ថ្មីៗនេះ ប្រទេសចិនកំពុងតែពេញនិយមមីនុយអាហារថ្មីមួយមុខទៀតហើយ ដែលជាចង្កាក់ទទេអាំងប្រឡាក់អំបិលម្ទេស គ្រាន់តែលិទ្ធយករសជាតិ មិនចាំបាច់ភ័យរឿងខ្លាចធាត់ ឬ ឡើងកាល់ឡូរីទៀតឡើយ។
មីនុយថ្មីៗនេះ បានលក់នៅក្នុងហាងសាច់អាំងមួយកន្លែងក្នុងប្រទេសចិន ដោយម្ចាស់ហាងបានឱ្យដឹងថា វាត្រូវបានប្រឡាក់ទៅដោយអំបិល និង ខ្ទឹម ហើយយកទៅអាំង ព្រមទាំងលក់ជាឈុត ក្នុងមួយឈុតមានចំនួន ៥០ ដើម តម្លៃប្រមាណ ១០ យ័ន ឬ ប្រមាណ ១.៤០ ដុល្លារប៉ុណ្ណោះ។
ម្ចាស់ហាងបានឱ្យដឹងទៀតថា ខ្លួននឹកឃើញបង្កើតមីនុយថ្មីនេះឡើង ព្រោះតែអាណិតដល់ស្រីៗដែលខ្លាចឡើងគីឡូ ដែលពួកនាងចូលចិត្តមកហាងនៅពេលយប់ ហើយមិនព្រមកុម្ម៉ង់អាហារ ព្រោះតែខ្លាចរឿងឡើងគីឡូ។ ដំបូងឡើយថាគ្រាន់តែលក់លេងៗ តែយូរៗទៅក៏មានអ្នកចូលចិត្តច្រើន ទើបមានការកុម្ម៉ង់ជាហូរហែរមិនដាច់៕
ប្រភព៖ Khaosod
