Connect with us

ម៉ាក់​ម៉ាក់

ហេតុផល ៥ យ៉ាង ដែលទារកត្រូវការគេងច្រើនៗ

on

Advertisement

ឥឡូវនេះ​អ្នក​ប្រហែលជា​យល់ថា កន្លែង​ដែល​ធ្វើ​ឲ្យ​អ្នក​រីករាយ​បំផុត​នោះ​គឺ​ផ្ទះ​ក្រោយពី​សម្រាលកូន​រួច ហើយ​អ្នក​ប្រហែលជា​អាច​ភ្ញាក់ផ្អើល​ដែរ​ហើយ​ដែល​ដឹងថា កូនតូច​ដែល​អ្នក​ទើបតែ​សម្រាល​រួច​នោះ​ត្រូវការ​គេង​ច្រើន​ ។ ការ​គេង​មាន​លក្ខណៈ​សំខាន់​ច្រើនណាស់​សម្រាប់​ទារក ហើយ​ក៏មាន​ឥទ្ធិពល​ទៅលើ​ការលូតលាស់ និង ​ធំធាត់​របស់គេ​ដែរ​។ ខាងក្រោម​នេះ​គឺជា​ហេតុផល​ដែល​អ្នក​គួរតែ​បណ្តោយ​ឲ្យ​កូន​គេ​ឲ្យ​បាន​ច្រើន​ចាប់ពី​គេ​អាយុ​បាន​មួយឆ្នាំ​ហើយ​ ៖

​-បង្កើន​ការលូតលាស់​រាងកាយ​
​ការ​គេង​ប្រហែលជា​ដើរតួនាទី​សំខាន់​មួយ​ក្នុងការ​លូតលាស់​រាងកាយ​ទារក​ ។ ការបញ្ចេញ​អ័រម៉ូន​លូតលាស់​ខ្លាំង​ភ្លាម​ត្រូវបាន​គេ​ដឹងថា កើតឡើង​នៅពេលដែល​អ្នក​គេង​លក់​ស្កប់ស្កល់​ ។ ការស្រាវជ្រាវ​ដែល​ពិនិត្យ​ទៅលើ​ទំនាក់ទំនង​នៃ​ការ​គេង និង​លូតលាស់​លើ​ទា​រកបាន​រកឃើញថា ពេលវេលា​ដែល​ទារក​គេង វា​នឹង​ជួយ​បង្កើន​ការ​លូត​កម្ពស់ និង ​ទម្ងន់​របស់គេ​ ។

-​ជួយ​ដល់​ការ​ធំធាត់​ញាណ​សរសៃប្រសាទ​
​ការ​គេង​ក៏​សំខាន់​សម្រាប់​ការលូតលាស់​ប្រព័ន្ធ​ញាណ​សរសៃប្រសាទ​ដ៏​ល្អ​របស់​ទារក​ដែរ​ ។ ប្រព័ន្ធ​ញាណ​សរសៃប្រសាទ​ត្រូវបាន​ភ្ញោ​ច​ឲ្យ​កើតឡើង​នៅពេល​គេ​គេង ​។ ញាណ​នេះ​សំខាន់​ក្នុងការ​លូតលាស់​ធម្មតា​ដល់​ប្រព័ន្ធ​ផ្សេងៗ​ទៀត​ដូចជា ការ​ស្តាប់ឮ មើលឃើញ ការដឹក​ពេល​ប៉ះពាល់ និង ​ប្រព័ន្ធ​រក្សា​លំ​នឹក​រាងកាយ ដែល​វា​បង្កើត​នូវ​ការទំនាក់ទំនង​រវាង​រចនាសម្ព័ន្ធ​ខួរក្បាល និង​ សរីរាង្គ​ទទួល​ដឹង​ញាណ​។

-​ជួយ​ដល់​ការ​ធំធាត់​របស់​ខួរក្បាល​
​ឥទ្ធិពល​ដ៏​សំខាន់​មួយទៀត​នៃ​ការ​គេង​របស់​ទារក​គឺ​ជួយ​ដល់​ការ​ធំធាត់​របស់​ខួរក្បាល​។ ការ​បំបែក​ខ្លួន​ដ៏​សំខាន់​មួយ​របស់​ខួរក្បាល គឺ​ភាពយឺត​របស់​ខួរក្បាល​តែម្តង ដែល​វា​ជា​សមត្ថភាព​របស់​ខួរក្បាល​ក្នុងការ​ឆ្លើយតប​នឹង​ម​ជ្ឈដ្ឋា​ន​ជុំវិញខ្លួន តាមរយៈ​ការផ្លាស់ប្តូរ​មុខងារ និង​រចនា​សម្ពាធ​រប​ស់​ខួរក្បាល​ដែរ​។ ការសិក្សា​ទៅលើ​សត្វ​បាន​រកឃើញថា សត្វ​ក្មេងៗ​ដែល​ដេក​មិន​គ្រប់ គឺ​បាត់បង់​ភាពយឺត​របស់​ខួរក្បាល​។ រឿងនេះ​អាច​សម្គាល់​ដឹង​តាមរយៈ​ការថយចុះ​នៃ​ការរៀនសូត្រ មាន​អាកប្បកិរិយា​អវិជ្ជមាន និង ​ខួរក្បាល​តូច​ជាង​មុន ​។​

