ពិធីករល្បី ជា វិបុល ប្រកាសមានបញ្ហារលាកសរសៃកែងជើង អ្នកគាំទ្រនាំគ្នាបារម្ភព្រាត

ពិធីកររូបសង្ហាប្រចាំទូរទស្សន៍ហង្សមាស លោក ជា វិបុល បានបង្ហោះសារលើហ្វេសប៊ុកនៅថ្ងៃទី ២៦ ខែឧសភា ឆ្នាំ ២០២៣ នេះ បង្ហើបពីស្ថានភាពសុខភាពរបស់លោកគួរឱ្យព្រួយបារម្ភ។

ធ្លាប់តែឃើញលោក ជា វិបុល មានសុខភាពល្អរឹងមាំនៅលើឆាកពេលបំពេញភារកិច្ចជាពិធីករ ស្រាប់តែពេលនេះ លោកបានបង្ហោះសារថា ៖ «ខ្ញុំមានបញ្ហារលាកសរសៃកែងជើង និង ឈឺខ្លាំងមួយសប្តាហ៍ហើយ តើគួរព្យាបាលយ៉ាងណាដែរ?»។

ក្រោយលោក ជា វិបុល ប្រាប់ពីបញ្ហារលាកសរសៃកែងជើងនេះភ្លាម ក៏មានមិត្តភក្ដិក្នុង និង ក្រៅសិល្បៈជាច្រើនបាននាំគ្នាចូលទៅបញ្ចេញយោបល់ណែណាំឱ្យលោកប្រញាប់ទៅជួបគ្រូពេទ្យដើម្បីពិនិត្យតាមដានឱ្យបានច្បាស់លាស់ ហើយអ្នកគាំទ្រជាច្រើនក៏សម្ដែងការព្រួយបារម្ភចំពោះសុខភាពលោកផងដែរ៕