ឃ្លាតពីសិល្បៈទៅរៀននៅបរទេស Ken ធ្វើឱ្យអ្នកគាំទ្របារម្ភខ្លាំង ពេលឃើញរូបរាងលោកអង់គ្លេស

មួយរយៈហើយ ដែលតារាប្រុសរូបសង្ហា Ken Phupoom បានសម្រេចចិត្តឃ្លាតឆ្ងាយពីសង្សារបណ្តូលចិត្ត ក៏ដូចជាការងារសិល្បៈទៅបន្តការសិក្សានៅក្រៅប្រទេស។ ជាមួយគ្នានោះដែរ បើទោះបីជារវល់ការងាររៀនសូត្រប៉ុនណាក៏ដោយ តែ Ken Phupoom មិនបានបង្ហើបទេថា លោកនឹងឈប់ពីការងារសិល្បៈរហូតនោះ។

ដោយឡែក បើទោះជាជ្រើសរើសបន្តការសិក្សានៅក្រៅប្រទេសក៏ដោយ តែ Ken Phupoom នៅតែរក្សាចំណងស្នេហ៍ជាមួយមិត្តស្រី Esther ដូចដើម រហូតមហាជនសង្ឃឹមថា ក្រោយខាងប្រុសត្រឡប់មកពីរៀនវិញអ្នកទាំងពីរនឹងមានដំណឹងល្អជាមួយគ្នា។

មួយវិញទៀត បើងាកមកមើលពីជីវិតឯកជនរបស់ Ken Phupoom ខណៈពេលនេះវិញ ឃើញថា យូរៗលោកចេញមុខបង្ហោះម្តងកុំឱ្យអ្នកគាំទ្រភ្លេចមុខ តែអ្វីដែលនឹកស្មានមិនដល់ គ្រាន់តែបង្ហោះរូបភាពភ្លាម អ្នកគាំទ្រលាន់មាត់ និង បង្ហាញក្តីព្រួយបារម្ភព្រាត ដោយម្នាក់ៗបានចូលទៅខមមិនក្រោមការបង្ហោះថា លោកស្គមខ្លាំង ឱ្យលោកថែសុខភាព៕