Connect with us

ម៉ាក់​ម៉ាក់

គ្រាន់តែហាលថ្ងៃពេលកំពុងពពោះសោះ បែរជាអាចផ្តល់ប្រយោជន៍ដល់កូនក្នុងផ្ទៃជាពិសេស

on

Advertisement

តាម​ការសិក្សា​ស្រាវជ្រាវ​ថ្មី​មួយ​បាន​ឱ្យដឹងថា ពន្លឺព្រះអាទិត្យ​អាច​បន្ថយ​ការកើត​ជំងឺហឺត​លើ​កុមារ​បាន នៅពេលដែល​ម្តាយ​បាន​ប៉ះពាល់​នឹង​ពន្លឺ​នេះ​គ្រប់គ្រាន់​តាំងពី​ពេល​ព​ពោះ​។ ពន្លឺ​ព្រះ​អាទិ​ត្យ​អាច​ផ្តល់​ជា​ប្រយោជន៍​ដល់​សុខភាព​ច្រើនណាស់​។ ខណៈពេលដែល​វា​អាចមាន​ហេតុផល​ខ្លះ​ថា អាច​បង្ក​ជា​ជំងឺមហារីក​ស្បែក តែ​គ្រាន់តែ​ប៉ះពាល់​តិចតួច​សោះ​មិន​បង្ក​ជា​មហារីក​ដែរនោះ​ទេ​។ តាមពិតទៅ ជំងឺមហារីក​ស្បែក​មិនមែន​កើតឡើង​ដោយសារតែ​ការប៉ះពាល់​នឹង​ពន្លឺព្រះអាទិត្យ​ធម្មតាៗ​នោះឡើយ​។ មាន​អត្ថប្រយោជន៍​ច្រើនណាស់​ដែល​ព្រះអាទិត្យ​អាច​ផ្តល់​ឲ្យ​បាន ហើយ​មួយ​ក្នុងចំណោម​នោះ​ក៏​អាច​បន្ថយ​ការកើត​ជំងឺហឺត​លើ​កុមា​រដែរ​។

​អ្នកស្រាវជ្រាវ​មកពី​សាក​វិទ្យាល័យ Harvard University and University of Kansas, Massachusetts Institute of Technology បាន​រកឃើញថា ម្តាយ​ដែល​ពពោះ​នៅ​ត្រីមាស​ទី​ពីរ ហើយ​ស្ថិតក្នុង​កន្លែង​ដែលមាន​អាកាសធាតុ​ក្តៅ ឃើញថា កូន​ដែល​កើតមក​មិនសូវមាន​ជំងឺហឺត​ដូច​ក្មេង​ដែល​កើត​ពី​ម្តាយ​ដែល​រស់នៅ​តំបន់​ផ្សេង​ដែល​មិនសូវ​ប៉ះពាល់​ពន្លឺព្រះអាទិត្យ​ឡើយ​។ ពួកគេ​ក៏បាន​ធ្វើ​សេចក្តី​សន្និដ្ឋានថា បើសិនជា​កន្លែង​នោះ​មាន​ពន្លឺព្រះអាទិត្យ​ច្រើន​ហើយ​កើតឡើង​នៅលើ​ស្ត្រី​ក្នុង​ត្រីមាស​ទី​ពីរ​ទៀត នោះ​វា​នឹងធ្វើ​ឲ្យ​ថយចុះ​ច្រើន​លើ​ការកើត​ជំងឺហឺត​លើ​ទារក​។​

