Connect with us

ម៉ាក់​ម៉ាក់

វិធីសាមញ្ញៗដែលស្រ្តីមានផ្ទៃពោះអាចធ្វើបាននៅផ្ទះ ដើម្បីធូរស្បើយពីជំងឺរលាកទងសួត !

on

Advertisement

ការរស់នៅ​ប្រកបដោយ​សុខ​ភាពល្អ​ក្នុងពេល​មាន​ផ្ទៃពោះ​គឺជា​រឿង​សំខាន់ ព្រោះ​វា​មិនមែនជា​ពេលវេលា​ដែល​អ្នក​ត្រូវ​ទទួលខុសត្រូវ​ចំពោះ​សុខភាព​ខ្លួនឯង​ទេ តែ​ក៏ត្រូវ​ទទួលខុស​ត្រូវចំ​ពោះ​សុខភាព​ទារក​ក្នុង​ផ្ទៃ​ផង​ ។ ​អ្នកក៏​ត្រូវតែ​យកចិត្តទុកដាក់​បន្ថែម​ទៀត​ក្នុង​ពេលនេះ ដោយសារ​ការ​មាន​ផ្ទៃពោះ​អាចធ្វើ​ឲ្យ​ប្រព័ន្ធ​ភាពស៊ាំ​ចុះខ្សោយ ដូច្នេះ​អ្នក​ក៏​ងាយ​នឹងមាន​ជំងឺ​រយៈពេល​យូរ​ដែរ ​។ អ្នក​ច្រើនតែ​រំពឹងថា អាច​នឹង​កើត​បញ្ហា​ឈឺបំពង់ករ ឬ ​តឹង​ច្រមុះ​ក្នុង​ពេលនេះ ប៉ុន្តែ​បើសិនជា​អ្នកមាន​អាកា​រ​នេះ​ធ្ងន់ធ្ងរ នោះ​វា​អាចជា​ការ​រលាក​ទងសួត​បានដែរ​ ។

​សញ្ញា​ដ៏​សំខាន់​នៃ​ជំងឺ​រលាក​ទងសួត​គឺ​ការ​ក្អកមាន​កំហាក​ពណ៌​បៃតង លឿង​ប្រផេះ ឬ ​ពណ៌​ថ្លា ​។ អ្នក​ក៏​អាចមាន​អាកា​រ​ផ្សេងៗ​ទៀត​ដែល​ស្រដៀង​នឹង​ជំងឺ​ផ្តាសាយ​ដែរ​ដូចជា ឈឺក្បាល ឈឺបំពង់ករ តឹង​ច្រមុះ អស់កម្លាំង និង ​ឈឺខ្លួន ​។ ជំងឺ​រលាក​ទងសួត​អាច​បង្កឡើង​ទាំង​បាក់តេរី ឬ ​វីរុស (៩០ ​ភាគរយ​)​ ។ ភាគច្រើន​វីរុស​ដែល​បង្ក​ជា​ជំងឺ​ផ្តាសាយ ឬ ​ផ្តាសាយធំ ក៏​អាចធ្វើ​ឲ្យ​កើតជា​ការ​រលាក​ទងសួត​ផងដែរ ​។

​ជាធម្មតា​ជំងឺ​រលាក​ទងសួត​ច្រើនតែ​ជា​ទៅវិញ​ដោយ​ខ្លួនឯង​ក្នុង​រយៈពេល​ពីរ​បី​សប្តាហ៍ តែ​អ្នក​អាចធ្វើ​រឿង​មួយចំនួន​ដើម្បី​ឲ្យ​រាងកាយ​មាន​ផាសុកភាព និង ​បំបាត់​រោគសញ្ញា ​។ ចាប់តាំងពី​ករណី​រលាក​ទងសួត​ភាគច្រើន​បង្កឡើង​ដោយ​វីរុស​មក ការប្រើ​ថ្នាំ​ផ្សះ​ច្រើនតែ​មិនមាន​ប្រយោជន៍​ចំពោះ​ករណី​នេះឡើយ ។ បើសិនជា​អាកា​រ​ជំងឺ​នេះ​កើតឡើង​យូរ​ជាង ៣ ​សប្តាហ៍ ការ​ក្អក​កាន់តែ​ធ្ងន់ធ្ងរ ក្តៅខ្លួន​ខ្លាំង​ជាប់ ស្លេស្ម​មាន​ឈាម វង្វេងវង្វាន់ ឬ ​មាន​ការឈឺ​ដូច​គេ​ចាក់​ក្នុង​ទ្រូង វា​គឺជា​ពេលវេលា​ដែល​ត្រូវ​ទៅ​ជួប​ពេទ្យ​ហើយ ព្រោះ​វា​អាចជា​សញ្ញា​នៃ​ការបង្ក​រោគ​ដោយ​បាក់តេរី ដែល​ត្រូវការ​ព្យាបាល​ដោយ​ថ្នាំ​ផ្សះ​ពី​គ្រូពេទ្យ ​។ ចូរ​ពិនិត្យមើល​អ្វីដែល​អ្នក​អាច​ធ្វើបាន​ខាងក្រោម​នេះ​ដើម្បី​ជួយ​ឲ្យ​ជំងឺ​កាន់តែ​ឆាប់​ជា​លឿន​ ៖

