្យ​ស៊ីភ្លើង​តិច​បំផុត​ ​

on

Advertisement

​ការប្រើ​ប្រាស់​អគ្គិសនី​គឺ​ចាំបាច់​បំផុត​ក្នុង​ជីវភាពរស់នៅ​ប្រចាំថ្ងៃ​ ​។​ ​របស់របរ​ប្រើប្រាស់​ស្ទើរគ្រប់​បែបយ៉ាង​នៅក្នុង​ផ្ទះ​ ​សុទ្ធតែ​ត្រូវការ​ថាមពល​អគ្គិសនី​ ​។​ ​ដូច្នេះហើយ​ប្រសិនបើ​មិនដឹង​អំពី​វិធី​ប្រើ​របស់​ទាំងនោះ​អាច​ធ្វើ​ឱ្យ​អ្នក​ត្រូវ​ចំណាយ​ខ្ពស់​លើ​ថ្លៃ​អគ្គិសនី​ ​។​ ​តោះ​សូម​មក​ដឹង​វិ​ធី​ងាយ​ៗ​ជួយ​ឱ្យ​អ្នកប្រើ​ថាមពល​អគ្គិសនី​អស់​តិច​បំផុត​ ​៖

​១​.​ ​ឆ្នាំងបាយ​ ​

  • ជ្រើសរើស​ទំហំ​ឆ្នាំងបាយ​ដែល​សមស្រប​នឹង​គ្រួសារ​របស់​អ្នក​ ​
  • ​ជៀសវាង​បើក​គម្រប​បាយ​មិនទាន់​ឆ្អិន​ ​
  • ​ដក​ខ្សែភ្លើង​ពេលបាយ​ឆ្អិន​ ​

​២​.​ ​កង្ហា​

  • ​សម្អាត​កង្ហា​ឱ្យ​បាន​ញឹកញាប់​ ​
  • ជ្រើសរើស​ទំ​ហំ​កង្ហា​ឱ្យ​សមល្មមនឹង​តម្រូវការ​ ​
  • ដក​ខ្សែភ្លើង​ចេញ​ពេល​ឈប់​ប្រើ​

​៣​.​ ​អំពូលភ្លើង​ ​

  • ​ប្ដូរ​មក​ប្រើ​អំពូល​ដែល​ស៊ីភ្លើង​តិច​ដូចជា​អំពូល​ ​LED​ ​ជាដើម​ ​
  • ​សម្អាត​អំពូល​ ​ចាន​អំពូល​ឱ្យ​បាន​ញឹកញាប់​ ​

​៤​.​ ​ម៉ាស៊ីន​ត្រជាក់​ ​

  • ​ធ្វើការ​សម្អាត​ម៉ាស៊ីន​ត្រជាក់​ឱ្យ​បាន​ ​៦​ ​ខែ​ម្ដង​ ​
  • ​កុំ​យក​របស់​ក្ដៅ​ចូលក្នុង​បន្ទប់​ម៉ាស៊ីន​ត្រជាក់​ ​
  • ​កម្រិត​សីតុណ្ហភាព​កុំឱ្យ​ត្រជាក់​ពេក​ ​អាច​ដាក់​ត្រឹម​ ​២៥​ ​អង្សា​សេ​ ​
  • ​ជ្រើសរើស​ទំហំ​ម៉ាស៊ីន​ត្រជាក់​ដែល​សមស្រប​នឹង​ទំហំ​ទីតាំង​ ​ឬ​ ​ទំហំ​បន្ទប់​
  • ​បិទទ្វារ​ ​និង​ ​បង្អួច​នៅពេល​ដែល​ម៉ាស៊ីន​ត្រជាក់​កំពុង​ដំណើរការ​ ​

​៥​.​ ​ឆ្នាំងអ៊ុត​ ​

  • អ៊ុតខោអាវ​ច្រើនតែ​ម្ដង​ ​កុំ​អ៊ុត​តិច​ៗ​ច្រើនដង​ ​ហើយ​ពេល​អ៊ុត​កុំ​បាញ់​ទឹក​សើម​ពេក​ ​
  • ​គ្រលាស់​ខោអាវ​មុន​ហាល​ ​កាត់បន្ថយ​កុំឱ្យ​មាន​ភ្លី​ច្រើន​ដែល​ត្រូវ​ចំណាយពេល​អ៊ុត​យូរ​ ​

