ស្រីស្រស់ លីនណា បេក្ខជន MasterChef3 កំពុងកាក់កប់ជាមួយរបរលក់ម្ហូបតាមអនឡាញ
បើប្រិយមិត្តជាអ្នកតាមដានកម្មវិធីប្រកួតធ្វើម្ហូប MasterChef Cambodia រដូវកាលទី ៣ ប្រាកដជាស្គាល់ កញ្ញា ប៊ុន លីនណា មិនខាន ដោយនាងគឺបេក្ខជនជើងខ្លាំងមួយរូប ដែលអាចបោះជំហានចូល Top10 មុនគេ ដោយស្នាដៃធ្វើម្ហូបរបស់ លីនណា មានភាពលេចធ្លោ និង គំនិតច្នៃប្រតិដ្ឋសឹងគ្រប់វគ្គ។
ដោយទឹកដៃធ្វើម្ហូបកាន់តែល្អពីមួយវគ្គទៅមួយវគ្គ លីនណា ក៏ចាប់ផ្ដើមមានគំនិតធ្វើម្ហូបលក់តាមអនឡាញ ដូចជាជ្រក់ក្ដាម និង ប្រហុកជាដើម ដែលបច្ចុប្បន្នកំពុងទទួលបានការគាំទ្រពីអតិថិជន ហើយក្នុងនោះគេក៏ឃើញមានមិត្តភក្ដិនៅក្នុងការប្រកួតដូចជា សំ សុធារិទ្ធ, កញ្ញា ម៉ាលីន និង លោក ដាឡែត ជួយគ្នាប្រម៉ូដស្នាដៃធ្វើម្ហូបរបស់នាងផងដែរ។
ដ្បិតថា កញ្ញា ប៊ុន លីនដា ស្រឡាញ់ខាងធ្វើម្ហូបរហូតចូលប្រកួតដណ្ដើមយកពានរង្វាន់ក្នុងកម្មវិធី MasterChef Cambodia រដូវកាលទី ៣ តែដូចប្រិយមិត្តធ្លាប់បានជ្រាបហើយថា មុនចូលប្រកួតធ្វើម្ហូបក្នុងផ្ទះបាយមួយនេះ កញ្ញា លីនណា ក៏ធ្លាប់ចូលរួមប្រកួត Freshie Girl ជំនាន់ទី ២០ ផងដែរ ដែលអាចនិយាយបានថា នាងគឺជាសិល្បការិនីមួយរូបដែលត្រូវបានមហាជនទទួលស្គាល់ទាំងរូបសម្រស់ និង ទឹកដៃចម្អិនម្ហូប៕
