មិនឈ្នះពាន The Voice kid មែន តែ ហ៊ាង មួយគាង ក្ដោបប្រជាប្រិយភាពខ្លាំងលើបណ្ដាញសង្គម
ជឿជាក់ថាមហាជនអ្នកគាំទ្រវិស័យចម្រៀងសុទ្ធសឹងតែបានស្គាល់ពី កុមារី ហ៊ាង មួយគាង ដែលជាអតីតបេក្ខភាពដ៏ឆ្នើមមួយរូបក្នុងកម្មវិធីប្រឡងចម្រៀងលំដាប់ពិភពលោក The Voice Kids Cambodia រដូវកាលទី ៣ ទោះបីមិនទទួលបានជោគជ័យក្នុងការប្រឡងនេះមែន ប៉ុន្តែនាងក៏ទទួលបានការស្រឡាញ់គាំទ្រខ្លាំងពីមហាជន។
ម៉្យាងវិញទៀត ក្រោយពីបញ្ចប់ការប្រឡងចម្រៀងនេះដែរ ឃើញថាប៉ុន្មានឆ្នាំមកនេះ ហ៊ាង មួយគាង ក៏មានទីផ្សារសិល្បៈខ្លាំងផងដែរ ដោយឃើញលេចមុខលើឆាកប្រគំតន្រ្តី និងការងារសិល្បៈផ្សេងៗជាបន្តបន្ទាប់។
ជាពិសេសមកដល់ពេលនេះ ឈានចូលវ័យ ១៤ ឆ្នាំ ហ៊ាង មួយគាង តែងត្រូវបានមហាជនចាប់អារម្មណ៍ និង សរសើរខ្លាំងជាមួយនឹងការប្រែប្រួលរូបរាងរបស់នាង ដែលតារាស្រីវ័យក្មេងរូបនេះ កាន់តែធំពេញរូបពេញរាងមានរូបសម្រស់កាន់តែស្រស់ស្អាតប្លែកខ្លាំងពីមួយឆ្នាំទៅមួយឆ្នាំ។
លើសពីនេះ ហ៊ាង មួយគាង ក្រៅពីវិស័យចម្រៀង មួយរយៈក្រោយនេះ នាងបានវិវត្តិខ្លួនក្លាយជាតារា TikTok ដ៏មានប្រជាប្រិយភាពម្នាក់ ដែលឆក់បានការស្រឡាញ់ចូលចិត្តតាមដានពីអ្នកលេងបណ្ដាញសង្គមជាច្រើនតាមរយៈវីដេអូក្បាច់រាំថ្មីៗដ៏ទាក់ទាញរបស់នាង ព្រមទាំងពេលនេះនាងក៏ឆក់បានការចាប់អារម្មណ៍ពីអ្នកជំនួញអនឡាញល្បីៗជាច្រើនជ្រើសរើសនាងធ្វើជា BA ផ្សព្វផ្សាយផលិតផលផ្សេងៗទៀតផង៕
សូមចុចទីនេះដើម្បីទស្សនាវីដេអូ៖
