ចម្លែក! ពេទ្យស្រី ១០ នាក់ ធ្វើការផ្នែកសម្ភពក្នុងមន្ទីរពេទ្យមួយនៅអាមេរិក កើតជំងឺដុះសាច់ក្នុងខួរក្បាលដូចគ្នា តែរកមូលហេតុមិនឃើញ

ថ្មីៗនេះសារព័ត៌មាន Republic World បានរាយការណ៍ពីករណីដ៏ប្លែកចិត្តមួយនៅក្នុងមន្ទីរពេទ្យ Newton-Valley នាសហរដ្ឋអាមេរិក ដែលមានគិលានុបដ្ឋាកយិការហូត ១០ នាក់ធ្វើការក្នុងផ្នែកសម្ភព បានកើតដុំសាច់ក្នុងខួរក្បាល​ ដោយរកមូលហេតុមិនឃើញ។

មានគិលានុបដ្ឋាកយិកាមួយរូប បានរៀបរាប់ឱ្យដឹងថា​ នាងពិបាកចិត្តដែលត្រូវមកកើតជំងឺនេះ តែនាងក៏ចាប់អារម្មណ៍ថាមានបុគ្គលិកផ្សេងៗបានកើតជំងឺនេះដូចគ្នា នាងមិនដឹងថាវាជាការចៃដន្យ ឬយ៉ាងណានោះទេ។ រយៈពេលប៉ុន្មានឆ្នាំចុងក្រោយនេះ គិលានុបដ្ឋាយិកាចំនួន ១០ នាក់នៅក្នុងផ្នែកថែទាំសម្ភពជាន់ទី ៥ បានធ្វើរោគវិនិច្ឆ័យថាមានដុំសាច់ក្នុងខួរក្បាល ហើយ ៣ នាក់បានទទួលការវះកាត់រួចរាល់ ប៉ុន្តែចំនួនអ្នកកើតក៏នៅតែកើនឡើងជានិច្ច ដែលធ្វើឱ្យក្រុមបុគ្គលិកទាមទារការបញ្ជាក់ពីមន្ទីរពេទ្យ។

យ៉ាងណាមិញ ខាងមន្ទីរពេទ្យបានបើកការត្រួតពិនិត្យទៅលើរឿងនេះយ៉ាងល្អិតល្អន់ ប៉ុន្តែពួកគេមិនបានរកឃើញថា មិនមានកត្តាបរិស្ថានខាងក្រៅណាមួយដែលធ្វើឱ្យប៉ះពាល់ និង បង្កការកើតជំងឺដុំសាច់ខួរក្បាលដល់បុគ្គលិកឡើយ៕

ប្រភព៖ Sanook