(វីដេអូ) សំងំៗ ម្ចាស់ពាន «Beat The Best» លីន សោម៉ា ឡើងស៊េរីខ្ទង់ច្រមុះថ្មី លើកទម្រង់មុខប្លែក

ចាប់តាំងពីគ្រងតំណែងក្លាយជាម្ចាស់ពានរង្វាន់កម្មវិធីប្រឡងចម្រៀងដ៏ធំ «Beat The Best» រដូវកាលទី ២ មក កញ្ញា លីន សោម៉ា កាន់តែមានទីផ្សារសិល្បៈថែមមួយកម្រិតទៀត មិនថាតាមឆាកតន្រ្តី ឬកម្មវិធីទូរទស្សន៍ទេ គេតែងឃើញម្ចាស់ពានវ័យក្មេងរូបនេះ បង្ហាញមុខលុកលុយទីផ្សារជារឿយៗ។

ទន្ទឹមនឹងភាពជោគជ័យមួយកម្រិតលើអាជីពចម្រៀង ថ្មីៗនេះ លីន សោម៉ា ក៏បានធ្វើឱ្យអ្នកគាំទ្រជាច្រើនស្រឡាំងកាំងនឹងសម្រស់ថ្មីរបស់នាង ដែលស្រីស្រស់រាងតូចច្រឡឹងរូបនេះ ទើបសម្រេចចិត្តវះកាត់បន្ថែមខ្ទង់ច្រមុះថ្មី ដែលមើលទៅពិតជាប្លែក ជ័យលើកសម្រស់ឱ្យកាន់តែមានភាពទាក់ទាញមួយកម្រិតទៀត។

បើគិតទៅ លីន សោម៉ា បានវះកាត់បន្ថែមខ្ទង់ច្រមុះនេះរយៈពេលជាងខ្លះខែមកហើយ ដោយនាងក៏បានបង្ហាញពីវីដេអូនៃថ្ងៃនីមួយៗចាប់តាំងពីវះកាត់ដំបូង រហូតទទួលបានសម្រស់ថ្មីមួយបែបទៀត។ ក្នុងនោះក៏មានអ្នកគាំទ្រជាច្រើនលើកសរសើរទៅតារាចម្រៀងវ័យក្មេង លីន សោម៉ា ពេលបន្ថែមខ្ទង់ច្រមុះបែបនេះទៅ កាន់តែប្លែកទាក់ទាញម្យ៉ាងពីទម្រង់មុខធម្មជាតិរបស់នាង៕