Connect with us

សង្គម

កម្ពុជាប្ដេជ្ញាចិត្តថា នឹងបញ្ចប់បញ្ហាអេដស៍ឱ្យបាននៅក្នុងឆ្នាំ ២០២៥ 

on

Advertisement

ក្នុងរយៈពេលប៉ុន្មានឆ្នាំចុងក្រោយនេះ ការរីករាលដាលនៃជំងឺអេដស៍នៅក្នុងប្រទេសកម្ពុជា ត្រូវបានគេមើលឃើញថា មានការថយចុះច្រើនជាងមុន ដោយសារតែប្រជាពលរដ្ឋមានការយល់ដឹងអំពីជំងឺដ៏កាចសាហាវមួយនេះ ។ ជាមួយគ្នានេះ កម្ពុជាបានធ្វើការប្តេជ្ញាចិត្តក្នុងការបញ្ចប់បញ្ហាអេដស៍ នៅក្នុងឆ្នាំ ២០២៥ខាងមុខនេះ ។

កាលពីពេលថ្មីៗនេះ ឯកឧត្តមទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធប្រឆាំងនឹងជំងឺអេដស៍ បានមានប្រសាសន៍ថា កន្លងមក រាជរដ្ឋា ភិបាល សង្គមស៊ីវិល និង ដៃគូអភិវឌ្ឍន៍ បានធ្វើការយ៉ាងជិតស្និទ្ធ ដោយប្រកាន់យក “វិធីសាស្រ្តផ្តោតលើប្រជាជន” ហើយអស់រយៈពេលជិតបីទសវត្សរ៍កន្លងទៅនេះ អង្គការខាណា បានក្លាយជាអង្គការមិនមែនរដ្ឋាភិបាលជាតិធំបំផុត ដែលបានផ្តល់សេវាបង្ការ ថែទាំ និង គាំទ្រមេរោគអេដស៍ និង ជំងឺអេដស៍នៅកម្រិតសហគមន៍ ក៏ដូចជាសុខភាពបន្តពូជ ផែនការគ្រួសារ សុខភាពមាតា និងទារក កម្មវិធីជំងឺរបេង និង ការកសាងជីវភាពផងដែរ ដែលក្នុងនោះ រាជរដ្ឋាភិបាលកម្ពុជា បានប្រគល់ភារកិច្ចជូនឧត្តមក្រុមប្រឹក្សាសេដ្ឋកិច្ចជាតិ ឱ្យសិក្សាលំហថវិកា ដើម្បីអនុវត្តការប្តេជ្ញាចិត្តរបស់រាជរដ្ឋាភិបាល ក្នុងការបញ្ចប់បញ្ហាអេដស៍ នៅក្នុងឆ្នាំ២០២៥ ។

ឯកឧត្តមទេសរដ្ឋមន្រ្តី អៀង មូលី មានប្រសាសន៍ទៀតថា ជោគជ័យក្នុងការឆ្លើយតបនឹងមេរោគអេដស៍កន្លងមក ដែលនាំឱ្យកម្ពុជាសម្រេចបានគោលដៅ៩០-៩០-៩០ នៅឆ្នាំ ២០១៧ គឺដោយសារការគាំទ្រដ៏រឹងមាំរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ខណៈនៅឆ្នាំ១៩៩១ ករណីមេរោគអេដស៍ជាលើកដំបូងត្រូវបានរាយការណ៍នៅកម្ពុជា និង នៅឆ្នាំ១៩៩៥ មានករណីឆ្លងរហូតដល់ជាង ២៣.០០០នាក់ ហើយរាជរដ្ឋាភិបាលបានធ្វើការយ៉ាងជិតស្និទ្ធជាមួយសង្គមស៊ីវិល និង ដៃគូអភិវឌ្ឍន៍ក្នុងការកសាងកម្មវិធីផ្អែកលើភស្តុតាង ដែលកាត់បន្ថយចំនួនឆ្លងថ្មីមកនៅតិចជាង១.០០០នាក់ នៅឆ្នាំ២០១៨  ៕

ដោយ ៖ ចំណូល

 

 

 

អត្ថបទពេញនិយម

តារាចម្រៀងប្រុសថៃរូបសង្ហាម្នាក់ ត្រូវគេបំពានផ្លូវភេទលើឆាក ក្នុងរូបភាពបែបធ្វើឱរ៉ាល់សិច (វីដេអូ)
កប់សារី ! គ្រាន់តែស្បែកជើងពាក់លេងរបស់ គង់ ច័ន្ទស្រីមុំ មួយគូៗតម្លៃខ្ទង់ពាន់ដុល្លារ
ប្រាប់តៗគ្នាផង ! ក្រោយ​ចូលឆ្នាំ​ ​ពេលទៅចាក់សាំងហាមភ្ញាក់រឿងតម្លៃឱ្យសោះ
ក្រសួងអប់រំ ប្រកាសចំណុចសំខាន់ៗជាង ១០ ឱ្យសិស្សការពារខ្លួន ពេលអាកាសធាតុក្តៅខ្លាំង !

មតិរបស់អ្នក

Sponsored
Sponsored