Connect with us

ម៉ាក់​ម៉ាក់

ធ្លាប់ឆ្ងល់ទេថា «ភាពឆ្លាតវៃ» របស់កូន គឺទទួលឥទ្ធិពលពីអ្នកណា?

on

Advertisement

វា​គឺជា​ប្រ​ធា​ទ​ដែលមាន​ការតស៊ូ​មតិ​ដ៏​ក្តៅ​មួយ​សម្រាប់​គ្រួសារ​ជាច្រើន ដែល​និយាយថា តើន​រណា​ជា​អ្នកផ្តល់​ភាព​ឆ្លាត​វៃ​ដល់​កូន​របស់​ពួកគេ​? ម្តាយ និង​ឪពុក​ចូល​ចិត្តការ​កំប្លែង​ដែលថា លក្ខណៈ​វិជ្ជមាន​ចំពោះ​កូន​របស់​ពួក​កើតចេញពី​ពួកគេ ហើយ​លក្ខណៈ​វិជ្ជមាន​ទាំងនោះ​មានដូចជា ភាព​ឆ្លាត រូបរាង​ល្អ ជំនាញ​នៃ​ការលេង​កីឡា ឬ​សមត្ថភាព​លេង​តន្ត្រី​ជាដើម​។ ប៉ុន្តែ​មាន​ហេតុផល​បែប​វិទ្យាសាស្ត្រ​ពិតប្រាកដ​មួយ​បាន​បង្ហាញថា ក្មេង​គឺ​ទទួលបាន​ភាព​ឆ្លាត​វៃ​ចេញពី​ម្តាយ​របស់​ពួកគេ​ទេ ហើយក៏​មិនមែន​ឪពុក​គេ​ដែរ​។

​ការសិក្សា​ជាច្រើន​បាន​បង្ហាញថា ក្រូម៉ូសូម X មានការ​ទទួលខុសត្រូវ​លើ​ការដឹកនាំ​ភាព​ឆ្លាត​វៃ​។ ស្ត្រី​គឺមាន​ក្រូម៉ូសូម XX ចំនួន​ពីរ ហើយ​បុរស​មានតែ​មួយ​ទេ គឺ XY ដូច្នេះ ស្ត្រី​ទំនងជា​អាច​ផ្តល់​ភាព​ឆ្លាត​វៃ​ដល់​កូន​របស់ខ្លួន​រហូត​ពីរដង​ឯណោះ​បើ​ប្រៀបធៀប​ជាមួយ​ឪពុក​គេ​។ ដូច្នេះ បើសិនជា​អ្នក​កំពុងតែ​រកមើល​មធ្យោបាយ​ដើម្បី​ដោះស្រាយ​ការឈ្លោះគ្នា​ថា កូន​ឆ្លាត​ដោយសារ​នរណា​នោះ ចម្លើយ​គឺ​ម្តាយ​របស់​គេឯង​។

​មានការ​សិក្សា​ជាច្រើន​បាន​អះអាង​ទៅលើ​ទ្រឹស្តី​នេះ​រយៈពេល​ច្រើន​ឆ្នាំ​ហើយ​។ ការសិក្សា​មួយ​នៅឯ Medical Research Council Social and Publich Health Science Unit ក្នុង​តំបន់ Glasgow បាន​រកឃើញថា IQ របស់​ក្មេង​មាន​និន្នាការ​ស្រដៀង​គ្នឹ​ង​នឹង​ម្តាយ​របស់គេ​។ អ្នកស្រាវជ្រាវ​បានធ្វើការ​សម្ភាសន៍​ទៅលើ​ក្មេងៗ​ជា​រៀងរាល់ឆ្នាំ​ចាប់ពី អាយុ ១៤ ទៅ ២២​ឆ្នាំ ដើម្បី​បញ្ចូល​កត្តា​ជាច្រើន​ប​ន្ថែមទៀត​ដូចជា ការអប់រំ និង ​ស្ថានភាព​សង្គម​សេដ្ឋកិច្ច​ដែរ​។ ពួកគេ​បាន​រកឃើញថា ការ​ទាយ​ទុក​មុន​ដ៏​ល្អ​បំផុត​នៃ​ភាព​ឆ្លាត​វៃ​គឺជា​ម្តាយ​របស់​ពួកគេ ហើយ IQ របស់​មនុស្ស​វ័យក្មេង​គឺមាន​ភាពខុសគ្នា​តែ ១៥ ​ពិន្ទុ​អី​ប៉ុណ្ណោះ​ទេ​។

​ប៉ុន្តែ​មិនមែន​អ្នកវិទ្យាសាស្ត្រ​ទាំងអស់​សុទ្ធតែ​យល់ស្រប​ទៅលើ​គោលការណ៍​នៃលក្ខណៈ​មូលដ្ឋាន ក្រូម៉ូសូម X នេះឡើយ​។

​អ្នកស្រាវជ្រាវ​ផ្សេងៗ​ទៀត​បាន​សង្ខេប​ថា ហ្សែ​ន​មិនមែន​គ្រាន់តែ​ជា​កត្តា​តែមួយគត់​ក្នុងការ​កំណត់​ភាព​ឆ្លាត​វៃ​របស់​កុមារ​នោះទេ​។ យោងទៅតាម Psychology Spot បាន​ឲ្យ​ដឹងថា ៣០ ទៅ​៤០​ភាគរយ​នៃ​ភាព​ឆ្លាត​វៃ​គឺ​បានមកពី​ដំណរ​ពូជ ហើយ​អ្វីដែល​នៅសល់​គឺ​បានមកពី​ម​ជ្ឍ​ដ្ឋា​ន​ជុំវិញខ្លួន​យើង​ទេ​។

​ដូច្នេះ​ម្តាយ និង​ឪពុក​អាច​ដើរតួនាទី​ដ៏​សំខាន់​មួយ​ក្នុងការ​អភិវឌ្ឍន៍ភាព​ឆ្លាត​វៃ និង ​អារម្មណ៍រ​របស់​កូន​បាន​តាមរយៈ​ការ​សាង​នូវ​ទំនុកចិត្ត លេង​ជាមួយ​គេ និង​បង្រៀន​គេ​អំពី​ជំនាញ​ថ្មីៗ​៕

​ប្រែ​សម្រួល​៖ វេជ្ជ​. ម៉េង សុខ​សៀន​
( ប្រភព ៖ mirror )

អត្ថបទដោយ​៖ Chan Tha

អត្ថបទពេញនិយម

គាំទ្រ ១០០%! សេចក្ដីព្រាងច្បាប់ថ្មី ពលរដ្ឋត្រូវបញ្ឈប់សំឡេងរំខានអ្នកជិតខាង នៅចន្លោះម៉ោងទាំងនេះ
ផ្ទុះការសរសើរទឹកចិត្ត ឱក សុគន្ធកញ្ញា នាំស្វាមី និងកូនប្រុស ទៅជួយទារិកាកម្សត់ត្រូវម្ដាយបោះបង់ចោលនៅគំនរសំរាម
ស្ញប់ស្ញែង! ភរិយាឧកញ៉ា ម៉ុង ឫទ្ធី មិនចេះសម្ញែងទ្រព្យ មិនហាយសូ រស់នៅសមញ្ញៗយ៉ាងមានក្ដីសុខ
Selena បរិច្ចាគថវិកា ១០ លានដុល្លារ ជួយដល់ជនរងគ្រោះទាំងអស់ក្នុងហេតុការណ៍ផ្ទុះឃ្លាំងស្តុកគីមីនៅលីបង់

មតិរបស់អ្នក