Connect with us

ម៉ាក់​ម៉ាក់

សារៈសំខាន់នៃវីតាមីន B ចំពោះស្រ្តីក្នុងពេលមានផ្ទៃពោះ !

on

Advertisement

វីតាមីន B មិន​គ្រាន់តែ​ជា​វីតាមីន​ដ៏​សំខាន់​មួយ​ទេ តែ​វា​ដើរតួនាទី​ច្រើន​ក្នុងការ​ផ្តល់​ជា​ជីវជាតិ​ដល់​រាងកាយ​។ អ្នក​អាច​ទទួលបាន​វីតាមីន B ទាំងអស់​តាមរយៈ​របប​អាហារ​ប្រចាំថ្ងៃ ខណៈពេលដែល​មួយចំនួន​តូច​ត្រូវ​ការប្រើ​ថ្នាំ​បំប៉នបន្ថែម​។ ខាងក្រោម​នេះ​គឺជា​របៀប​ដែល​វីតាមីន B ផ្តល់​ប្រយោជន៍​ដល់​អ្នក​ក្នុងពេល​មាន​ផ្ទៃពោះ​។

​វីតាមីន B1
​វា​ត្រូវបាន​គេ​រកឃើញថា មាន​នាទី​ដ៏​សំខាន់​ក្នុងការ​លូតលាស់​របស់​ទារក​។ តម្រូវការ​សម្រាប់​ស្ត្រី​មាន​ផ្ទៃពោះ​គឺ ១.៤​មី​លី​ក្រាម​ក្នុង​មួយថ្ងៃ​។ អ្នក​អាចរ​កវា​បាន​ក្នុង​សាច់ជ្រូក សណ្តែក​ស្ងួត ត្រី​សាល​ម៉ុ​ន គ្រាប់​ធញ្ញជាតិ និង​នំ​បុ័ង​ជាដើម​។

​វីតាមីន B2
​តើ​អ្នក​កំពុងតែ​ចង់​ឲ្យ​ស្បែក​មើលទៅ​ស្រស់ស្អាត និង​ភ្លឺរលោង​ទេ​? ចូរ​ញ៉ាំ​អាហារ​សម្បូរ​វីតាមីន B2 ទៅ ព្រោះ​វា​គឺជា​អង់​ទី​អុកស៊ីដ​ង់ និង​ជួយ​ការពារ​មិន​ឲ្យ​មាន​សារធាតុ​គ្រោះថ្នាក់​កើត​ច្រើន​ក្នុង​រាងកាយ​ទៀត​។ តម្រូវការ​សម្រាប់​ស្ត្រី​មាន​ផ្ទៃពោះ​គឺ ១.៤​មី​លី​ក្រាម​ក្នុង​មួយថ្ងៃ​។ អ្នក​អាចរ​កវា​បាន​ក្នុង​មឺ​ម​ការ៉ុត ផ្សិត ផ្លែ​អាល​ម៉ុ​ន​លីង សណ្តែកបណ្តុះ សាច់មាន់ សាច់គោ គ្រាប់​ធញ្ញជាតិ ប្រូ​ខូ​លី ឬ​ស្ពៃ​ស្ពី​ណា​ច​។​

​វីតាមីន B3
​ស្ត្រី​មាន​ផ្ទៃពោះ​តែងតែមាន​អាកា​រៈ​ដូចជា អស់កម្លាំង និង​នឿយហត់​តាម​ជាមួយ​។ សម្រាប់​តម្រូវការ​ថាមពល​ចាំបាច់ និង​ការលូតលាស់​ទាំង​ម្តាយ និង​កូន វីតាមីន B3 ដើរតួនាទី​ដ៏​សំខាន់​សម្រាប់​រឿងនេះ​។ ស្ត្រី​មាន​ផ្ទៃពោះ​គួរតែ​ញ៉ាំ​វីតាមីន​នេះ ១៨​មី​លី​ក្រាម​ក្នុង​មួយថ្ងៃ​។ អ្នក​អាច​រក​វីតាមីន​នេះ​បាន ក្នុង​ត្រី​សាល​ម៉ុ​ន ធូ​ណា សណ្តែកដី សាច់មាន់ ម្ទេស​ប្លោក ប៉េងប៉ោះ ដំឡូងជ្វា ថ្លើម​សត្វ អង្ករសម្រូប​ជាដើម​។

