Grand ឆ្លើយទាំងទឹកភ្នែកហូររហាម ពេលត្រូវពិធីករ Moddam សួរថា នៅស្រឡាញ់សង្សារឬអត់?

ក្រោយបែកគ្នាសំងំធ្វើចិត្តអស់មួយរយៈមក ពេលនេះរបួសផ្លូវចិត្តតារាស្រី Grand ហាក់ធូស្បើយខ្លះហើយ ហើយនាងក៏បានចូលខ្លួនមកបំពេញការងារសិល្បៈយ៉ាងសកម្មភាពដូចមុនដែរ។ លើសពីនេះទៅទៀតនោះ Grand ក៏បានលេចវត្តមានបង្ហាញពីសុខទុក្ខរបស់នាងឱ្យមហាជនបានជ្រាបដែរនៅក្នុងកម្មវិធីរបស់ Moddam។

បើទោះបីជាស្នេហ៍ត្រូវបានបញ្ចប់ តែបើងាកទៅមើលរបួសក្នុងចិត្ត Grand ហាក់នៅមិនទាន់ជាសះស្បើយ ១០០% នៅឡើយទេ ពោលគឺគ្រាន់តែពិធីករ Moddam សួរសំណួរយ៉ាងចាក់ដោតមួយទៅកាន់នាងថា ៖ «តើនៅស្រឡាញ់ Denkhun ដែរឬទេ?

ភ្លាមនោះ Grand បានឆ្លើយតបទាំងទឹកភ្នែកសស្រាក់ថា នាងពិតជានៅស្រឡាញ់ តែដោយសារតែហេតុផលមួយចំនួនទើបនាងមិនអាចបន្តជាមួយគ្នាបាន។ ភាពរំចួលចិត្តរបស់តារាស្រីរូបនេះ បានធ្វើឱ្យអ្នកគាំទ្រនាងក្តុកក្តួលតាមមិនស្ទើរទេ៕