ធ្លាប់ល្បីឈ្មោះមានលុយវាល់លាន ចុងក្រោយតារាស្រីថៃរូបនេះដើរផ្លូវខុសធ្លាក់ខ្លួនជាជនអនាថា យកមេឃជាដំបូល

ថ្មីៗនេះ រូបភាពរបស់ Slate Ae ដែលជាតារាចម្រៀងកន្រ្តឹមថៃ កំពុងតែត្រូវបានប្រជាជនថៃ ក៏ដូចជាអ្នកដែលធ្លាប់ជាហ្វេនរបស់តារាចម្រៀងស្រីរូបនេះចែករំលែកជាច្រើននៅលើបណ្តាញសង្គម ក្រោយបាត់មុខពីសិល្បៈយូរ តារាចម្រៀងស្រីរូបនេះបែរកំពុងតែដើរតាមផ្លូវដូចជនអនាថា ស្លៀកពាក់ ខោមិនខោអាវមិនអាវទៅវិញ។

បន្ទាប់ពីឃើញខ្សែជីវិតដ៏កម្សត់របស់ Slate Ae ពិតជាធ្វើឱ្យមហាជនមានការអាណិត និង សោកស្តាយខ្លាំងចំពោះរូបនាង ទាំងដែលកន្លងមកនាងធ្លាប់តែជាតារាចម្រៀងកន្រ្តឹមល្បី មានមនុស្សចោមរោម មានឡានទំនើបជិះ មានលុយ មានផ្ទះល្អៗរស់នៅ តែពេលនេះនាងបែរជាធ្លាក់ខ្លួន និង អាស្រ័យបាយគេឱ្យ បន្ទាប់ពីនាងច្រៀងឱ្យគេស្តាប់ទៅវិញ។

ជាក់ស្តែង មានព័ត៌មានក្នុងស្រុករបស់ថៃឈ្មោះ T News បានទម្លាយថា នៅពីក្រោយជីវិតដែលធ្លាក់ដល់សូន្យរបស់តារាចម្រៀងស្រី Slate Ae គឺ ដោយសារតែនាងធ្លាប់ប្រើប្រាស់ ក៏ដូចជាពាក់ព័ន្ធជាមួយនឹងគ្រឿងញៀន ទើបចុងក្រោយនាងគ្មានសល់អ្វីបែបនេះ៕