បង្ហាញវីដេអូសកម្មភាព ជូវី លីន បញ្ចេញស្នាដៃដឹកនាំថត MV ឱ្យ ជី ដេវីត ធ្វើឱ្យអ្នកគាំទ្រអន្ទះសាខ្លាំង

មកដល់ពេលនេះ រយៈពេលជាង ២ ខែមកហើយ ដែលសមាជិកក្រុម Polarix មានលោក នរិទ្ធ និង លោក ជូវី លីន បានប្រកាសរំសាយ ក្រោយពីបង្កើតមកអស់រយៈពេល ៨ ឆ្នាំ បើគិតចាប់តាំងពីឆ្នាំ ២០១៦។

ក្នុងនោះ ការចាកចេញពីផលិតកម្មបារមីក្រោយរំសាយក្រុម Polarix ហើយនោះ ជូវី លីន ក៏បានបន្តដំណើរលើវិថីសិល្បៈក្នុងនាមជាផលិតករ អ្នកនិពន្ធ និង អ្នកចម្រៀងដូចដើម។ មកដល់ពេលនេះ លោក ជូវី លីន ក៏បានបញ្ចេញ​បទ​ចម្រៀង​ទោល​ជាច្រើនបទមកហើយ ក្នុងនាមជាតារាចម្រៀងឯករាជ្យ។

ជាងនេះទៅទៀត កាលពីពេលថ្មីៗនេះ លោក ជូវី ក៏ត្រូវបានប្រកាសក្លាយទៅជា Music Producer ក្នុងកម្មវិធីប្រកួតចម្រៀង Rapper Fighter ទៀតផង។

ដោយឡែក ថ្មីៗនេះ អ្វីដែលកំពុងតែធ្វើឱ្យអ្នកគាំទ្រមានការភ្ញាក់ផ្អើលនោះ តាមរយៈការបង្ហោះវីដេអូរបស់លោក អធិកា ក្នុងគណនី Tik Tok របស់លោក បានបង្ហាញសកម្មភាពរបស់លោក ជូវី លីន កំពុងដឹកនាំការថត MV ថ្មីរបស់តារាចម្រៀងរ៉េប ជី ដេវីត។

ក្នុងនោះ បើទោះជាមិនទាន់ដឹងថាជាបទអ្វីក៏ពិតមែន ប៉ុន្តែអ្នកគាំទ្រកំពុងរង់ចាំអ៊ុតមើលថា តើ MV នៃការសហការដំបូងរវាង លោក ជូវី និង លោក ជី ដេវិត ប្លែកយ៉ាងណា៕

សូមចុចទីនេះ ដើម្បីទស្សនាវីដេអូ៖