Dumex Dugro គឺជាផលិតផលរបស់ក្រុមហ៊ុន Danone ដែលជាក្រុមហ៊ុនអាហារូបត្ថម្ភឈានមុខគេពីប្រទេសបារាំង។ ថ្ងៃនេះជាថ្ងៃដ៏ពិសេសដែលយើងបានរួមបញ្ចូលនូវព្រឹត្តិការណ៍ ២ សំខាន់ៗ គឺការប្រារព្ធទិវាជាតិដែកពិភពលោក ក៏ដូចជា ខួបគម្រប់ ៣០ ឆ្នាំ នៃវត្តមានរបស់ផលិតផល Dumex Dugro នៅប្រទេសកម្ពុជា តាំងពីឆ្នាំ ១៩៩៥។
ក្នុងនោះផងដែរ យើងមានអ្នករួមដំណើររាប់រយនាក់ រួមមានគណៈប្រតិភូ តំណាងក្រសួងអប់រំ យុវជន និង កីឡា តំណាងដៃគូចែកចាយប្រចាំប្រទេស ដៃគូរអាជីវកម្ម និង ថ្នាក់ដឹកនាំ ព្រមទាំងបុគ្គលិកក្រុមហ៊ុន Danone គ្រប់ជាន់ថ្នាក់ បានដង្ហែជាក្បួន ដើម្បីថ្លែងអំណរគុណយ៉ាងជ្រាលជ្រៅដល់អ្នកម្តាយកម្ពុជាគ្រប់រូប ដែលបានគាំទ្រ និង ជឿទុកចិត្តលើ Dumex Dugro ក្នុងរយៈពេល ៣០ ឆ្នាំកន្លងមក។ នេះបង្ហាញយ៉ាងច្បាស់ថា Dumex Dugro បានដើរតួនាទីយ៉ាងសំខាន់ ក្នុងការជួយគាំទ្រដល់កុមារកម្ពុជាជាច្រើនជំនាន់។
ស្របតាមការបេ្តជ្ញាក្នុងការធ្វើឲ្យប្រសើរឡើងនូវសុខភាពរបស់កុមារ ក្រុមហ៊ុន Danone កម្ពុជា មានសេចក្ដីសោមន្សរីករាយ ក្នុងពិធីចុះហត្ថលេខាលើអនុស្សរណៈយោគយល់ ជាមួយក្រសួងអប់រំ យុវជន និង កីឡា ក្រោមអធិបតីភាព លោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការនៃក្រសួងអប់រំ យុវជន និង កីឡា តំណាងដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និង កីឡា និង លោក Maarten VAN LEEUWEN នាយកគ្រប់គ្រងប្រចាំប្រទេសកម្ពុជា និង មីយ៉ាន់ម៉ា ដែលនេះជាឆ្នាំទី ២ នៃកិច្ចសហប្រតិបត្តិការ ក្នុងយុទ្ធនាការរួមគ្នាកាត់បន្ថយអត្រាភាពស្លេកស្លាំងដោយសារកង្វះជាតិដែកលើកុមារ ដោយហេតុថា ភាពស្លេកស្លាំងដោយសារកង្វះជាតិដែកលើកុមារ នៅតែជាកង្វល់សុខភាពដ៏ធំមួយ ដែលអាចមានផលប៉ះពាល់មួយចំនួនដូចជា ឧស្សាហ៍ឈឺ ខ្សោយបញ្ញា ការអភិវឌ្ឍខួរក្បាលយឺតយ៉ាវ ។ល។
