Connect with us

ម៉ាក់​ម៉ាក់

ចង់ឃើញស្នាមញញឹមដ៏គួរឱ្យក្នាញ់របស់កូន តើអ្នកគួរធ្វើអ្វីខ្លះ ?

on

Advertisement

ការ​ញញឹម​របស់​ទារ​ក ជាពិសេស​ការ​ញញឹម​ជា​លើកដំបូង គឺជា​អំណោយ​ដ៏​ល្អ​បំផុត​មួយ​សម្រាប់​ឪពុកម្តាយ​ថ្មីថ្មោង​។ ដូច្នេះ​តើ​ពេលណា​ទើប​ទារក​ចេះ​ញញឹម​ទៅ​? ជឿ​ឬ​អត់ថា កូន​អ្នក​ប្រហែលជា​កំពុងតែ​ញញឹម​យូរហើយ​តាំងពី​គេ​នៅក្នុង​ពោះ​អ្នក​ម្លេះ​។ ការ​ញញឹម​ដំបូង​ទាំងនេះ​មិនមែន​កើតឡើង​ដោយ​អារម្មណ៍ ឬ​ឆ្លើយតប​នឹង​អ្វីមួយ​ឡើយ តែ​វា​គ្រាន់តែ​ជាការ​ញាក់ ឬ​រ៉េ​ផ្លិ​ច​ដូចគ្នា​នឹង​ការ​កន្ត្រាក់ដៃ និង​ជើង​ប៉ុណ្ណោះ​។ ប៉ុន្តែ​មិនយូរ​ទេ កូន​អ្នកនឹង​ចេះ​ញញឹម​ពិតប្រាកដ ហើយ​ជាការ​ញញឹម​ដោយសារ​អារម្មណ៍​ចង់​ដែរ​។

​ប្រភេទ​នៃ​ការលូតលាស់​៖ សង្គម ការមើលឃើញ និង​អារម្មណ៍​
​ការ​ញញឹម​ពិតប្រាកដ និង​ដំបូង​របស់​កូនអ្នកមាន​ន័យ​ច្រើនណាស់​ចំពោះ​ការលូតលាស់​របស់គេ​។ វា​ជាស​ញ្ញា​មួយ​បញ្ជាក់ថា ការមើលឃើញ​របស់គេ​កាន់តែច្បាស់ ហើយក៏​អាច​សម្គាល់​ទឹកមុខ​អ្នក​ដែរ​។ ខួរក្បាល និង​ប្រព័ន្ធ​ស​សៃ​ប្រសាទ​គេ​បាន​លូតលាស់​គ្រប់គ្រាន់​ក្នុងការ​បញ្ចេញ​ទឹកមុខ​ញញឹម ហើយ​គេ​ក៏​អាច​ប្រើ​វិធី​នេះ​ដើម្បី​ទំនាក់ទំនង​ជាមួយ​អ្នកដទៃ​ដែរ​។ គេ​ក៏​ចាប់ផ្តើម​យល់ថា អារម្មណ៍​នេះ​ជាការ​ទំនាក់ទំនង​ដែរ​។ ដូច្នេះ​គេ​នឹង​ញញឹម​ដើម្បី​បង្ហាញ​អំពី​អារម្មណ៍​សប្បាយចិត្ត ភ្ញាក់ផ្អើល និង​រីករាយ​។

​ពេលដែល​រំពឹងថា​មានការ​ញញឹម​កើតឡើង​
​ការ​រ៉េ​ផ្លិ​ច​ញញឹម​របស់​កូន​អ្នកនឹង​បាត់ទៅ​វិញ​នៅពេល​គេ​អាយុ​បាន ២​ខែ ហើយ​ការ​ញញឹម​ពិតប្រាកដ​ដំបូង​គេ នឹង​កើតឡើង​នៅពេលដែល​គេ​អាយុ​បាន ៦ ទៅ ១២​សប្តាហ៍​។ ពេលនោះ ការ​ញញឹម​របស់គេ​អាចមាន​ទៅតាម​ពេលវេលា​។ ម្យ៉ាងវិញទៀត ការ​ញញឹម​ពិតប្រាកដ​របស់គេ​កើតឡើង​ដើម្បី​ឆ្លើយតប​នឹង​អ្វីមួយ​ដូចជា មើលឃើញ​មុខ​ម្តាយ​គេ ឬលឺ​សម្លេង​បងប្អូន​គេ ហើយក៏​អាច​ញញឹម​ជាប់​ដែរ​។

​បើសិនជា​អ្នក​នៅតែ​ចង់ឃើញ​ស្នាមញញឹម​របស់​កូន​អ្នក​ទៀត អ្នក​អាច​ឧស្សាហ៍​ប្រើ​ខ្សែ​ភ្នែក សម្លេង និង​ញញឹម​ដាក់​គេ​ច្រើន នោះ គេ​នឹង​ញញឹម​រក​អ្នក​កាន់តែច្រើន​ដែរ​ហើយ​។ ការដែល​ធ្វើ​មុខ ឬ​សម្លេង​គួរ​ឲ្យ​ចង់​សោច ក៏​ជា​វិធី​ជំរុញ​ដល់​ស្នាមញញឹម​របស់គេ​ដែរ​។ ប៉ុន្តែ​ត្រូវ​ចាំ​ថា កុំ​ធ្វើ​ច្រើន​ជ្រុល​ពេក ព្រោះ​អាចធ្វើ​ឲ្យ​គេ​លែង​ចាប់អារម្មណ៍​ដែរ​។