​វីតាមីន B5
​វីតាមីន​នេះ​មាន​នាទី​ក្នុងការ​រំលាយ​អាហារ ដែល​វា​ចូលរួម​ក្នុងការ​បំបែក​កាបូ​អ៊ី​ដ្រា​ត ប្រូតេអ៊ីន និង​ខ្លាញ់​។ វា​ជួយ​ដល់​ប្រតិកម្ម​គីមី​សំខាន់ៗ​សម្រាប់​ជីវិត​ដែល​កើតឡើង​ក្នុង​កោសិកា​របស់​មនុស្ស​យើង​។ ជា​មធ្យម ស្ត្រី​ជា​ម្តាយ​គួរតែ​ញ៉ាំ ៦​មី​លី​ក្រាម​ក្នុង​មួយថ្ងៃ​។ អ្នក​អាច​រក​វីតាមីន​នេះ​បាន​ក្នុង ដំឡូងជ្វា ពោត ផ្កា​ខាត់ណា ត្រី​សាល​ម៉ុ​ន ទឹកដោះគោ ក្រូច ចេក ផ្លែ​បឺ​រ សាច់មាន់ ប៉េងប៉ោះ គ្រាប់​ធញ្ញជាតិ និង​គ្រាប់​ផ្លែឈើ​។​

​វីតាមីន B6
​វីតាមីន​មួយ​នេះ​សំខាន់​ក្នុងការ​លូតលាស់​ខួរក្បាល និង​ប្រព័ន្ធ​ភាពស៊ាំ​របស់​ទារក​ក្នុងពេល​មាន​ផ្ទៃពោះ​។ សម្រាប់​ស្ត្រី​ដែល​ចាញ់កូន​ខ្លាំង វីតាមីន​នេះ​អាចជួយ​បាន​ច្រើន​។ គ្រូពេទ្យ​ក៏​ច្រើនតែ​ចេញ​ជា​ថ្នាំ​វីតាមីន​មួយ​នេះ​លើ​ករណី​ចាញ់កូន​ខ្លាំងក្លា​ដែរ​។ ស្ត្រី​អាច​ញ៉ាំ​បាន ១.៩​មី​លី​ក្រាម​ក្នុង​មួយថ្ងៃ​។ ប្រភព​នៃ​វីតាមីន​នេះ​មានដូចជា ផ្លែ​ល្ហុង ផ្លែ​បឺ ដំឡូងជ្វា សណ្តែក ខ្ទឹមស ចេក ស្ពៃ​ស្ពី​ណា​ច គ្រាប់​ផ្កាឈូករ័ត្ន សាច់ជ្រូក សាច់មាន់​។

​វីតាមីន B7
​ចូរ​ប្រាកដថា អ្នក​បាន​វីតាមីន​មួយ​នេះ​គ្រប់គ្រាន់​ពី​ចំណីអាហារ ដើម្បី​ទទួលបាន​ស្បែក សក់ និង​ក្រចក​ប្រកបដោយ​សុខភាព​ល្អ​ក្នុងពេល​មាន​ផ្ទៃពោះ​។ ក្រៅពី​ជួយ​ឲ្យ​កូន​លូតលាស់ វា​ក៏​ជួយ​ដល់​យន្ត​ការណ៍​នៃ​ការផលិត​ថាមពល​ក្នុង​រា​កាយ តាមរយៈ​បំបែក​កាបូ​អ៊ី​ដ្រា​ត និង​ប្រូតេអ៊ីន​ទៅជា​ថាមពល​។ ចូរ​ចាំ​ថា ស្ត្រី​មាន​ផ្ទៃពោះ​អាច​ញ៉ាំ​បាន​ត្រឹម ៣០​ម៉ៃ​ក្រូ​ក្រាម​ទេ​ក្នុង​មួយថ្ងៃ​។ ការដែល​ញ៉ាំ​ច្រើនពេក​អាច​ប៉ះពាល់​ដល់​ការ​មាន​ផ្ទៃពោះ​វិញ​។ ប្រភព​នៃ​វីតាមីន​នេះ​មានដូចជា ផ្សិត ផ្លែ​រ៉ា​ស​បឺ​រី ស៊ុត​កណ្តាល សាច់មាន់ ស្ពៃ​ស្ពី​ណា​ច ដំឡូងបារាំង ប្រូ​ខូ​លី ផ្កា​ខាត់ណា សណ្តែកសៀង ទឹកដោះគោ សាច់ជ្រូក ឬ​ថ្លើម​សត្វ​។

