Connect with us

ម៉ាក់​ម៉ាក់

៦ វិធីសាស្រ្ត ដែលម្តាយគួរធ្វើក្នុងពេលមានផ្ទៃពោះ ដើម្បីឱ្យកូនកើតមកមានភាពវៃឆ្លាត !

on

Advertisement

តាម​លក្ខណៈ​ហ្សែ​ន ទារក​ដែល​កើតមក​គឺ​ទទួលបាន​កេរ្តិ៍​លក្ខណៈសម្បត្តិ​ពី​ឪពុកម្តាយ​ពួកគេ​ ប៉ុន្តែ​របៀប​រស់នៅ​រប​ស់​ម្តាយ​អាច​ជះឥទ្ធិពល​ទៅលើ​ការលូតលាស់ និង​ការ​ធំធាត់​កូន​ក្នុង​ពោះ​បាន​ ។ ភាព​ស្ត្រេ​ស ទម្លាប់​ញ៉ាំ​អាហារ របៀប​រស់នៅ និង ​អ្វីៗ​គ្រប់យ៉ាង​ដែល​កើត​ឡើងលើ​ម្តាយ​សុទ្ធតែ​អាច​បញ្ជាក់​លក្ខណៈ​របស់​កូន​ក្នុង​ពោះ​បាន​ទាំងអស់​ ។ យ៉ាងណាមិញ ការ​ដែលមាន​ទម្លាប់​ឆ្លាត​វៃ​ខាងក្រោម​នេះ ត្រូវបាន​គេ​រកឃើញថា​មាន​ឥទ្ធិពល​វិជ្ជមាន​ចំពោះ​ខួរក្បាល និង ​ការលូតលាស់​របស់​រាង​កាយ​កូន​បាន​យ៉ាង​ល្អ ​៖

១-​រស់នៅ​ឲ្យ​សកម្ម​
​ការ​មាន​ផ្ទៃពោះ​មិនមែន​មានន័យថា អ្នក​ត្រូវតែ​អង្គុយ​លើ​សា​ឡុង និង ​ញ៉ាំ​ជាប់​រហូត​ឡើយ​ ។ ស្ត្រី​មាន​ផ្ទៃពោះ​ត្រូវតែ​ហាត់ប្រាណ​ខ្លះ​ជា​រៀងរាល់ថ្ងៃ ដើម្បី​អាច​បន្ថយ​ការ​ប្រឈម​នឹង​ជំងឺ​ទឹកនោមផ្អែម​ក្នុងពេល​មាន​ផ្ទៃពោះ ការ​ទល់លាមក ការ​ធាត់​ពេក បន្ថយ​រយៈពេល​ក្នុងការ​សម្រាល ទប់ស្កាត់​ការ​ចាញ់កូន និង​ រឿង​ជាច្រើន​ទៀត​ ។ ការហាត់​ប្រាណ​នឹង​ជួយ​បញ្ចេញ​អ័រម៉ូន​សប្បាយចិត្ត ដែល​អាច​ឆ្លង​ចូលទៅក្នុង​សុក​ហើយ​ចូលទៅ​កូន​បាន ហើយ​រឿងនេះ​ក៏​ជួយ​បង្កើន​រំហូរ​ឈាម​ដើម្បី​ជួយ​ដល់​ការលូតលាស់​របស់​កូន​អ្នក​ដែរ ​។ ដូច្នេះ​ចូរ​ចាប់ផ្តើម​ទម្លាប់​នេះ​ឲ្យ​ហើយ​ទៅ​ ។

​២-ប៉ះពាល់​នឹង​ពន្លឺព្រះអាទិត្យ​
​ធម្មជាតិ​មាន​វិធី​របស់​វា​ក្នុងការ​ថែរក្សា​កូន​ក្នុង​ផ្ទៃ​អ្នក ដោយវិ​តា​មីន D ដែល​បានមកពី​ពន្លឺព្រះអាទិត្យ​អាចជួយ​ដល់​ការ​ធំធាត់​ឆ្អឹង​របស់​កូន​ ប៉ុន្តែ​មិនមែន​តម្រូវ​ឲ្យ​អ្នក​គេង​អាំង​ថ្ងៃ​ឡើយ​ ។ ចូរ​មាន​ទម្លាប់​អង្គុយ ឬ​ ដើរ​ក្រោម​ពន្លឺព្រះអាទិត្យ​រយៈពេល​តែ ២០ ​នាទី ជា​រៀងរាល់ថ្ងៃ​ទៅបាន​ហើយ​ ។

៣​-ម៉ាស្សា​ក្បាលពោះ​
​ចូរ​ប៉ះពាល់ និង ​ម៉ាស្សា​ក្បាលពោះ​អ្នក​ថ្នមៗ​ ។ វា​មាន​បន្ទាត់​ខ្លាញ់​ស្តើង​មួយ និង​ ជាលិកា​នៅ​ចន្លោះ​អ្នក និង ​កូន​ ។ ចាប់ពី​សប្តាហ៍​ទី ២០​ ទៅ កូន​អាចមាន​អារម្មណ៍​ដឹង​ការប៉ះពាល់ និង​ ការ​អង្អែល​របស់​អ្នក ដូច្នេះចូរ​ម៉ាស្សា​ពីលើ​ចុះក្រោម និង​ ក្រោម​ឡើងលើ ដោយ​ប្រើ​ប្រេង​ផ្លែ​អា​ម៉ុ​ន​ដើម្បី​ស្រ​ដុស​ថ្នមៗ​ ។

