បើនិយាយដល់ឈ្មោះ Ella Gross អ្នកគាំទ្រវិស័យ K-pop ជាច្រើនប្រាកដជាស្គាល់ច្បាស់ ព្រោះកាលពីនៅវ័យត្រឹម ១០ ឆ្នាំ រូបនាងផ្ទុះប្រជាប្រិយភាពខ្លាំងមែនទែនជាមួយរូបសម្រស់ដ៏ទាក់ទាញ និង ស្រដៀងគ្នាខ្លាំងទៅនឹងតារាចម្រៀងស្រី Jennie សមាជិកក្រុម BLACKPINk រហូតនាងទទួលបានរហ័សនាមគេដាក់ឱ្យថា «Little Jennie»។
ធ្មេចបើកៗ មកទល់ពេលនេះនាងតូច Ella Gross ចម្រើនវ័យ ១៦ ឆ្នាំហើយ ដោយថ្មីៗកន្លងទៅនេះរូបនាងបានបង្ហាញខ្លួនក្នុងកម្មវិធីរបស់ Tiffany&Co បង្កជាការភ្ញាក់ផ្អើលចាប់ភ្លឹកនឹងរូបសម្រស់របស់នាងជាខ្លាំង។ អំឡុងពេលចូលរួមនោះដែរ Ella បានស្លៀករ៉ូបខ្លីពណ៌ខ្មៅ រួមដោយស្បែកជើងកែងខ្លីពណ៌ខ្មៅដូចគ្នាដោយមួយឈុតនេះនៅលើខ្លួននាងពិតជាលេចធ្លោទាក់ភ្នែកខ្លាំងមិនធម្មតា។
វត្តមានរបស់ Ella នាពេលថ្មីៗនេះដែរ បានធ្វើឱ្យមហាជនជាច្រើននាំគ្នាលាន់មាត់សរសើរព្រោងព្រាតថារូបនាងពិតជាក្មេងស្រីម្នាក់ដែលស្រស់ស្អាតខ្លាំងតាំងពីក្មេង មុខស្រស់ស្អាតដូចតុក្កតា ខណៈមួយចំនួនទៀតថែមទាំងប្រៀបធៀបរូបនាងទៅនឹង ព្រះនាងក្នុងរឿង Disney ទៀតផង៕