​-ជួយ​ឲ្យ​រៀន​ឆាប់​ចេះ​
​ការ​គេង​ដើរតួនាទី​មួយ​លើ​ការជំរុញ​ដល់​ការចងចាំ និង ​ជួយ​ឲ្យ​គេ​រៀន​កាន់តែ​ពូកែ ​។ ការសិក្សា​មួយ​បាន​រកឃើញថា ក្រុម​ក្មេង​ដែល​គេង​ថ្ងៃ​នៅ​ចន្លោះពេល​រៀន​ភាសា​ថ្មី និង​ ធ្វើតេស្ត​ិ៍រួច ឃើញថា ពួកគេ​មានការ​ចងចាំ​ពាក្យថ្មីៗ​ដែល​រៀន​រួច​បាន​ច្រើន​។ ទារក​ដែល​មិនបាន​គេង​ថ្ងៃ​ទេ គ្រាន់តែ​ចងចាំ​នូវ​ពាក្យ​ដែល​បាន​បង្រៀន​ប៉ុណ្ណោះ​។ ដូច្នេះ​ការ​គេង​ប្រហែលជា​វិធី​ជំរុញ​ដល់​ការរៀនសូត្រ​របស់​ទារ​ក​ឲ្យ​កាន់តែ​មានគុណ​ភាព​ទៀត​។​

-​រំងាប់​ចិត្ត​ខឹង ឬ​កាច​
​រឿងនេះ​គ្មាន​អ្វីដែល​ត្រូវ​ភ្ញាក់ផ្អើល​ឡើយ ព្រោះ​យើង​សុទ្ធតែ​ដឹង​ហើយ​ថា ទារក (​និង​មនុស្ស​ធំ​) ដែល​មិនបាន​គេង​គ្រប់គ្រាន់​អាច​នឹងមាន​អារម្មណ៍​ខឹង​តិចតួច​ដែរ​។ ការសិក្សា​ក៏បាន​តាមដាន​ឃើញថា ក្មេងៗ​ដែល​គេង​តិចតួច គឺ​អាចមាន​អារម្មណ៍​ខឹង ឬ​កាច​ច្រើន​បន្តិច​។ តាមពិតទៅ ការសិក្សា​មួយ​បាន​រកឃើញថា ក្មេង​ដែល​គេង​មិន​គ្រប់​ក្នុង​មួយ​យប់​រយៈពេល​បី​សប្តាហ៍ ទំនងជា​ងាយ​នឹង​កាច ឬ​ខឹង​ច្រើន​នៅពេល​គេង​អាយុ​បាន ៣​ខែ​។

-​ទារក​ប្រហែលជា​ត្រូវការ​គេង​ពី ១១ ទៅ ១៧​ម៉ោង​ក្នុង​មួយ​យប់​អាស្រ័យ​ទៅតាម​អាយុ​គេ​
​ទារក​ទើបនឹង​កើត​តែងតែ​ត្រូវការ​គេង​ច្រើន​ម៉ោង​ណាស់ ហើយ​ពេលវេលា​នៃ​ការ​គេង​របស់គេ​ក៏​នឹង​ថយចុះ​នៅពេល​គេ​ធំ​ទៅៗ​។ នៅពេល​ថ្ងៃ​គេ​អាច​គេង​ពី ៨ ទៅ​៩​ម៉ោង និង ៨​ម៉ោង​ទៀត​នៅពេល​យប់​។ ខាងក្រោម​នេះ​គឺជា​ពេលវេលា​ដែល​ទារក​ត្រូវការ​គេង​៖
•​ ​ទារក​ចន្លោះ ០ ទៅ ៣​ខែ ត្រូវការ​គេង ១៤ ទៅ ១៧​ម៉ោង​ក្នុង​មួយថ្ងៃ​
•​ ​ទារក​ចន្លោះ ៤ ទៅ ១១​ខែ ត្រូវការ​គេង ១២ ទៅ ១៦​ម៉ោង​ក្នុង​មួយថ្ងៃ​
•​ ​ទារក​ទើប​ចេះ​ដើរ​តេសតាស​ចន្លោះ ១២ ទៅ ៣៥​ខែ ត្រូវការ​គេង ១១ ទៅ ១៤​ម៉ោង​ក្នុង​មួយថ្ងៃ​៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

កែវ នីសា អាយុក្បែរ ៤០ ឆ្នាំហើយ តែសម្រស់នៅខ្ញង់គ្មានទាស់
តែមួយប៉ព្រិចភ្នែក តារាចម្រៀងវ័យក្មេងទាំងនេះ ធំពេញរូបពេញរាង ម្នាក់ៗស្អាតឡើងខ្ញង់
វត្តឈើខ្មៅ នៅបាត់ដំបងមានអាយុកាល ១៣៣ ឆ្នាំ ផុសឡើងកណ្ដាលបឹងទន្លេសាប ស្អាតក្រៃលែង
ចង់ដើរលេងគួរពន្យាសិនទៅ! ចាប់ពីស្អែកនេះកម្ពុជានឹងមានភ្លៀង ផ្គរ រន្ទះ ទូទាំងប្រទេស

មតិរបស់អ្នក