Connect with us

ម៉ាក់​ម៉ាក់

ទារកចេះតែញីភ្នែក សូមឪពុកម្តាយកុំធ្វើព្រងើយ !

on

Advertisement

គ្មាន​អ្វីដែល​មើលទៅ​គួរ​ឲ្យ​ខ្នាញ់​ជាង​ឃើញ​ទារក​តូចៗ​លើកដៃ​គេ​មក​ញី​ភ្នែក​នោះទេ​។ ប៉ុន្តែ​នៅ​ពីក្រោយ​រឿងនេះ​អាចមាន​មូលហេតុ​ច្រើន​ដែល​នាំ​ឲ្យ​គេ​ញី​ភ្នែក​បែបនេះ​។ ខាងក្រោម​នេះ​គឺជា​ហេតុផល​ខ្លះៗ​ដែល​អ្នក​ទំនងជា​ដឹង​ហើយ និង​ខ្លះទៀត​មិនទាន់​ដឹង​ទេ​។​

​អស់កម្លាំង​
​ហេតុផល​ភាគច្រើនបំផុត​ដែល​នាំ​ឲ្យ​ក្មេង​ញី​ភ្នែក​គឺ​ងងុយគេង​។ ប៉ុន្តែ​អ្វីដែល​ច្រើនជាង​នេះដែរ​នោះ​គឺ គេ​មាន​អារម្មណ៍​ថា​អស់កម្លាំង​នៅ​សាច់ដុំ​ជុំវិញ​ភ្នែក ទើបបានជា​គេ​ញី​ភ្នែក​។ ការ​ស្ងាប់ ឬ​យំ​គឺជា​សញ្ញា​ផ្សេងទៀត​ដែល​បញ្ជាក់ថា កូន​អ្នក​អស់កម្លាំង និង​ងងុយគេង​។

​ស្ងួត​ភ្នែក​
​ទារក​អាច​នឹង​ញី​ភ្នែក​បើសិនជា​គេ​មាន​អារម្មណ៍​ថា​ស្ងួត​ភ្នែក​។ កា​រញី​ភ្នែក​នឹងធ្វើ​ឲ្យ​ចេញ​ទឹកភ្នែក ដើម្បី​ផ្តល់​សំណើម​ដល់​ភ្នែក​វិញ​។ ភាព​ស្ងួត​នេះ​អាច​ដោយសារតែ​ទារក​បើកភ្នែក​យូរពេក ឬ​មិនសូវ​បាន​គេង​។

​ចង់​ស្វែងយល់​ខ្លាំង​
​ចូរ​ចាំ​ថា អ្វីៗ​គ្រប់យ៉ាង​គឺ​ថ្មី​សម្រាប់​ទារក​ទាំងអស់​។ ពួកគេ​នៅតែ​ត្រូវការ​សិក្សា​ពី​របៀប​ដែល​រាងកាយ​ឆ្លើយតប និង​ចង់​ធ្វើ​រឿង​ទាំងអស់នោះ​ផង​។ រាល់​អ្វីដែល​បានឃើញ និង​ពន្លឺ​អ្វីដែល​ថ្មី​អាចធ្វើ​ឲ្យ​អ្នក​ញី​ភ្នែក​ដែល​បិទ​បាន ហើយ​វា​ក៏​អាចធ្វើ​ឲ្យ​ទារក​ស្វែងយល់​នូវ​អ្វីដែល​ថ្មីៗ​ទាំងអស់​នោះដែរ តាមរយៈ​ការ​ញី​ភ្នែក​របស់​ពួកគេ​។

​រមាស់​ភ្នែក​ដោយសារតែ​ធូលី​ដី និង​រោមភ្នែក​ចាក់​
​ទារក​អាច​នឹង​ញី​ភ្នែក​គេ​បើសិន​ជាមាន​អ្វីមួយ​ធ្វើ​ឲ្យ​ភ្នែក​គេ​រលាក​។ វា​អាចជា​ធូលី​ដី រោមភ្នែក ឬ​ភ្នែក​ស្ងួត​។ ចូរ​ចាំ​ថា ទោះបីជា​ការហូរ​ទឹកភ្នែក និង​ព្រិច​ភ្នែក​ក៏​ជា​សញ្ញា​នៃ​ការ​មាន​អ្វីមួយ​ចូល​ភ្នែក​គេ​ដែរ​។ បើសិនជា​មានការ​រលា​ក​ក្នុង​ភ្នែក​ទារក ចូរ​ប្រើប្រាស់​កន្សែង​សើម​ស្អាត​ជូត​ជុំវិញ​ភ្នែក និង​មុខ​គេ​ផង​។ ចូរ​ព្យាយាម​សម្អាត​អ្វី​ទាំងអស់​ដែលមាន​ក្នុង​ភ្នែក​គេ​ជាមួយនឹង​ទឹក​ក្តៅ​ឧណ្ហៗ និង​ស្អាត​។

​ឈឺ ឬ​រមាស់​ភ្នែក​
​ហេតុផល​មួយ​ផ្សេងទៀត​ដែល​ទារក​ញី​ភ្នែក គឺ​ភ្នែក​របស់គេ​ឈឺ ឬ​រមាស់ ដែល​វា​អាច​បង្កឡើង​ដោយ​ការបង្ក​រោគ​។ អាកា​រៈ​នៃ​ការបង្ក​រោគ​មួយ​ក៏​អាចមាន​ដូចជា ហើម និង​ក្រហម​ភ្នែក ហូរ​ទឹកភ្នែក ឬ​ក្តៅខ្លួន​។ កូន​អ្នក​ក៏​ប្រហែលជា​ថប់​អារម្មណ៍ និង​យំ​បើសិនជា​គេ​ឈឺ​ក្នុង​ភ្នែក​។ យក​ល្អ​គួរតែ​ទៅ​ជួប​គ្រូពេទ្យ​បើសិនជា​អ្នក​សង្ស័យថា កូន​មាន​ការបង្ក​រោគ​នៅក្នុង​ភ្នែក​គេ​៕

 

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

អត្ថបទដោយ​៖ Chan Tha

អត្ថបទពេញនិយម

បេនី យ៉ាំង ចាយរាងក្នុងឈុតប៊ីគីនីយ៉ាងទាក់ទាញ ស៊ីអារម្មណ៍ណាស់
រកឃើញហើយប្ដីមាសទឹកដប់ ប្រពន្ធទះ ៤ កំផ្លៀងជាំមុខស៊ូទ្រាំនៅស្ងៀមមិនតដៃវិញឡើយ
ប្រុសៗប្រយ័ត្នផង! រកឃើញស្រោមអនាម័យប្រើហើយជាង ៣០ ម៉ឺនស្រោម លាងទឹកទុកប្រើឡើងវិញ
អ្នកគាំទ្រសង្ស័យក្រោយឃើញ ឆន សុវណ្ណរាជ ស្និទ្ធស្នាលជាមួយនារីរូបស្រស់ម្នាក់

មតិរបស់អ្នក