Connect with us

ម៉ាក់​ម៉ាក់

បើមិនចង់បានកូនភ្លោះ គួរពិនិត្យមើល ៩ ចំណុចនេះ !

on

Advertisement

អត្រា​នៃ​ការ​សម្រាលកូន​បានកូន​ភ្លោះ​នៅ​សហរដ្ឋអាមេរិក​គឺ​មិន​កើតឡើង​ខ្ពស់​ទេ ដែលមាន​ប្រហែល ៣៣.៤​នាក់​ក្នុងចំណោម​កូនភ្លោះ​ដែល​សម្រាល​មករ​ស់ ១០០០​នាក់​ក្នុង​ឆ្នាំ ២០១៦​។ ដូច្នេះ​តើ​អ្នក​អាចធ្វើ​យ៉ាងម៉េច​ទៅ​ដើម្បី​បង្កើន​ឱកាស​នៃ​ការ​មានកូន​ភ្លោះ​កើត​ទៅ​? អ្នក​ពិតជា​អាច​គ្រប់គ្រង​កត្តា​ជាច្រើន​ដែល​ត្រូវបាន​គេ​រកឃើញថា មាន​ឥទ្ធិពល​នាំ​ឲ្យ​មានកូន​ភ្លោះ​បាន ប៉ុន្តែ​វា​ពិតជា​មិនមាន​អ្វី​អាច​ធានាបាន​ថា នឹង​ទទួលបាន​ជោគជ័យ​ឡើយ​។ ខាងក្រោម​នេះ​គឺជា​កត្តា​មួយចំនួន​ដែល​គេ​រកឃើញថា មាន​អត្រា​ជំរុញ​ឲ្យ​មានកូន​ភ្លោះ​ច្រើន តែ​មិន​ប្រាកដ ១០០​ភាគរយ​ឡើយ​៖

​ប្រវត្តិ​គ្រួសារ​មានកូន​ភ្លោះ​
​យោងទៅតាម Office on Women’s Health បាន​ឲ្យ​ដឹងថា និន្នាការ​មានកូន​ភ្លោះ​ភេទ​ដូចគ្នា​ប្រហែលជា​កើត​ឡើងជា​លក្ខណៈ​ដំណរ​ពូជ​។ នេះ​ដោយសារតែ​កត្តា​ហ្សែ​ន​ធ្វើ​ឲ្យ​ជ្រុះ​អូ​វ៉ុល​ច្រើន​ក្នុងពេល​តែមួយ​ដែលជា​ហេតុ​ស្ត្រី​មាន​មេជី​វិត​ញី​លើស​ពីមួយ​។ តាមពិតទៅ អ្នកវិទ្យាសាស្ត្រ បាន​សម្គាល់​ឃើញថា ការប្រែប្រួល​ក្នុង​ហ្សែ​ន​ពីរ ធ្វើ​ឲ្យ​បង្កើន​ឱកាស​នៃ​ការ​មាន​ផ្ទៃពោះ​មុខ​ដូចគ្នា​បេះបិត​មាន ២៩​ភាគរយ​ដែរ​។ ការសិក្សា​ក៏បាន​ណែនាំ​ថា ការ​មាន​ផ្ទៃពោះ​ភេទ​ដូចគ្នា​ប្រហែលជា​ជាប់ទាក់ទង​នឹង​គុណភាព​ទឹកកាម​កម្រិត​ខ្ពស់​របស់​ឪពុក​ដែរ​។

​ម្តាយ​អាយុ​លើសពី ៣៥​ឆ្នាំ​
​តាម​ទិន្នន័យ​របស់ CDC បាន​បង្ហាញថា វា​មានតែ ២​ភាគរយ​ប៉ុណ្ណោះ​សម្រាប់​ស្ត្រី​អាយុ​ក្រោម ២៥​ឆ្នាំ​អាចមាន​ផ្ទៃពោះ​ជា​កូនភ្លោះ ខណៈពេលដែល​ស្ត្រី​អាយុ​ពី ៣៥ ទៅ ៣៩​ឆ្នាំមាន ៥​ភាគរយ​។ នៅពេល​អ្នក​អាយុ​កាន់តែច្រើន តែ​នៅ​អាចមាន​លទ្ធភាព​បន្ត​ពូជ​ទៀត ឱកាស​នៃ​ការ​មាន​ផ្ទៃពោះ​ជា​កូនភ្លោះ​កើនឡើង​ច្រើន​ដែរ​។ ដល់ពេល​ស្ត្រី​អាយុ​ចាប់ពី ៤០​ឆ្នាំ​ឡើង អាចធ្វើ​ឲ្យ​ពួកគេ​មានឱកាស​នៃ​ការកូន​ភ្លោះ​បាន​រហូតដល់ ៧​ភាគរយ​ឯណោះ​។ រឿងនេះ​អាច​ដោយសារតែ​ការកើនឡើង​នៃ​ការផលិត​របស់​អ័រម៉ូន Follicle Stimulating Hormone នៅពេល​ស្ត្រី​អាយុ​ចាប់ពី ៣៥​ឆ្នាំ​ឡើងទៅ ដែលជា​ហេតុ​នាំ​ឲ្យ​មាន​មេជី​វិត​ញី​ច្រើន​គ្រាប់​ចេញ​ក្នុងពេល​ជ្រុះ​អូ​វ៉ុល​តែមួយ​។