​ហេតុអ្វី​បានជា​និយាយ​តែ​លើ​ត្រីមាស​ទី​ពីរ​?
​ត្រីមាស​ទី​ពីរ​ពី​គិត​ចាប់ពី​សប្តាហ៍​ទី ១៤ ទៅ ១៦​នៃ​កា​រពពោះ​។ វា​គឺជា​ពេលវេលា​មួយ​ដែល​ទារក​កំពុងតែ​លូតលាស់​ក្រពេញ​ញើស និង​ កូនកណ្តុរ ហើយ​លំពែង និង​ ថ្លើម​ក៏​ចាប់ផ្តើម​ផលិតរ​សរប​ស់វា​ដែរ​។ វា​គឺជា​ពេលវេលា​ដែល​ភ្នាស​សំណើម និង ​ប្រព័ន្ធ​ភាពស៊ាំ​របស់​ទារក​កំពុងតែ​លូតលាស់​។ ជំងឺហឺត​គឺជា​ជំងឺ​មួយ​ដែល​កើតឡើង​ទៅលើ​ភ្នាស​សំណើម​។

​វីតាមីន D
​អ្នកស្រាវជ្រាវ​បាន​ធានាថា អត្ថប្រយោជន៍​នេះ​គឺ​ដោយសារតែ​វីតាមីន D ដែល​រាងកាយ​ផលិត​ចេញ​ក្រោយពី​ប៉ះពាល់​ពន្លឺព្រះអាទិត្យ​រួច​។ វា​អាច​អ៊ីចឹង​ដែរ ប៉ុន្តែ​ឥទ្ធិពល​របស់​ពន្លឺព្រះអាទិត្យ​ទៅលើ​រាងកាយ​គឺមាន​ផលវិបាក​ច្រើនជាង​ការផលិត​វីតាមីន D ទៅទៀត​។

​មានការ​សន្និដ្ឋាន​ជាច្រើន​និយាយថា ថ្នាំ​បំប៉ន​វីតាមីន D គឺជា​ដំណោះស្រាយ​សម្រាប់​រឿងនេះ​។ ប៉ុន្តែ​សំណួរ​សួរថា តើ​ថ្នាំ​បំប៉ន​វីតាមីន D នឹងមាន​ប្រយោជន៍​ដូចគ្នា​នឹង​ពន្លឺព្រះអាទិត្យ​ដែរ​ទេ​។ យ៉ាងណាមិញ ថ្នាំ​បំប៉ន​ការ​មាន​ផ្ទៃពោះ​ដែល​ស្ត្រី​មាន​ផ្ទៃពោះ​ញ៉ាំ​រាល់ដង គឺមាន​វីតាមីន D នេះដែរ​ហើយ​។ ជាធម្មតា វីតាមីន D គឺជា​ជីវជាតិ​ដែល​ត្រូវ​ទទួលបាន​ពីរ​របប​អាហារ ប៉ុន្តែ​ថ្នាំ​បំប៉ន​ពេល​មាន​ផ្ទៃពោះ​ដែលមាន​វីតាមីន D ដែរនោះ ប្រហែលជា​មិន​ធ្វើ​ឲ្យ​ស្ត្រី​ទទួលបាន​ប្រយោជន៍​ពេញលេញ​ពី​វា​ឡើយ​៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ 1mhealthtips

អត្ថបទដោយ​៖ Chan Tha

អត្ថបទពេញនិយម

តារាប្រុសថៃល្បី ១២ រូប ដែលមានខ្សែភ្នែក និង ស្នាមញញឹមស្រទន់ទាក់ចិត្តអ្នកគាំទ្រ !
វ័យជ្រេ និង កំពុងពពោះដូចគ្នា តែកុំមើលសម្រស់តារាល្បីខ្មែរ-ថៃ ២ រូបនេះ គ្មានទាស់ឡើយ !
កក់ក្ដៅបំផុត! រដ្ឋមន្ត្រី ហង់ជួន ណារ៉ុន ចុះពិនិត្យសន្លឹកកិច្ចការ ជូនអ្នកធ្លាក់ទាំងអស់ ដោយផ្ទាល់
សើចចង់ជ្រុះធ្មេញ ! គ្រូចាញ់ភ្នាល់ រាំតាំងពីខ្លោងទ្វារដល់ទង់ជាតិ ព្រោះសិស្សបាន A ដល់ ៦ នាក់

មតិរបស់អ្នក