Connect with us

ម៉ាក់​ម៉ាក់

វិធីសាស្រ្តល្អៗដើម្បីផ្តាច់ដោះកូន ដែលអ្នកម្តាយគ្រប់គួរយល់ដឹង !

on

Advertisement

ការ​ផ្តាច់ដោះ​របស់​ទារក​តូចៗ អាចជា​រឿង​ពិបាក​ក៏​ថា​បាន ស្រួល​ក៏​ថា​បាន​ ប៉ុន្តែ​មាន​ករណី​ឪពុកម្តាយ​ខ្លះ​និយាយថា ការផ្តាច់​ដោះ​កូន​គឺជា​រឿង​ពិបាក​ច្រើនជាង​ ។ បើសិនជា​អ្នកដឹង​អំពី​មធ្យោបាយ​មួយចំនួន​ក្នុងការ​ផ្លាស់ប្តូរ​របៀប​ញ៉ាំ​អាហារ​របស់​កូន ពី​បៅដោះ​មក​ញ៉ាំ​អាហារ​ក្រៅ​បន្ថែម​វិញ​នោះ វា​នឹង​មិនមាន​ផលវិបាក​អ្វី​ច្រើន​ឡើយ​ ។ ​ខាងក្រោម​នេះ​គឺជា​គន្លឹះ​ខ្លះៗ​ដែល​អ្នក​អាច​ធ្វើបាន​ដើម្បី​ជួយ​កូន​ក្នុងការ​ផ្តាច់ដោះ​បាន​បន្តិច​ម្តៗ​ ៖


•​ ​សម្រាប់​ទារក​អាយុ​តិចជាង ១២​ ខែ ម្តាយ​គួរតែ​ច្របាច់​ទឹកដោះ​ដាក់​ក្នុង​កំប៉ុង​ទឹកដោះគោ ហើយ​បំបៅកូន​ ។ សម្រាប់​ទារក​អាយុ​ច្រើនជាង ១២ ​ខែ អាច​បៅ​ដោយ​ការ​បឺត​ពី​ពែង​សម្រាប់​ទារក​បាន​ ។
•​ ​ការផ្តាច់​ដោះ​ទារក​អាចធ្វើ​ឲ្យ​គេ​មាន​អារម្មណ៍​ថា​រងា និង​ ខ្វះ​ការយកចិត្តទុកដាក់ ​។ ដូច្នេះ​ចូរ​ថ្នាក់ថ្នម​គេ​ឲ្យ​បាន​ច្រើន​ដើម្បី​គេ​មាន​អារម្មណ៍​ថា​មាន​ផាសុកភាព ជាមួយនឹង​ការ​ថ្នាក់ថ្នម​យ៉ាង​កកក្តៅ​ពី​ម្តាយ​ ។
•​ ​បន្ថយ​ពេលវេលា​បំបៅ​ដោះ ដោយ​ជំនួសមក​វិញ​នូវ​អាហារ​បន្ថែម​ក្រៅ​ដែល​កូន​បានចាប់ផ្តើម​ញ៉ាំ​រួច​ ។ ចូរ​មើលថា​តើ​កូន​ត្រៀមខ្លួន​សម្រាប់​ការ​ញ៉ាំប៉ុន្មានដង​ក្នុង​មួយថ្ងៃ​ដោយ​មិន​បៅដោះ ​អ្វីដែល​សំខាន់អ្នក​ត្រូវ​ប្រាកដថា កូន​មិនមាន​បញ្ហា​អា​ឡែ​ហ្ស៊ី​នឹង​អាហារ​ទាំង​នោះទេ​ ។

•​ ​ព្យាយាម​ធ្វើ​ឲ្យ​កូន​គេង​ក្នុងពេល​ញ៉ាំ​អាហារ​ពេលយប់​ ។ រឿងនេះ​អាច​នឹង​ត្រូវការ​ខ្លាំង​ដោយសារតែ​កូន​ឃ្លាន​ច្រើន​នៅពេល​យប់ ឬ ​នៅពេល​ព្រលឹម​ស្រាងៗ​ ។ ដើម្បី​ចាប់ផ្តើមអ្នក​អាច​បន្ថយ​ពេល​បៅ​នៅពេល​យប់ ដោយ​មួយថ្ងៃ​រំលង​មួយថ្ងៃ​វិញ​ ។
•​ ​ម្តាយ​គួរតែមាន​ភាព​សក​ម្មកា​ន់​តែ​ច្រើន​បន្តិច និង ​មិនត្រូវ​អង្គុយ​ជិត​កូន​ពេក​ទេ ដោយរឿងនេះ​នឹងធ្វើ​ឲ្យ​កូន​ងាយ​នឹង​វា​មករក ហើយ​ទារ​បៅដោះ ព្រមទាំង​មិន​ចាប់អារម្មណ៍​លើ​ការលេង​អ្វីៗ​នៅ​ជុំវិញខ្លួន​ទេ​ ។​

​ក្រៅពី​ព្យាយាម​ផ្តាច់ដោះ​កូន អ្នក​ក៏ត្រូវ​មើលថែ​ខ្លួនឯង​ក្នុងពេល​នេះដែរ ជាពិសេស​សុខភាព​ផ្លូវកាយ និង ​ចិត្ត​ ។ ទឹកដោះ​ម្តាយ​អាច​នឹងត្រូវ​ការ​ពេល ២ ទៅ ៤​ សប្តាហ៍​ទើប​ស្ងួត​ចេញពី​ដោះ​អស់​ ។ ការផ្តាច់​ដោះ​កូន​គួរតែ​ជាការ​សម្រេចចិត្ត​បែប​ធម្មជាតិ​ដោយ​ផ្អែកទៅលើ​ចំណង​ទំនាក់ទំនង​រវាង​អ្នក និង ​កូន​៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ onlymyhealth

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

ចៃដន្យណាស់! តារា ៣ ដួងនេះ ដេញ​បានថ្ងៃ ខែ ​ឆ្នាំ រៀបការក្នុងខែវិច្ឆិកាជាប់​គ្នា​​
ផាន់​ ​ផាត់​ណា​ ​​ធ្វើពិធី​ចេញ​ខែ​កូនប្រុស​នៅ​ល្ងាច​នេះ​!​ ​
សូមកូនខ្មែរ មកស្គាល់ព្រះនាមព្រះមហាក្សត្រ និង ព្រះរាជនុវង្សានុវង្សខ្មែរ ២៤ ព្រះអង្គ នាបច្ចុប្បន្ននេះ
សោកសៅបំផុត! សម្ដេច​រាជ​បុត្រី​ ព្រះ​រៀម​ នរោត្តម​ បុប្ផា​ទេវី​ ​ស្ដេចយាងសោយទិវង្គតហើយ

មតិរបស់អ្នក