(វីដេអូ) ផ្អើលអ្នកគាំទ្រ! ឧកញ៉ា ខេមរៈ សិរីមន្ត តែងតួជាព្រះបាទជ័យវរ្ម័នទី ៧ ដើរយ៉ាងអង់អាចក្នុងព្រឹត្តិការណ៍ Gumball 3000 មុខប្រាសាទអង្គរ
នៅថ្ងៃទី ១៦ និង ទី ១៧ ខែកញ្ញា ឆ្នាំ ២០២៤ នេះ ព្រឹត្តិការណ៍ GUMBALL 3000 កំពុងរៀបចំនៅលើទឹកដីខេត្តសៀមរាប ដែលមានការចូលរួមដោយបងប្អូនអ្នកស្នេហាវិស័យរថយន្តទំនើបៗ តារាល្បីៗ អ្នកបង្កើតមតិកា និង YouTuber លំដាប់អន្តរជាតិ ក៏ដូចជាអ្នកជំនួញមានមុខមាត់ជាច្រើនដែរ។
ក្នុងព្រឹត្តិការណ៍ GUMBALL 3000 លើទឹកដីអង្គរខេត្តសៀមរាបនេះដែរ ក៏បានឃើញមានការរៀបចំការសម្ដែងទស្សនីយភាពខ្លះៗបង្ហាញពីវប្បធម៌ អរិយធម៌ខ្មែរនៅឯមុខប្រាសាទអង្គវត្ត ដើម្បីជាការទទួលស្វាគមន៍ដល់អ្នកចូលរួមទាំងក្នុងស្រុក និង អន្តរជាតិផងដែរ។
អ្វីដែលមហាជនកំពុងផ្ទុះចាប់អារម្មណ៍ខ្លាំង ក្នុងនោះគេបានឃើញវត្តមានរបស់កំពូលតារាចម្រៀងប្រុសលោកឧកញ៉ា ខេមរៈ សិរីមន្ត បានតុបតែងខ្លួនជាព្រះបាទជ័យវរ្ម័នទី ៧ ដើរបង្ហាញខ្លួនយ៉ាងអង់អាចក្នុងព្រឹត្តិការណ៍ GUMBALL 3000 នេះ ដែលជាការចូលរួមសម្ដែងទស្សនីយភាពអមជាមួយនឹងភ្លេងឆៃយ៉ាំខ្មែរ នៅមុខប្រាសាទអង្គរវត្តយ៉ាងអស្ចារ្យ។
សកម្មភាពនៃការតុបតែងជាព្រះបាទជ័យវរ្ម័នទី ៧ ដើរបង្ហាញខ្លួនរបស់កំពូលតារាចម្រៀងប្រុស ខេមរៈ សិរីមន្ត ក្នុងព្រឹត្តិការណ៍នេះដែរ កំពុងត្រូវបានមហាជនអ្នកគាំទ្រលើបណ្ដាញសង្គមជាច្រើនបង្ហោះចែករំលែកបន្តបន្ទាប់ភ្ជាប់ជាមួយមតិសរសើររៀងៗខ្លួនផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
