និយាយពីជីវិតឯកជនពិធីការិនីល្បីឈ្មោះអ្នកនាង យុគ ចិន្តា មហាជនអ្នកគាំទ្រសុទ្ធសឹងតែបានជ្រាបហើយ បច្ចុប្បន្នមិនត្រឹមតែជោគជ័យលើវិស័យសិល្បៈនោះទេ តែពិធីការិនីរូបនេះ កំពុងកាន់កាប់មុខជំនួញផ្ទាល់ខ្លួនជាច្រើនជាមួយកូនស្រីបណ្ដូលចិត្តវ័យ ២០ ឆ្នាំ យ៉ាងជោគជ័យកាក់កបរស់នៅក្នុងជីវិតធូរធារពេញដោយក្ដីសុខ។
បើចាប់អារម្មណ៍ពីរូបសម្រស់របស់ពិធីការិនីរូបនេះវិញ ដ្បិតតែមកដល់ពេលនេះចូលវ័យជ្រេបន្តិចមែន រីឯកូនស្រីក៏ធំពេញក្រមុំទន្ទឹមខ្លួន តែអ្នកនាងនៅតែមានសាច់ឈាមក្មេងស្រស់ស្អាតដដែល ទាំងមុខមាត់ រូបរាងខ្ញង់ស្អាតមិនចាញ់វ័យក្រមុំ។
ជាក់ស្ដែង មួយរយៈក្រោយនេះ អ្នកនាង យុគ ចិន្តា កាន់តែធ្វើឱ្យមហាជនអ្នកគាំទ្រលើបណ្ដាញសង្គមលាន់មាត់សរសើរពីរូបសម្រស់របស់អ្នកនាង ខណៈឃើញបង្ហាញវត្តមានក្នុងកម្មវិធីបែបយុវវ័យម្ដងៗ តុបតែងខ្លួនលេងស្ទីលកាន់តែក្មេងខ្ញង់ មើលទៅដូចជាតុក្កតា Barbie ស្អាតប្លែកទាក់ភ្នែកខ្លាំង៕