ម្តាយ​មាន​កម្ពស់ ១.៦៥​ម៉ែត្រ​ឡើង​
​បើសិនជា​អ្នកជា​ស្ត្រី​មាន​កម្ពស់​ខ្ពស់ៗ អ្នក​ប្រហែលជា​មានឱកាស​មានកូន​ភ្លោះ​ដែរ​។ តាម​ការសិក្សា​ទៅលើ​ម្តាយ​មានកូន​ភ្លោះ ១២៩​នាក់ បាន​ឲ្យ​ដឹងថា រាល់​ម្តាយ​ទាំងអស់​គឺមាន​កម្ពស់​ជា​មធ្យម ១.៦៥​ម៉ែត្រ​ឡើងទៅ​។ រឿងនេះ​មាន​ជាប់ទាក់ទង​នឹង​អ័រម៉ូន​មួយ​ឈ្មោះថា Insulin-like Growth Factor (IGF) ដែល​វា​មាន​ចំនួន​កាន់តែច្រើន​លើ​អ្នក​ដែលមាន​កម្ពស់​ខ្ពស់ៗ​។

 

​ស្ត្រី​មាន BMI លើសពី ៣០
​មូលហេតុ​ដែល​គួរ​ឲ្យ​ភ្ញាក់ផ្អើល​ដែល​ធ្វើ​ឲ្យ​មានកូន​ភ្លោះ​គឺ​ស​ន្ទ​ស្សន៍​ទម្ងន់​ធៀប​នឹង​កម្ពស់ (BMI)​។ ការសិក្សា​មួយ​បាន​រកឃើញថា ស្ត្រី​ដែល​ធាត់ៗ និង​មាន BMI ចាប់ពី ៣០​ឡើងទៅ គឺ​ងាយ​នឹងមាន​កូនភ្លោះ​ភេទ​ដូចគ្នា​ណាស់​។

ការឈប់​ប្រើ​ថ្នាំ​ពន្យា​កំណើត​
​ហេតុផល​មួយ​ផ្សេងទៀត​ក្នុង​ការដែល​មានឱកាស​កូនភ្លោះ​ដែរនោះ​គឺ​អ្នក​ទើបតែ​ឈប់​ប្រើ​ថ្នាំ​គ្រាប់​ពន្យា​កំណើត​ថ្មីៗ​។ រឿងនេះ​អាច​ដោយសារតែ​ឥទ្ធិពល​នៃ​អ័រម៉ូន​កើនឡើង​ខ្ពស់​ក្រោយពី​អ្នក​ឈប់​ប្រើ​ថ្នាំ​នេះ​ភ្លាម ដែលជា​ហេតុ​នាំ​ឲ្យ​មាន​មេជី​វិត​ញី​លើស​ពីមួយ​កើតឡើង​ក្នុងពេល​តែមួយ​។

មាន​ផ្ទៃពោះ​ច្រើនដង​
​វា​គឺជា​រឿង​ដែល​គួរ​ឲ្យ​ចាប់អារម្មណ៍​ជាងគេ​។ យោងទៅតាម American Pregnancy Association បាន​ឲ្យ​ដឹងថា បើសិនជា​អ្នក​ធ្លាប់​មានកូន​ច្រើន​រួចហើយ អ្នក​ទំនងជា​អាចមាន​កូនភ្លោះ​ទៀត​។ មូលហេតុ​នោះ​គឺ​មិនទាន់​ដឹង​ច្បាស់​នោះទេ​។ តាម​អំណះអំណាង​ក្រៅ​ផ្លូវកាយ​បាន​ឲ្យ​ដឹងថា ការដែល​រលូត​កូន​ម្តង​ហើយ វា​នឹង​បង្កើន​ឱកាស​នៃ​ការ​មានកូន​ភ្លោះ​វិញ ខណៈពេលដែល​វា​មិនទាន់មាន​អំណះអំណាង​បែប​វិទ្យាសាស្ត្រ​គាំទ្រ​រឿងនេះ​នៅឡើយ​ទេ​។