•​ ​ចូរ​សម្រាក​ឲ្យ​បាន​គ្រប់គ្រាន់​ដើម្បី​រាងកាយ​ឆាប់​ជា​ពី​ជំងឺ​
•​ ​ចូរ​ប្រាកដថាអ្នក​បាន​ញ៉ាំ​ទឹក​ច្រើន​ដើម្បី​បង្គ្រប់​ជាតិ​ទឹក​ក្នុង​ខ្លួន​ ។ ជាតិ​ទឹក​ក៏​ជួយ​ពង្រា​វ​ស្លេស្ម ដើម្បី​ស្រួល​ខាក​ចេញ​ដែរ​
•​ ​ក្នុង​បន្ទប់​គួរតែ​បើក​ដំណើរ​ការ​ម៉ាស៊ីន​ផ្តល់​សំណើម​ដល់​បរិយាកាស និង ​គេង​ក្បាល​ខ្ពស់​ដើម្បី​បន្ថយ​ការ​តឹង​ច្រមុះ​

​អ្នក​ក៏​អាច​ប្រើ​វិធី​ព្យាបាល​ដោយ​ខ្លួនឯង​សាមញ្ញៗ​ដូចខាងក្រោម​បានដែរ ​ដើម្បី​ជួយ​ឲ្យ​អ្នក​កាន់តែ​ឆាប់​មាន​អារម្មណ៍ល្អ​វិញ ​៖
•​ ​ខ្ពុរ​ទឹកអំបិល​ ៖ ចូរ​លាយ​ទឹក​ប្រហែល ​២៣៦ មី​លី​លីត្រ​ ជាមួយ​អំបិល​មួយ​ស្លាបព្រា​កាហ្វេ ហើយ​លាយ​វា​ឲ្យ​សប់ បន្ទាប់មកយក​វា​ទៅ​ខ្ពុរ​ក្នុង​មាត់​
•​ ​ទឹកឃ្មុំ និង ​ក្រូចឆ្មា​ ៖ ចូរ​ច្របាច់​ទឹកក្រូច​ឆ្មា​មួយ​ផ្លែ​ដាក់​ក្នុង​ទឹក​ក្តៅ​ឧណ្ហៗ​មួយ​កែវ ជាមួយនឹង​ទឹកឃ្មុំ​បន្តិច​ ។ ទឹកក្រូច​ឆ្មា​មាន​សារធាតុ Flavonoids និង​ វី​តា​មីន C ដែល​អាចជួយ​ប្រឆាំងនឹង​ការបង្ក​រោគ ខណៈពេលដែល​ទឹកឃ្មុំ​វិញ​ត្រូវបាន​គេ​ដឹងថាមាន​សារធាតុ​ប្រឆាំង​វីរុស និង​ បាក់តេរី​ ។​
•​ ​ខ្ញី​ ៖ ខ្ញី​ត្រូវបាន​គេ​ដឹងថាមាន​សារធាតុ​ប្រឆាំង​ការ​រលាក និង​ អាច​ប្រើ​ដើម្បី​ព្យាបាល​ជំងឺ​ផ្តាសាយ​បាន​ថែមទៀត​ ។ ចូរ​យក​ខ្ញី​ហាន់​ឲ្យ​ម៉ដ្ឋ ហើយ​ដាក់​ក្នុង​ទឹក​ដាំ​ពុះ​ដើម្បី​ធ្វើជា​«តែ»​ផឹក ដោយវា​មាន​ប្រសិទ្ធភាព​ក្នុងការ​បំបាត់​ការ​រលាក និង​ ការ​រលាក​ក្នុង​ទងសួត​ ​។
•​ ​យ៉ា​អួ ​៖ យ៉ា​អួ​ផ្ទុក​ទៅដោយ​បាក់តេរី​មាន​ប្រយោជន៍ (​ប្រូ​បាយ​អូ​ទិច​) ដែល​អាចជួយ​ពង្រឹង​ដល់​សុខភាព​អ្នក​បាន​ ។ យោងទៅតាម​ការស្រាវជ្រាវ​បាន​ឲ្យ​ដឹងថា ប្រូ​បាយ​អូ​ទិច​ប្រហែលជា​ជួយ​បន្ថយ​ទាំង​ភាព​ធ្ងន់ធ្ងរ​នៃ​អាកា​រការ​បង្ក​រោគ​ក្នុង​ផ្លូវដង្ហើម​ផង និង ​ព​ន្លឿ​ន​ដល់​ការ​ឆាប់​ជា​ផង ​។
•​ ​ឆ្ពុង ​៖ ចូរ​ប្រើ​ចានដែក​មាត់ធំ​មួយ ហើយ​ចាក់ទឹក​ក្តៅ​ចូលទៅ​ក្នុងនោះ​ដើម្បី​ឆ្ពុង​ច្រមុះ​ ។ អ្នក​ក៏​អាច​ប្រើ​កន្សែងពោះគោ​ដាក់​លើ​ក្បាល ដើម្បី​ទទួលបាន​ភាព​សើម​កាន់តែខ្លាំង​ដែរ ​។ ចូរ​ធ្វើបែបនេះ ៥ ទៅ ១០ ​នាទី ដើម្បី​ជួយ​សម្រួល​ភាព​តឹង​ក្នុង​ច្រមុះ ​៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

ឧបត្ថម្ភដោយ ៖ UniDry

www.winsuncambodia.com

អត្ថបទពេញនិយម

តារាស្រី ៥ ដួងនេះ មានមុខសុភាពស្រាប់ ទោះធ្វើតួឆ្នាសក៏មិនសូវសម !
ក្រោយលែងលះគ្នាដាច់ Yang Mi ស៊ីវិល័យប្លែក តែ Hawick បែរមុខមិនរីក ដើរទិញតែខោអាវថោកៗ
ទាំងនេះជាប្រទេសដែលមានអនាម័យ និង គិតគូរពីសុខភាពបំផុត
ច្បាស់ការហើយ! សាកសពដែលរកឃើញក្នុង​ផ្លូវ​ផ្នូរបុរាណនៃរជ្ជកាល ហាន គឺជាកំពូលមេទ័ព ឆាវឆាវ

មតិរបស់អ្នក