(វីដេអូ) ស្តែងៗវីដេអូ ម៉ៃ សុគន្ធ ជិះឡានរត់គេចយប់មិញ ហើយសមត្ថកិច្ចដេញតាមប្រកៀកដូចក្នុងរឿងហុងកុង
កាលពីរាត្រីថ្ងៃទី ០៤ ខែកញ្ញា ឆ្នាំ ២០២៤ កន្លងទៅនេះ មហាជន និង អ្នកលេងបណ្តាញសង្គមហ្វេសប៊ុកមានការភ្ញាក់ផ្អើលយ៉ាងខ្លាំង បន្ទាប់មានការចែកចាយព័ត៌មានពីតារាប្រុស ម៉ៃ សុគន្ធ បានបើករថយន្តបុករះ និង ព្យាយាមបើករត់ តែត្រូវសមត្ថកិច្ចចាប់បាន។
ក្នុងហេតុការណ៍នោះ លោក ម៉ៃ សុគន្ធ បានបើករថយន្តបុករះពនៅចំណុចបឹងបៃតង និង ព្យាយាមរត់គេច តែក៏ជាប់អន្ទាក់នៅម្តុំទឹកថ្លា ដោយត្រូវបានសមត្ថកិច្ចវាយកខ្នោះយកទៅអធិការខណ្ឌសែនសុខភ្លាមៗផងដែរ។
ក្នុងនោះ លោក ម៉ៃ សុគន្ធ បានបើករថយន្ត LAND CRUISER ដោយព្យាយាមរត់គេចពីគោលដៅត្រួតពិនិត្យអនុវត្ថន៍ច្បាប់ចរាចរណ៍ ទើបន្តមកបុករះកង់បី និង វិលទៅបុករបាំងថ្មឱ្យរលំអស់ ២ ផ្ទាំង។ រីឯរថយន្តរងកាខូចខាតយ៉ាងដំណំបង្កឱ្យមានមនុស្សរងរបួសម្នាក់ នៅលើផ្លូវសហព័ន្ធរុស្ស៊ី ក្បែរផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ វេលា ១២ និង ២០នាទី យប់រំលងអាធ្រាត្រ ឈានចូលថ្ងៃទី ៥ ខែកញ្ញា ឆ្នាំ ២០២៤។
ដោយឡែក វីដេអូនៃការបើករថយន្តរត់គេចពីសមត្ថកិច្ចរបស់លោក ម៉ៃ សុគន្ធ ត្រូវបានចែករំលែកពេញបណ្តាញសង្គមហ្វេសប៊ុក ដោយមានការថតបានពីប្រជាពលរដ្ឋ ដែលកំពុងផ្ទុះការចាប់អារម្មណ៍យ៉ាងខ្លាំង។ វីដេអូនោះ លោក ម៉ៃ សុគន្ធ បានព្យាយាមបើករថយន្តរត់កិច្ច ដូចក្នុងរឿងហុងកុងយ៉ាងដូច្នោះ៕
