តោះទៅដាក់ពាក្យធ្វើការ ! ឱកាសការងារជិត ១ ពាន់កន្លែងបានមកដល់ហើយ !
ជារៀងរាល់ខែទីភ្នាក់ងារជាតិ មុខរបរ និង ការងារ នៃក្រសួងការងារ និង បណ្តុះបណ្តាលវិជ្ជាជីវៈបានសហការជាមួយអង្គការ និង ក្រុមហ៊ុនឯកជនបានរៀបចំនូវព្រឹត្តិការណ៍ការងារ ដើម្បីផ្តល់ឱកាសការងារដល់ប្រជាពលរដ្ឋ ក៏ដូចជាសិស្សនិស្សិត ដែលកំពុងស្វែងរកការងារធ្វើ ។ នៅក្នុងខែនេះ ក៏មិនខុសពីខែមុនៗដែរ ទីភ្នាក់ងារជាតិ មុខរបរ និង ការងារ បានសហការជាមួយក្រុមហ៊ុនធំៗចំនួន ១១ នឹងរៀបចំនូវព្រឹត្តិការណ៍ការងារចំនួន ៨៨២ កន្លែង ដើម្បីផ្តល់ឱកាសការងារដល់បងប្អូនប្រជាពលរដ្ឋ និង សិស្សនិស្សិត ដែលកំពុងរកការងារធ្វើ ។
ព្រឹត្តិការណ៍ការងារដ៏ធំនេះនឹងរៀបចំធ្វើ ចាប់ផ្តើមពីម៉ោង ៨: ០០ ដល់ ម៉ោង៥ :០០ល្ងាចថ្ងៃទី ១៤ ខែមីនា ឆ្នាំ ២០១៩ ទីតាំងនៅក្នុងក្រសួងការងារ និង បណ្តុះបណ្តាលវិជ្ជាជីវៈ នៅតាមបណ្តោយមហាវិថីសហព័ន្ធរុស្សីក្បែរសាកលវិទ្យាល័យភូមិន្ទភ្នំពេញ ។ បើបងប្អូនមានការចាប់អារម្មណ៍ និង កំពុងស្វែងរកការងារធ្វើ សូមកាន់ CV ចូលទៅសម្ភាសនៅទីនោះផ្ទាល់តែម្តង ។ ចង់ដឹងព័ត៌មានបន្ថែម សូមទាក់ទងតាមរយៈលេខទូរស័ព្ទនេះ ៖ ០៧៧ ២៣២ ៣៧៨ ,០១៦ ៧៨៦៦៥៥ ៕
ដោយ ៖ ឧត្តម