​កូន​លើក​មុន​ប្រើ​វិធី​បំបៅកូន​ដោយ​ទឹកដោះ​
​បើសិនជា​អ្នក​បំបៅ​ដោះ​កូន​តាំងពី​កូន​លើក​មុន អ្នក​ទំនងជា​មានឱកាស​នៃ​ការ​មានកូន​ភ្លោះ​នៅពេល​ពរ​ពោះ​លើក​ក្រោយ​។ កាលណា​អ្នក​បំបៅ​ដោះ​កូន​កាន់តែច្រើន ឱកាស​នៃ​ការ​មានកូន​ភ្លោះ​ក៏​ច្រើន​ដែរ​។ រឿងនេះ​ដោយសារតែ​កម្រិត​ខ្ពស់​នៃ​អ័រម៉ូន IGF លើ​ស្ត្រី​ដែល​បំបៅ​ដោះ​កូន​។

ការ​មាន​ផ្ទៃពោះ​បែប​ជំនួយ​ពី​បច្ចេកវិទ្យា (In-Vitro Fertilization)
​អ្វីដែល​ធ្វើ​ឲ្យ​មានឱកាស​បានកូន​ភ្លោះ​ដ៏​ធំ​នោះ​គឺ ដោយសារតែ​ការព្យាបាល​ភាពមិន​អាចមាន​កូន​បាន តាមរយៈ​វិធីសាស្ត្រ In-Vitro Fertilization (IVF)​។ តាមពិតទៅ CDC បាន​ឲ្យ​ដឹងថា កំណើន​អត្រា​នៃ​ការ​មានកូន​ភ្លោះ​ក្នុង​រយៈពេល ៣០​ឆ្នាំ​ចន្លោះពេល​ឆ្នាំ ១៩៨០ ទៅ ២០០៩ ជាមួយនឹង​ការព្យាបាល IVF គឺមាន​រហូតដល់ ពីរភាគបី​ឯណោះ​។

​កម្រិត​ដ៏​ខ្ពស់​នៃ​វីតាមីន​ចម្រុះ និង Folic Acid
​ការ​លេបថ្នាំ​បំប៉ន Folic Acid ក្នុង​កម្រិត​ខ្ពស់ ទាំង​មុនពេល និង​ក្រោយពេល​មាន​ផ្ទៃពោះ ត្រូវបាន​គេ​ជឿថា មាន​ឥទ្ធិពល​វិជ្ជមាន​ចំពោះ​ឱកាស​នៃ​ការ​មានកូន​ភ្លោះ​។ សព្វថ្ងៃនេះ អ្នកស្រាវជ្រាវ​បាន​ណែនាំ​ថា ថ្នាំ​បំប៉ន​វីតាមីន​ចម្រុះ​ក៏​អាចជួយ​បែបនេះ​ដែរ​។ ការសិក្សា​មួយ​បាន​សន្និដ្ឋាន​ឃើញថា អត្រា​នៃ​ការ​មានកូន​ភ្លោះ​គឺមាន​ខ្ពស់​លើ​ស្ត្រី​ដែល​លេបថ្នាំ​បំប៉ន Folic Acid និង​វីតាមីន​ចម្រុះ​ពេល​ត្រៀម និង​ក្រោយ​មាន​ផ្ទៃពោះ ដែល​កើតឡើង​ច្រើនជាង​ស្ត្រី​ដែល​មិនបាន​ប្រើ​វា​។ ប៉ុន្តែ​ការដែល​ប្រើ​ថ្នាំ​ទាំងនេះ​ច្រើនពេក មិន​ត្រឹមតែ​បង្កើន​ឱកាស​នៃ​ការ​មានកូន​ភ្លោះ​ទេ តែ​ក៏​អាច​រលូត​កូន​បានដែរ​។ សម្រាប់​ថ្នាំ​បំប៉ន Folic Acid មិនគួរណា​ញ៉ាំ​ច្រើនជាង ៤០០mcg ក្នុង​មួយថ្ងៃ​ឡើយ​៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

អត្ថបទដោយ​៖ Chan Tha

អត្ថបទពេញនិយម

តារាប្រុសថៃល្បី ១២ រូប ដែលមានខ្សែភ្នែក និង ស្នាមញញឹមស្រទន់ទាក់ចិត្តអ្នកគាំទ្រ !
វ័យជ្រេ និង កំពុងពពោះដូចគ្នា តែកុំមើលសម្រស់តារាល្បីខ្មែរ-ថៃ ២ រូបនេះ គ្មានទាស់ឡើយ !
កក់ក្ដៅបំផុត! រដ្ឋមន្ត្រី ហង់ជួន ណារ៉ុន ចុះពិនិត្យសន្លឹកកិច្ចការ ជូនអ្នកធ្លាក់ទាំងអស់ ដោយផ្ទាល់
សើចចង់ជ្រុះធ្មេញ ! គ្រូចាញ់ភ្នាល់ រាំតាំងពីខ្លោងទ្វារដល់ទង់ជាតិ ព្រោះសិស្សបាន A ដល់ ៦ នាក់

មតិរបស់អ្នក