(វីដេអូ) វ៉ាវ! កូនប្រុសទី ២ របស់ឧកញ៉ា ព្រាប សុវត្ថិ លេចមុខនៅមជ្ឈមណ្ឌល Millennium កន្លែងហាត់រាំដ៏ល្បី នៅទឹកដីសហរដ្ឋអាមេរិក

មហាជននិយមតាមដានគ្រួសាររបស់កំពូលតារាចម្រៀងប្រុស គឺឧកញ៉ា ព្រាប សុវត្ថិ កំពុងតែមានការចាប់អារម្មណ៍ថា មួយរយៈចុងក្រោយនេះ ដូចជាពុំសូវឃើញវត្តមានរបស់កូនប្រុសកណ្តាលរបស់ឧកញ៉ា ព្រាប សុវត្ថិ នោះទេ ពោលគឺលោក សុវត្ថិ មុនីនាគ ដែលជាហេតុធ្វើឱ្យអ្នកគាំទ្រមានការសួរនាំ និង នឹករឭកយ៉ាងខ្លាំង។

ក្រោយពីបានរយាលលើវិថីសិល្បៈនោះ មកដល់ចុងឆ្នាំ ២០២៣ និង ដើមឆ្នាំ ២០២៤ នេះ លោក សុវត្ថិ មុនីនាគ ក៏កាន់តែស្ងប់ស្ងាត់លើបណ្តាញសង្គមហ្វេសប៊ុក ដោយម្តងម្កាលលោកបានបង្ហោះរូបភាព និង វីដេអូក្នុងគណនី IG របស់ខ្លួន។

បច្ចុប្បន្នលោក សុវត្ថិ មុនីនាគ កំពុងតែរស់នៅឯសហរដ្ឋអាមេរិកឯនោះ ហើយថ្មីៗនេះ អ្នកគាំទ្របាន និង កំពុងចាប់អារម្មណ៍នូវវីដេអូ ដែលលោក សុវត្ថិ មុនីនាគ បានបង្ហោះពីក្បាច់រាំយ៉ាងឡូយជាមួយនឹងជនជាតិបរទេសនៅឯ Millennium Dance Complex ដែលជាមជ្ឈមណ្ឌលរបាំដ៏ល្បីនៅឯសហរដ្ឋអាមេរិក ក្នុងទីក្រុង Los Angeles។

ជាការពិត ក្នុងការរស់នៅឯសហរដ្ឋអាមេរិកនេះដែរ សុវត្ថិ មុនីនាគ គឺកំពុងតែហ្វឹកហាត់ការរាំនៅឯ Millennium Dance Complex ដែលជាមជ្ឈមណ្ឌលរបាំល្បីឈ្មោះមួយនៅទីនោះ។ លើសពីនោះ ទីនេះ គឺមានអ្នករាំ និង តារាប្រុសស្រីល្បីៗជាច្រើនទៅហ្វឹកហាត់ការរាំដូចគ្នា៕

សូមចុចទីនេះ ដើម្បីទស្សនាវីដេអូទី ១៖

សូមចុចទីនេះ ដើម្បីទស្សនាវីដេអូទី ២៖