Connect with us

ម៉ាក់​ម៉ាក់

ស្រ្តីមានផ្ទៃពោះដែលស្គមៗ ហើយចង់ឡើងទម្ងន់ គួរជ្រើសរើសទទួលទានគ្រាប់ស្វាយចន្ទី !

on

Advertisement

ការ​ទទួលទាន​អាហារ​ក្នុងពេល​មាន​ផ្ទៃពោះ គឺជា​រឿង​ដែល​ត្រូវ​ប្រុងប្រយ័ត្ន​ខ្លាំង ដោយសារតែ​អាហារ​ខ្លះ​អាច​ប៉ះពាល់​ដល់​សុខភាព​ទាំង​ម្តាយ​ទាំង​កូន​ ប៉ុន្តែ​ក្នុងនោះដែរ គ្រាប់ស្វាយចន្ទី​ត្រូវបាន​គេ​រកឃើញថា អាចមាន​ប្រយោជន៍​ច្រើន​សម្រាប់​ស្ត្រី​ដែល​ស្គមៗ ហើយ​ចង់​ឡើង​ទម្ងន់​ត្រឹមត្រូវ​ដូច​ស្ត្រី​មាន​ផ្ទៃពោះ​ឯទៀត​ ។

​អ្នកនឹង​អាច​ទទួលបាន​ជាតិ​កាបូ​អ៊ី​ដ្រា​ត​ប្រមាណ ៨.៥៦ ​ក្រាម ពី​គ្រាប់ស្វាយចន្ទី ២៨.៣៤ ​ក្រាម ហើយ​អាច​បំ​លែង​ទៅជា ១៥៧​ កាឡូរី ​។ រឿងនេះ​គួរតែ​អាចជួយ​អ្នកទទួលបាន​ថាមពល​ល្មម និង ​បំបាត់​ភាព​នឿយហត់ ឬ ​អស់កម្លាំង​ក្នុងពេល​មាន​ផ្ទៃពោះ​បាន​ ។ គ្រាន់តែ​ចាំ​ថា អ្នក​ញ៉ាំ​ម្តង​តែមួយ​កូនចាន​ចង្កឹះ​បាន​ហើយ និង ​កុំ​ញ៉ាំ​ច្រើនពេក​ ។

​ដោយសារតែ​គ្រាប់ស្វាយចន្ទី​មាន​ជាតិ​ខ្លាញ់​ល្អៗ និង​ កាបូ​អ៊ី​ដ្រា​ត​ខ្ពស់ ដូច្នេះ​វា​គឺជា​អាហារ​សម្បូរ​ជីវជាតិ​ដ៏​ល្អ​មួយ​សម្រាប់​ស្ត្រី​មាន​ផ្ទៃពោះ​ស្គមៗ ឬ​ អ្នក​ដែល​កំពុងតែ​ព្យាយាម​ឡើង​ទម្ងន់​ក្នុងពេល​មាន​ផ្ទៃពោះ ​។ ចូរ​ចាំ​ថា ការដែល​ទម្ងន់​មិន​គ្រប់គ្រាន់​ក្នុងពេល​មាន​ផ្ទៃពោះ អាច​នឹងធ្វើ​ឲ្យ​កូន​ក្នុង​ផ្ទៃ​មាន​ទម្ងន់​ស្រាល​ដែរ ​។ ទារក​បែបនេះ​ពេលខ្លះ​អាច​នឹង​ពិបាក​បៅដោះ និង ​ប្រឈម​ខ្ពស់​នឹង​ការ​មាន​ជំងឺ​ ។ ទារក​ខ្លះ​ប្រហែលជា​អាចមាន​ការយឺតយ៉ាវ​លើ​ការលូតលាស់ ទោះបីជា​អាយុ​ប៉ុនគ្នា​​នឹង​ក្មេង​ដទៃ​ក៏ដោយ ​។ ដូច្នេះ​បើសិនជា​អ្នកមាន​ស​ន្ទ​ស្សន៍​ទម្ងន់​ធៀប​នឹង​កម្ពស់ (BMI) ទាប​ជាង ១៨.៥ មុនពេល​មាន​ផ្ទៃពោះ មានន័យថា​អ្នក​កំពុងតែ​ស្គម ហើយក៏​ត្រូវតែ​ឡើង​ទម្ងន់​ពី ១២.៥ ទៅ ១៨ ​គីឡូក្រាម​ដែរ​ក្នុងពេល​មាន​ផ្ទៃពោះ​ ។

​ការទទួលទានតែ​គ្រាប់ស្វាយចន្ទី​សុទ្ធ​នឹងមិន​អាច​ផ្តល់នូវ​ជីវជាតិ និង ​កា​ឡូ​ដែល​រាងកាយ​ត្រូវការ​ទាំងអស់​ឡើយ​ ប៉ុន្តែ​ចូរ​ជ្រើស​រើសយក​គ្រាប់ស្វាយចន្ទី​នេះ​ជា​ផ្នែក​មួយ​នៃ​របប​អាហារ​ដែលមាន​តុល្យភាព ដើម្បី​បង្កើន​ទម្ងន់​ឲ្យ​នៅ​ថេរ​ល្អ និង ​ទទួលបាន​ជីវជាតិ​ដែល​វា​ផ្តល់​ឲ្យ​វិញ​ ៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

ឧបត្ថម្ភដោយ ៖ UniDry

www.winsuncambodia.com

អត្ថបទពេញនិយម

តារាស្រី ៥ ដួងនេះ មានមុខសុភាពស្រាប់ ទោះធ្វើតួឆ្នាសក៏មិនសូវសម !
ក្រោយលែងលះគ្នាដាច់ Yang Mi ស៊ីវិល័យប្លែក តែ Hawick បែរមុខមិនរីក ដើរទិញតែខោអាវថោកៗ
ទាំងនេះជាប្រទេសដែលមានអនាម័យ និង គិតគូរពីសុខភាពបំផុត
ច្បាស់ការហើយ! សាកសពដែលរកឃើញក្នុង​ផ្លូវ​ផ្នូរបុរាណនៃរជ្ជកាល ហាន គឺជាកំពូលមេទ័ព ឆាវឆាវ

មតិរបស់អ្នក