(វីដេអូ) ត្រូវដៃជើងគ្នាណាស់! សុខ សោម៉ាវត្តី និង សារ៉ាយ សក្កណា ព្រួតគ្នាធ្វើរឿងនេះដាក់ Paing ឡើងអៀន

អ្នកគាំទ្រកំលោះសង្ហាមីយ៉ាន់ម៉ា Paing Takhon កំពុងនាំគ្នាជ្រួលច្របល់ចង់ជួបមុខ Idol ផ្ទាល់នៅខាងក្រៅ ខណៈបច្ចុប្បន្ននេះ លោកកំពុងស្ថិតនៅប្រទេសកម្ពុជាដើម្បីថតរឿង «ប្រុសលក់ខ្លួន»។

រូបរាងខ្ពស់ស្រឡះ និង មុខមាត់ស្រស់សង្ហារបស់អ្នកកំលោះ Paing Takhon មិនត្រឹមតែធ្វើឱ្យអ្នកគាំទ្រនារីៗជាច្រើន ជ្រួលច្របល់បេះដូងលង់ស្នេហ៍នូវស្នាមញញឹម ភាពរួសរាយរាក់ទាក់ និង ចរិតគួរឱ្យស្រឡាញ់របស់លោកទេ សូម្បីតែតារាសម្ដែងឆ្នើម សុខ សោម៉ាវត្តី និង អ្នកនាង សារ៉ាយ សក្កណា ក៏មិននៅស្ងៀមដែរ ពេលបានជួប Paing នៅខាងក្រៅ។

ជាក់ស្ដែងថ្មីៗនេះ សារ៉ាយ សក្កណា បានបង្ហោះវីដេអូខ្លីលេងសើចមួយនៅលើបណ្ដាញសង្គម Tiktok ដែលបានបង្ហាញពីសកម្មភាពនាង និង មិត្តសម្លាញ់គឺតារាសម្ដែង សុខ សោម៉ាវត្តី បាននាំគ្នារត់ទៅឱប ស្និទ្ធស្នាលជាមួយប្រុសសង្ហា Paing បង្ហាញពីការពេញចិត្តពេញថ្លើមចំពោះលោក ធ្វើឱ្យអ្នកកំលោះរូបនេះ បានត្រឹមអៀន និង ញញឹមប្រកបដោយមន្តស្នេហ៍ប៉ុណ្ណោះ។ សូមចុចទីនេះ ដើម្បីទស្សនាវីដេអូ ៖