(វីដេអូ) ទៅដល់អូស្ត្រាលីភ្លាម អេឡិច ចាន់ត្រា រៀបបាច់ផ្កាទៅអបអរហាងអាហារបែបខ្មែររបស់ ស៊ុក សុភា ភ្លែត
នៅដើមខែសីហា ឆ្នាំ ២០២៤ នេះ តារាចម្រៀងប្រុសលោក អេឡិច ចាន់ត្រា បានធ្វើដំណើរទៅកាន់ប្រទេសអូស្ត្រាលី និង កំពុងធ្វើដំណើរកម្សាន្តនៅទីនោះ មុនពេលការសម្តែងមកដល់។
ក្នុងនោះដែរ ក្រោយពីទៅដល់ប្រទេសអូស្ត្រាលី មិនបានប៉ុន្មាន អ្នកគាំទ្របានឃើញលោក អេឡិច ចាន់ត្រា ស្រូតធ្វើដំណើរទៅកាន់ទីក្រុ Melborn ដើម្បីអបអរការបើកហាងអាហារបែបខ្មែររបស់អតីតតារាសម្តែង ស៊ុក សុភា និង ភរិយា នៅទីនោះ។ លើសពីនោះ លោក អេឡិច ចាន់ត្រា គឺមិនទៅដៃទទេរនោះទេ គេបានទិញបាច់ផ្កាទៅជូនពរដល់លោក ស៊ុក សោភា ទៀតផង។
ជាការពិតណាស់ នេះមិនមែនជាលើកទី ១ ទេ ដែលលោក អេឡិច ចាន់ត្រា បានទៅលេង និង សួរសុខទុក្ខដល់លោក ស៊ុក សុភា និង ភរិយា ពោលគឺរាល់ពេលលោកទៅកាន់ប្រទេសអូស្ត្រាលី លោក អេឡិច ចាន់ត្រា តែទៅជួបលោក ស៊ុក សុភា បង្ហាញពីទំនាក់ទំនង និង ការរាប់អានយ៉ាងជិតដិតជាមួយគ្នាជានិច្ច៕
សូមចុចទីនេះ ដើម្បីទស្សនាវីដេអូ៖