៦​.​ ​កំសៀវ​ដាំទឹក​ ​

  • ​ដាំទឹក​ក្នុង​ចំណុះ​ដែល​ត្រូវការ​ប្រើ​ ​
  • ​ដក​ខ្សែភ្លើង​ចេញ​ពេល​ទឹកពុះ​ ​
  • ​សម្អាត​កំសៀវ​ទឹក​ឱ្យ​ស្អាត​ជានិច្ច​ ​ជៀសវាង​ការ​ថយ​ចុះ​នៃ​កំ​ដៅ​របស់​កំសៀវ​ ​

​៧​.​ ​ទូរទស្សន៍​ ​

  • ​កុំ​បិទ​ទូរទស្សន៍​ដោយ​ប្រើ​តេឡេ​ ​ត្រូវ​ចុច​ប៊ូតុង​បិទ​តែម្ដង​ ​ហើយ​ដក​ខ្សែភ្លើង​ចេញ​ពេលណា​ឈប់​មើល​ ​
  • ​ដាក់​ទូរទស្សន៍​ឱ្យ​ឃ្លាតពី​ជញ្ជាំង​យ៉ាងតិច​ ​១០​ ​សង់ទីម៉ែត្រ​ ​និង​ ​កន្លែង​ដែល​មាន​ខ្យល់​ចេញចូល​ ​

​៨​.​ ​ទូរ​ទឹកកក​ ​

  • ​ដាក់​ទូរ​ទឹកកក​យ៉ាងតិច​ ​១៥​ ​ស.ម​ ​ពី​ជញ្ជាំង​
  • ​ជ្រើសរើស​ទំហំ​ទូរ​ទឹកកក​ដែល​សមរម្យ​ ​ហើយ​កុំ​ក្លា​ស្សេ​របស់​ដែល​មិន​ចាំបាច់​ ​
  • ​ជ្រើសរើស​កន្លែង​ដាក់​ទូរ​ទឹកកក​ឱ្យ​ឆ្ងាយ​ពី​របស់​ដែល​មាន​ចំហាយក្ដៅ​ ​
  • ​ជៀសវាង​បើក​ទូរ​ទឹកកក​ញឹកញាប់​ ​

​៩​.​ ​កុំព្យូទ័រ​ ​

  • ​បិទ​ម៉ូនីទ័រ​បើ​មិន​ប្រើ​លើស​ពី​ ​១០​ ​នាទី​
  • ​ជ្រើសរើស​កុំព្យូទ័រ​ដែល​មាន​ប្រព័ន្ធ​សន្សំសំចៃ​អគ្គិសនី​ ​
  • បិទ​កុំព្យូទ័រ​នៅពេល​ដែល​មិន​ប្រើប្រាស់​រយៈពេល​យូរ​ ​(​ច្រើនជាង​ ​៣០​ ​នាទី​)​ ​

​១០​.​ ​ម៉ាស៊ីនបោកខោអាវ​ ​

  • ​ដាក់​ខោអាវ​បោក​ឱ្យ​ច្រើន​តាមដែល​ម៉ាស៊ីន​កំណត់​ ​
  • ​ត្រាំ​ខោអាវ​មុន​ពេល​បោក​ជួយ​ឱ្យ​សម្អាត​បាន​ស្អាត​ល្អ​ ​

អត្ថបទ ៖ រាជ

អត្ថបទពេញនិយម

តារាចម្រៀងប្រុសថៃរូបសង្ហាម្នាក់ ត្រូវគេបំពានផ្លូវភេទលើឆាក ក្នុងរូបភាពបែបធ្វើឱរ៉ាល់សិច (វីដេអូ)
កប់សារី ! គ្រាន់តែស្បែកជើងពាក់លេងរបស់ គង់ ច័ន្ទស្រីមុំ មួយគូៗតម្លៃខ្ទង់ពាន់ដុល្លារ
ប្រាប់តៗគ្នាផង ! ក្រោយ​ចូលឆ្នាំ​ ​ពេលទៅចាក់សាំងហាមភ្ញាក់រឿងតម្លៃឱ្យសោះ
ក្រសួងអប់រំ ប្រកាសចំណុចសំខាន់ៗជាង ១០ ឱ្យសិស្សការពារខ្លួន ពេលអាកាសធាតុក្តៅខ្លាំង !

មតិរបស់អ្នក

Sponsored
Sponsored