​ការ​ញញឹម​សំខាន់ៗ​ដែល​ឪពុកម្តាយ​គួរតែ​រំពឹងថា​នឹង​កើត​ឡើយ​
​នៅពេលដែល​កូន​អ្នក​ពិតជា​ចេះ​ញញឹម​មែន គេ​នឹងធ្វើ​ម្តង​ហើយ​ម្តងទៀត​។ ដំបូង​ឡើយ មុខ​ពោរពេញ​ដោយ​ការសប្បាយ​ចិត្ត​របស់​កូនតូច​អ្នកនឹង​ឆ្លើយតប​នឹង​សម្លេង​លាយ​នឹង​ទឹកមុខ​របស់​អ្នក​។ ដូច្នេះហើយ គេ​ប្រហែលជា​ចង់​ជួប​វា​បន្ថែមទៀត ដូចជា ការ​ស្តាប់​សម្លេង​បំពេរ​របស់​អ្នក ឬ​និយាយ​ចេក​ចាច​ជាមួយ​គេ​ដើម្បី​ដូរ​ខោ​ទឹកនោម​ជាដើម​។ ក្រោយមកទៀត នៅពេល ភ្នែក​គេ​មើលឃើញ​កាន់តែច្បាស់​ហើយ ការដែល​មើលឃើញ​មុខ​មនុស្ស​ពីរ​នាក់​ដែល​គេ​ចូលចិត្ត គឺ​គ្រប់គ្រាន់​នឹងធ្វើ​ឲ្យ​គេ​ញញឹម​ណាស់​។ អ្នក​ក៏​នឹង​ក្លាយទៅជា​មនុស្ស​ម្នាក់​ដែល​ធ្វើ​ឲ្យ​កូន​ញញឹម​ច្រើន​បំផុត​ដែរ​។ ចំពោះ​អ្នកដទៃ​វិញ អាច​ប្រើពេល​ច្រើនជាង​នេះ អាច​រហូតដល់ ៦​ខែ​អី​ទើបបាន ដោយសារតែ​មិន​ស្គាល់​។ ដល់​ពេលដែល​ក្មេង​អនុវត្ត​ញញឹម​កាន់តែច្រើន និង​រីករាយ​ពេល​ឃើញ​ប្រតិកម្ម​របស់​មនុស្ស​ជុំវិញខ្លួន ពេល​នោះគេ​នឹង​ចាប់ផ្តើម​បញ្ចេញ​សម្លេង​បន្ថែមទៀត​ជាមួយនឹង​ស្នាមញញឹម​របស់គេ​ដែរ ឬ​សើច​លឺៗ​ទៀង​ផង​។

​ការដែល​មិនទាន់​ឃើញ​កូន​ចេះ​ញញឹម មិនមែន​មានន័យថា គេ​មិន​សប្បាយចិត្ត ឬ​មាន​អ្វីមួយ​ខុស​ប្រក្រតី​ចំពោះ​គេ​ឡើយ​។ ទារក​នឹងត្រូវ​ឆ្លងកាត់​ការលូតលាស់​ក្នុងពេល​វេលា​ខុសៗ​គ្នា ហើយ​ខ្លះ​ក៏​ប្រហែលជា​ត្រូវការ​ពេល​យូរ​ជាងគេ​ពីរ​បី​សប្តាហ៍​ថែមទៀត​ដែរ​។ ប៉ុន្តែ​បើសិនជា​កូន​អ្នក​មិន​ញញឹម​នៅ​អាយុ ៣​ខែ​ទេ ចូរ​នាំ​គេ​ទៅ​ជួប​គ្រូពេទ្យ​ដើម្បី​ពិនិត្យ និង​វាយតម្លៃ​ផង​ទៅ​៕

​ប្រែ​សម្រួល​៖ វេជ្ជ​. ម៉េង សុខ​សៀន​
( ប្រភព ៖ parents )

អត្ថបទដោយ​៖ Chan Tha

អត្ថបទពេញនិយម

កែវ នីសា អាយុក្បែរ ៤០ ឆ្នាំហើយ តែសម្រស់នៅខ្ញង់គ្មានទាស់
តែមួយប៉ព្រិចភ្នែក តារាចម្រៀងវ័យក្មេងទាំងនេះ ធំពេញរូបពេញរាង ម្នាក់ៗស្អាតឡើងខ្ញង់
វត្តឈើខ្មៅ នៅបាត់ដំបងមានអាយុកាល ១៣៣ ឆ្នាំ ផុសឡើងកណ្ដាលបឹងទន្លេសាប ស្អាតក្រៃលែង
ចង់ដើរលេងគួរពន្យាសិនទៅ! ចាប់ពីស្អែកនេះកម្ពុជានឹងមានភ្លៀង ផ្គរ រន្ទះ ទូទាំងប្រទេស

មតិរបស់អ្នក