នាឱកាសនេះ លោកជំទាវបណ្ឌិត គឹម សេដ្ឋានី បានមានប្រសាសន៍ថា ៖ “ខ្ញុំសូមវាយតម្លៃខ្ពស់ចំពោះកិច្ចសហប្រតិបត្តិការជាមួយ Danone កាលពីឆ្នាំកន្លងទៅ ដែលបានជះឥទ្ធិពលវិជ្ជមាន តាមរយៈការអប់រំផ្នែកអាហារូបត្ថម្ភដ៏ត្រឹមត្រូវដល់កុមារ និង សិស្សនុសិស្សរាប់ពាន់នាក់។ អនុស្សរណៈយោគយល់ឆ្នាំថ្មីនេះ នឹងបន្តផ្តោតលើកិច្ចខិតខំប្រឹងប្រែង ក្នុងការចូលរួមកាត់បន្ថយអត្រាភាពស្លេកស្លាំងដោយសារកង្វះជាតិដែកលើកុមារ ដើម្បីធានាបាននូវសុខភាពល្អប្រសើរ ដើម្បីមានលទ្ធផលសិក្សាល្អ។ ក្រសួងសូមថ្លែងអំណរគុណដល់ Danone ដែលតែងតែជាដៃគូមួយប្រកបដោយទំនុកចិត្ត និង មានឆន្ទៈច្បាស់លាស់ក្នុងការបន្តគាំទ្រ នូវយុទ្ធនាការអប់រំ ព្រមទាំងផ្តល់ជូននូវផលិតផលអាហារូបត្ថម្ភដ៏ល្អ សម្រាប់សិស្សនុសិស្ស”។
តាងនាមក្រសួងអប់រំ យុវជន និងកីឡា លោកជំទាវបណ្ឌិត សូមធ្វើការអបអរសាទរ ខួប ៣០ ឆ្នាំ ក្នុងការគាំទ្រចិញ្ចឹមបីបាច់កុមារកម្ពុជា និង ដើរតួនាទីយ៉ាងសំខាន់ក្នុងការកសាងអនាគតរបស់កុមារកម្ពុជា ប្រកបដោយសុខភាពល្អ។
លោក Maarten VAN LEEUWEN បានលើកឡើងថា ៖ “អស់រយៈពេល ៣០ ឆ្នាំមកហើយ ដែល Dumex Dugro បានក្លាយជាផ្នែកមួយក្នុងការជួយគាំទ្រដល់កុមារកម្ពុជា តាមរយៈការនាំមកនូអាហារូបត្ថម្ភដែលមានគុណភាពខ្ពស់ ដើម្បីចិញ្ចឹមបីបាច់កុមារកម្ពុជា ឱ្យលូតលាស់រឹងមាំ មានសុខភាពល្អជាច្រើនជំនាន់។ ឆ្លៀតក្នុងឱកាសនេះ ក្រុមហ៊ុនពិតជាមានមោទនភាពចំពោះកិច្ចបន្តសហប្រត្តិបត្តិការជាមួយក្រសួងអប់រំយុវជន និង កីឡា ដើម្បរួមគ្នា បន្តកាត់បន្ថយអត្រាភាពស្លេកស្លាំងដោយសារកង្វះជាតិដែកលើកុមារនៅកម្ពុជា។ នេះគឺជាការបោះជំហានបន្តដ៏សំខាន់មួយ ក្នុងការកសាងធនធានមនុស្សជំនាន់ក្រោយឲ្យមានសុខភាពល្អ និង អាចសម្រចបាននូវក្តីស្រមៃនាពេលអនាគតរបស់ពួកគេ”។
ក្រុមហ៊ុន Danone កម្ពុជា និង Dumex Dugro ជាទឹកដោះគោម្សៅលេខ ១ ដែលអ្នកម្តាយរាប់លាននាក់ជឿទុកចិត្ត នឹងបន្តដំណើរជោគជ័យរបស់ខ្លួន ក្នុងការជួយចិញ្ចឹមបីបាច់កូនៗឲ្យមានសុខភាពល្អ និង អាចសម្រចបាននូវក្តីស្រមៃនាពេលអនាគត។
ជូនចំពោះអ្នកម្តាយគ្រប់រូប យើងសូមអរគុណយ៉ាងជ្រាលជ្រៅរាប់លានដង។
ទឹកដោះគោម្សៅ Dumex Dugro ៣០ឆ្នាំនៃទំនុកចិត្ត
ទឹកដោះគោម្សៅ លេខ ១ ដែលអ្នកម្តាយរាប់លាននាក់ជឿទុកចិត្ត!
