ថ្មីៗនេះ មានរឿងរ៉ាវរបស់សេដ្ឋិនីមួយរូប បាន និង កំពុងតែធ្វើឱ្យមហាជនផ្ទុះការចាប់អារម្មណ៍ ដោយសេដ្ឋីរូបនេះលង់ស្រឡាញ់បុរសសន្តិសុខ សុខចិត្តរៀបការជាមួយ ថែមទាំងឱ្យផ្ទះឱ្យលុយយ៉ាងហូរហៀរ។
តាមព័ត៌មានបានឱ្យដឹងថា សេដ្ឋិនីរូបនេះមានវ័យ ៥២ ឆ្នាំ ជាអ្នកជំនួញដ៏ល្បីមួយរូប រីឯបុរសជាសន្តិសុខមានវ័យ ៤៣ ឆ្នាំ។ ដើមឡើយបុរសនេះធ្វើការនៅក្រុមហ៊ុនរបស់ស្វាមីសេដ្ឋិនីខាងលើ អ្នកទាំងពីរស្និទ្ធស្នាលគ្នាដោយសារតែបុរសនេះជាមនុស្សស្មោះត្រង់ និង ឧស្សាហ៍ព្យាយាម តែងតែជួយយកអាសារនាងរហូតនៅពេលដែលនាងមានបញ្ហា។
លុះក្រោយមក ស្វាមីរបស់នាងក៏បានស្លាប់ទៅ នាង និង បុរសជាសន្តិសុខក៏កាន់តែស្និទ្ធស្នាលគ្នាជាងមុន ធ្វើឱ្យមានអារម្មណ៍ថាកក់ក្តៅ ទើបសម្រេចចិត្តរៀបការជាមួយ ដោយមិនគិតពីឋានៈមុខមាត់អ្វីឡើយ ហើយថែមទាំងប្រគល់ផ្ទះវីឡាមួយខ្នង រួមទាំងរថយន្ត BMW 5 Series ទុកជាកាដូទៀតផង៕
ប្រភព៖ Khaosod