៤​-ស្តាប់​ចម្រៀង​ដែល​ពិ​រោះៗ​
​ចម្រៀង​ដែល​ជួយ​ឲ្យ​អារម្មណ៍​អ្នក​ធូរស្រាល ក៏​អាចជួយ​សម្រួល​អារម្មណ៍​កូន​ក្នុង​ផ្ទៃ​ដែរ ​។ វា​អាចជួយ​ជំរុញ​ដល់​ការបញ្ចេញ​អ័រម៉ូន​ជាច្រើន​ដូចជា Serotonin ដែល​មិន​គ្រាន់តែ​ជួយ​សម្រួល​ដល់​អារម្មណ៍ល្អ​ប៉ុណ្ណោះ​ទេ តែ​ក៏​ធ្វើ​ឲ្យ​កូន​សប្បាយចិត្ត​ដែរ​ ។ អ្នក​អាច​ប្រើ​កាស​ស្តាប់​ចម្រៀង​ធំៗ​ដាក់​លើ​ក្បាលពោះ​ដើម្បី​ឲ្យ​កូន​អាច​ស្តាប់ឮ​រយៈពេល​ខ្លី (​កន្លះ​ម៉ោង​អី​បាន​ហើយ​) ជា​រៀងរាល់ថ្ងៃ ​។

​៥-និយាយ​ជាមួយ​កូន​
​អ្នក​មិនបាច់​មាន​អារម្មណ៍​ថា​ខ្មាសអៀន​អី​ក្នុងការ​និយាយ​ជាមួយ​កូន​ដែល​កំពុងតែ​ស្ថិតក្នុង​ផ្ទៃ​នៅឡើយ​នោះ​ ។ ទារក​នឹង​លូតលាស់​អារម្មណ៍​នៃ​ការ​ស្តាប់លឺ​ចាប់ពី​អាយុ​បាន ២៣ ​សប្តាហ៍​ទៅ ​។ ចង្វាក់បេះដូង​របស់​អ្នកនឹង​ក្លាយទៅជា​ចម្រៀង​ប្រចាំថ្ងៃ​សម្រាប់​គេ ហើយ​គេ​ក៏​អាច​ស្តាប់​អ្នក​និយាយបាន​ទៀត ​។ ទារក​ដែល​ឧស្សាហ៍​ស្តាប់​ចម្រៀង និង ​តន្ត្រី​ដដែលៗ​កាលពី​នៅក្នុង​ផ្ទៃ ប្រហែលជា​ឆ្លើយតប​នឹង​ចម្រៀង ឬ ​តន្ត្រី​ទាំងនោះ​លឿន​ក្រោយពី​ពួកគេ​កើត​រួច ​។ ចូរ​ធ្វើ​ទំនាក់ទំនង​ជាមួយ​កូន​អ្នក​តាមរយៈ​ការ​ច្រៀង ជជែក និង ​អាន​សៀវភៅ ហើយ​គេ​ប្រហែលជា​ឆ្លើយតប​វិញ​តាមរយៈ​ការ​រើរ និង ​ធាក់ ​។​

៦​-បង្កើត​នូវ​ការផ្លាស់ប្តូរ​រសជាតិ​
​របប​អាហារ​អ្នក​អាចបង្កើត​បានជា​រសជាតិ និង​ ការចង់​ញ៉ាំ​អាហារ​របស់​កូន​បាន​ ។ ពន្លក​ស្រង់​រសជាតិ​ចាប់ផ្តើម​លូតលាស់​នៅពេល​កូន​អាយុ​បាន ១២​ សប្តាហ៍​ ។ ចាប់តាំងពី​កូន​អ្នក​បឺត​ស្រូប​ទឹកភ្លោះ​ដែល​នៅ​ជុំវិញ​គេ​មក អាហារ​ដែល​អ្នក​ញ៉ាំ​ ដូចជា ការ៉ុត​អាច​ផ្តល់​រសជាតិ​ដល់​ទឹកភ្លោះ​នោះដែរ​ ។ រឿងនេះ​ប្រហែលជា​ធ្វើ​ឲ្យ​កូន​អ្នក​ចូលចិត្ត​ទឹក​ការ៉ុត​ផង ​។

​បើសិនជា​អ្នកមាន​ផ្ទៃពោះ​ប្រកបដោយ​ភាព​ឆ្លាត​វៃ យក​ល្អ គួរតែមាន​របប​អាហារ​ដែលមាន​តុល្យភាព ហាត់ប្រាណ​ទៀងទាត់​តិចតួច និង ​ចៀសវាង​ទម្លាប់​អាក្រក់ (​ជក់បារី និង ​ញ៉ាំ​គ្រឿង​ស្រវឹង​) នោះ កូន​នឹង​កើតមក​ទទួលបាន​អត្ថប្រយោជន៍​ខ្លាំង​បំផុត ហើយ​មាន​សុខភាព​ល្អ​ទៀត​ ៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

ចំណេញណាស់ ! តារាស្រី ៤ ដួងនេះ សំណាងបានសង្សារស្អាតហើយ ពូកែរឿងនេះទៀត
កៀក​ដល់​ថ្ងៃ​សម្រាល​ ​ឱក​ ​សុគន្ធ​កញ្ញា​ ​នៅ​ឡើង​ឆាក​ច្រៀង​បទតឹងខ្លាំង ​ធ្វើ​ឱ្យ​អ្នកទស្សនាគាំទ្រ​ជាច្រើន​!​
ស្ងប់ស្ងែងពេញពិភពលោក! ក្បួនឡានដង្ហែព្រះចៅអធិរាជជប៉ុន ចៀសទៅម្ខាងបើកផ្លូវឱ្យរថយន្តសង្គ្រោះបន្ទាន់
ដល់ករ! ស្ត្រីម្នាក់អាយុ ៣៦ ឆ្នាំ មានកូនដល់ ៤៤ នាក់ ឥលូវពេទ្យហាមមិនឱ្យយកកូនទៀត

មតិរបស់អ្នក