​វីតាមីន B9
​វីតាមីន B9 គឺជា​វីតាមីន​ដ៏​សំខាន់បំផុត​មួយ​ក្នុងចំណោម​ត្រកូល​វីតាមីន B ទាំងអស់​។ គ្រូពេទ្យ​ច្រើនតែ​ចេញ​ថ្នាំ​បំប៉ន​វីតាមីន​មួយ​នេះ​ឲ្យ​ស្ត្រី​ញ៉ាំ​ក្នុងពេល​មាន​ផ្ទៃពោះ​។ វា​អាច​បន្ថយ​ការ​ប្រឈម​នឹង​ការ​ខូច​បំពង់​សរសៃប្រសាទ​ចំពោះ​ទារក​ក្នុងដំណាក់កាល​លូតលាស់​ដំបូង​ក្នុង​ផ្ទៃ​។ ស្ត្រី​គួរតែ​ញ៉ាំ​វា ៤០០​ម៉ៃ​ក្រូ​ក្រាម​ក្នុង​មួយថ្ងៃ​។ ប្រភព​នៃ​វីតាមីន​នេះ​មានដូចជា សណ្តែកបណ្តុះ ស្ពៃ​ស្ពី​ណា​ច ផ្លែ​បឺ​រ ថ្លើម​គោ​។​

​វីតាមីន B12
​វីតាមីន​មួយ​នេះ​សំខាន់​ក្នុងការ​លូតលាស់​របស់​ប្រព័ន្ធ​សរសៃប្រសាទ​របស់​ទារ​ក យ៉ាង​ត្រឹមត្រូវ ព្រមទាំង​ការបង្កើត​ជា​កោសិកា​គ្រាប់​ឈាមក្រហម​ទៀត​។ ស្ត្រី​មាន​ផ្ទៃពោះ ដែល​ញ៉ាំ​បួស ត្រូវតែ​ញ៉ាំ​ថ្នាំ​បំប៉ន​វីតាមីន B12​ជា​ចាំបាច់​។ ប្រភព​អាហារ​នេ​ហ​មានដូចជា ទឹក​សណ្តែកសៀង និង​ផលិតផល​ធ្វើ​ពី​សណ្តែកសៀង ទឹកដោះគោ យ៉ា​អួ សាច់​ក្រហម ត្រី​សាល​ម៉ុ​ន បង្គា និង​ថ្លើម​គោ​៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

គាំទ្រ ១០០%! សេចក្ដីព្រាងច្បាប់ថ្មី ពលរដ្ឋត្រូវបញ្ឈប់សំឡេងរំខានអ្នកជិតខាង នៅចន្លោះម៉ោងទាំងនេះ
ផ្ទុះការសរសើរទឹកចិត្ត ឱក សុគន្ធកញ្ញា នាំស្វាមី និងកូនប្រុស ទៅជួយទារិកាកម្សត់ត្រូវម្ដាយបោះបង់ចោលនៅគំនរសំរាម
ស្ញប់ស្ញែង! ភរិយាឧកញ៉ា ម៉ុង ឫទ្ធី មិនចេះសម្ញែងទ្រព្យ មិនហាយសូ រស់នៅសមញ្ញៗយ៉ាងមានក្ដីសុខ
Selena បរិច្ចាគថវិកា ១០ លានដុល្លារ ជួយដល់ជនរងគ្រោះទាំងអស់ក្នុងហេតុការណ៍ផ្ទុះឃ្លាំងស្តុកគីមីនៅលីបង់

មតិរបស់អ្នក